Letter: Bodl. MS heb. d 66/57

Letter Bodl. MS heb. d 66/57

Input date

In PGP since 1988

Description

Letter from the judge Eliyyahu, in the Sinai desert, to his son the physician Abū Zikri, in Jerusalem. Eliyyahu admonishes him to live in peace with his younger brother and to attend to various other matters. (Information from Goitein's index card) EMS and VMR

Images and transcription

Transcription

  • ???
  • אעלם אלולד אלעזיז אלחכים אבו זכרי ופקה אללה תע
  • אנני וצלת אלי אלמטילב יום אלגמעה אכר אלנהאר בעד
  • אן תרכנא אלקאפלה וסרת מע אתנין אעראב ראפקתהם
  • פי אלטריק וחצל לי משקה עטימה פי אלמשי וסוק אלדאבה
  • לאנהא כאנת מתקלה בעד אן פרקת אכתר מא פי אלכרג
  • לאהל אלקאפלה חתי אלפרו ואלכסא ואלתיאב ולטף אלבארי
  • ואגראני עלי עואידה אלגמילה אלרחימה לא זאלת אבדא
  • מנא ומנכם אמן ונסבת בעזרת שדי פיה פלמא אן
  • גאז חאמל הדה אלאחרף והו רסול אלסלטאן נצרה אללה תפצל
  • וקאל אכתב כתאבא נוצלה לך פאוציתה אן יסלמה לאחד
  • ממאליך אלמולי אלאגל אלכביר אלמוופק נור אלדולה יוצלה לאבני
  • ממלוכהם פאנעם ואכד הדא אלכתאב אליכם ליטמאן קלובכם
  • ותדעו לי באן לא יזיל ענ >י< תפצלה ויוצלני אליכם סאלם בעד
  • קצא אלחואיג בפצלה ובקי קלבי ענדך ומא עלמת איש גרי
  • לך פסאעה וקופך עלי הדה אלאחרף סייר לי כתאב בבושרי
  • כיר גרי לך תרזק מן ענד אללה תע ליטמאן קלבי ובמן
  • כלקך אנה מאלך נפסך ומאלך נפוס גמיע מא כלק אמא
  • תעוץ כלקך ותתוצא בחסן אלסיאסה מע אלנאס ומע אכוך
  • ומע מן אלזמך אללה באברארהא וכלץ נפסך מן עדאב אלדניא
  • ואלאכרה ומא אנת צגייר ואתעלם מן אלמאלך כמא קאל

(margin)

  • אלנבי אל יתהלל הגבור בגבו(רתו) וג' כי אם בז(את) ית(הלל) המ(תהלל)
  • הש(כל) וידוע אותי כי אני יי עושה

(top of ? )

  • חסד משפט / וצדקה בארץ / כי באלה חפצ(תי) / נאם השם / אי כדא ארדת / אן
  • תפעלון (!) / תן לחכם ויחכם / עוד ושלום

verso

  • ותסלם עלי רצי ופקה ותערפה
  • יתבת נפסה ויסתר ערצה וערץ ואלדיה
  • לוגה אללה ואלוציה לכם אלאתנין ומא ימדח
  • אלא אלכיר ופאעלה ותקול לה לא יגפל
  • ען אלחאגתין אלדי ענד אלאמאם ואדפע
  • לה אלכתאב יקראה ותוציה אן יקרא ולא
  • תוכדה ולא תחארבה לאנך תערף אן
  • [אן] כלקה מא יחתמל ואסתרו אנפסכם
  • וואלדיכם מן אלשתימה ממן לא יסוא אן יכלם
  • קד תעבת מן אלועץ אללה ילהמכם למצאלחכם
  • דניאכם ואכרתכם ולא ישמת בכם אלאעדי
  • ותסלם עלי מולאנא אלסעיד אלמוופק אלאמיר אלאגל נור אלדולה
  • ותערפה דעאי לה ולאולאדה ותקול לה אן נחן מן עאילתה לעל
  • יסייר ללאסעד אלנצראני ויבלגה אן יכלץ לי אלדראהם בגיר
  • ענף לאן מא קצדנא אן יכון קלב אחד תקיל עלינא או יסייר
  • לאלשיך אלאמין ויקול לה מא נערף כלאץ אלי דרא אלא מנך
  • ] מנהא
  • יסלם עלי אהל אלבית ואלצגייר ואם [

(margin, right)

  • אלדרהם אלבאקי ואדפע / לרצי חואל [

(margin, left)

  • וגמיע אלאצדקא ושלום

(top of the page?)

  • וסלם לי על (!) ר פרחיה / ווציה באלצגיר / ומא יציע לה שי / ושלום /
  • ולכלל הרבנים / שלומם / ירבה
  • הכתובת
  • الى القدس الشريف حرسه الله تعالى يسلم للحكيم الكحال ابو زكري
  • بن بو الفرث المعروف بابن الرئيس