Letter: Moss. Ia,5

Letter Moss. Ia,5

Tags

Description

Letter from Hayye Gaon, in Baghdad, to Sahlan b. Avraham in Fustat. Dated Kislev 1349 Sel. (Dec 1037–Jan 1038). Regarding the disagreement among Iraqi community members in Fustat. A group of people is opposed to Sahlan and spreads written materials against him. Hayye Gaon promises Sahlan that he will support him and advises him to act with restraint. (Information from Gil, Kingdom, Vol. 2, #41)

Moss. Ia,5 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.

Recto

  1. בשמך רחמ 
  2. כתאבי אטאל אללה בקא ידידנו מחמד נפשנו //והחבר// ראס אלכל סגן הישיבה רא[ש הסדר מן דאר] אלס[לאם…
  3. [      ] בטבת שנת שמט ען סלאמה פי אלנפס אחמד א[ללה ולו דה]בת אלי וצף מא [ענדי] מן 
  4. אלצעף אלמלאזם וקד נגצת עליי אלחיאה מן צרבאן אלאפאת לטא[ל אלשרח לכן אקול ברכו ייי כל] 
  5. מעשיו ואסלה אן יגעל לדלך אכרה מחמודה ועאקבה נאפעה והו ולי דלך וקלבי בגמיע מתרחש
  6. אליך יאסידי אדאם אללה עזך וקד כנת כתבת כתאבא אלי [           מחמ]דנר מ רב
  7. נחמיה אלאך אלפאצל וארגו אן יכון קד וצל ובלגת פיה אלגרץ ואן יבלגה אללה מא [      ] יאסיד[י] 
  8. אנה גאני מנד איאם קלילה כתאב מעלון מן אהל כניסה אלעראקיין גיר מנסוב אלי אחד אן קומא קד
  9. תאר עליך וכתב בעצהם מחאצר ואוחשני דאך ולם אערף אלצורה כיף [כא]נת ווצלן [   ] כתאב
  10.  מנסוב אלי אנה מן סלימן בן מבורך וקד דכר אנה כאן ענדנא בבגדאד [      אלש]יך אלגליל אפרים 
  11.  הנודע בבן אלעכי אדאם אללה עזה פי צחבתה וכתר אגתמאמה //מנה// ודכר לי אן יסמא נצר ויפורהם 
  12.  למכאצמתך וכתב אלמחאצר וכתר גמי בדלך ודכר אנהם לם ינפעהם דלך מן [   ] אלכניסה אידהם 
  13.  אללה ואן אכתר אלגמאעה פי נצרתך פסרני דלך ואללה במנה יגעלך מטפרא מן [      ] אלמני [      ]
  14.  וליס אערף שרח לדלך בל דכר לי מר סלימן אנהם כתבו כתבא אלינא [ואלי גמיע] אלכנאים [      ]ֿ
  15.  ואנהם אלי גאיה מא כתבו //מן// כתבהם לם ינפדוהא אלינא פינבגי אן תקדם מכאתבה [    ] מא [    ]
  16.  מחקקא ולמן נכאתב מן מנאצחיך פנשכרה ולמן נכאתב מן /מ/כאצמין פנצאל[חך] מעהם [ ]
  17.  [         ] ודכר לנא איצא ו//אן// אבא אלעלא אלמבארך בן מר אברהם אלצפורי [         ]
  18.  ואנה מן אלמגדדין עליך פתערפני אידך אללה דכרה ומן הו הל עראקי או [שאמי] ובאי שי יכאתב 
  19.  פקלבי אלי דלך ואנא אכתב אלי סידי אלשיך אלגליל אבי נצר מר פצל בן מר סהל אדאם אללה תאיידה
  20.  באן יערפני אלצורה בחקאיקהא ואן יקצד אלענאיה בך וייי יהיה בעזרך יעביר ממך כל צרה וצוקה
  21.  ויחשב עליך מחשבות שלום ואנא שדיד אלתטלע אלי דלך פתכתב אלכתאב באלשרח עלי עדה נסך לי[צל] 
  22.  ורא דלך וקבל אתמאם הדא אלכתאב וצל אלינא כתאבך אדאם אללה תאיידך וערפת צחה 
  23.  מא דכרתה מן קצה אליז נפסא אלמגדדין עליך וערפנא מצידהם אלתי דכרתה [         ]
  24.  אגרת שלקללות ושלחרמה עלי מן יגיר סנה אלבלד אלתי סנהא אלאואיל ואדא וצלת אלינא כתבהם
  25.  לם נקבל פיך סעאיה סאעי ולא ארגאב מרגב בל נחן [                ] איצא תכון עלי עארתך 
  26.  מן אסתצלאח אלצגאר ואלכבאר באלגמיל אדא קדרת עליה [         ] בתנא למן נכאתב פי הדא אלאמר 
  27.  ונכתם אלי סידי אלשיך אלגליל אבו נצר אדאם [אללה ת]איידה אן יעלמני [           ] אלאמר אוסטה ויקצד

Translation

Moss. Ia,5 1v

1v

Verso

  1. אלענאיה בך אסל אללה אן יכון לך מעינא ונאצרא ויכחשו אויביך לך ואתה על במותימו תדרוך ועלי תצרף אלרגוה
  2. לא תעול עלי אלגמע אן עואקב דלך נאפעה ואן וצל אלינא כתאב מן אלקום קבל תמאם הדא אלכתאב דכרנאה 
  3. לך פי הדא אלכתאב ואן וצל בעד דלך איצא דכרנאה לך פקד וצל אלינא כתאב מר שלמה בן מר יהודה אדאם
  4. אללה עזה אלפאסי וסררת בה איצא ואסלך אן תערפני צ[ור]תה ומנזלתה ווצל איצא אלינא כתאב מר חסן אלעאקולי 
  5. אידה אללה וסררת בה ואזדאד סרורי בכונה פי גהתך ומן מעאוניך ובאלגמלה פלסת אבצר בגמיע מא 
  6. יכאתבוני בה אלראוס בל עהדך וצבר קלבי ובאללה אלתופיק פתערפני גמיע מא יגרי וקר אעלמתך
  7. אני שדיד אלאיצאקה פי הדא אלוקת ואלהים יסעדני ובאללה אסתעין ויקנעך הדא אלקליל ושלום לך

 

Image Permissions Statement
  • Moss. Ia,5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.