Letter: Bodl. MS heb. d 47/62

Letter Bodl. MS heb. d 47/62

Tags

Input date

In PGP since 1987

Description

Letter from Efrayim b. 'Isma'il al-Jawhari to Yosef b. 'Awkal.

Transcription

S. D. Goitein, "Jewish Trade in the Mediterranean at the Beginning of the Eleventh Century‎" (in Hebrew), Tarbiz‎ 36, no. 4 (Jerusalem: Mandel Institute for Jewish Studies, 1967), 366-395.
  1. כתאבי יאשיכי וסידי וריסי וגלילי אטאל אללה בקאך ואדאם איאם סלאמתך וסעאדתך
  2. ען חאל סלאמה ועאפיה למוליהא (!) אלחמד כתירא תקדם כתאבי אליך יאשיכי וסידי
  3. ביד אלאשקר אלפיג וערפתך פיה וצול קנבאר כיארה ווצול אבי אלכיר בן ברכאת
  4. סאלם ללה אלחמד ארגו וצולה אליך ווקופך עליה אן שאללה וערפתך אן וזנת ען
  5. אלאעדל גמיע מא לזמנא מן באקי סלפה ודאר מאנך ובאב רשיד וטלבת אן
  6. נחמלהא מע בנאנה פלם יתפק לי חמלהא לאן וגדת עדל אן ואחד מן אלאעדל
  7. סאל מנה זיבק אן יסיר ואנא נעמל עלי חלה ואצלאחה ונשדה וכאן כתב
  8. אלי סידי אבי סעיד כלוף בן זכריא אידה אללה אנה סאל מולאי אלשיך אן יקבץ
  9. לה אלחמל אלואצל אליה צחבתי ואטלק ידי פיה אן ננפדה לה אין מא אתפק
  10. וערפני אבי בכר וכיל אבן רסתם אידה אללה אן גמיע מא למולאי אלשיך מן
  11. אלרחל ינזלה עלי אלשיך אבן רסתם וקד וקף מעי פי קבץ' אלאעדאל ומא
  12. אלא מעונה גזאה אללה כירא ודכר לי אנה יקף מעי פי וצקהא אן שאללה
  13. ואן אתפק לה וצקהא פי אלעיד הו יתכלף בהא אלי אן תצל אלי מולאי אלשיך אדאם
  14. אללה עזה והי ד' אעדל מנהא עדל ואחד לכאצה מולאי אלשיך ועדלין כלטה
  15. כלוף בן זכריא אידה אללה ועדל עליה פרח בן סלימאן יצל אלי כלוף
  16. ואלעדל אלדי כרג מנה אלזיבק אנה נעלם (= אנא נעמל) עלי חלה ואצלאחה ונטלע
  17. בה מעי אן שאללה וכדלך אלצרה אלדי וצלת צחבתי אנא נטלע בהא
  18. מעי אן שאללה או אן אתפק אחד אצחאבנא מן אלתקאת ננפדהא מעה בעד
  19. אן נאכד פיהא ראי אבי אברהים אסמאעיל בן יוסף בן אבי עקבה וארגו
  20. מן אללה אן יצל אלשכתור ונקבץ' לך אלצרה אלדי לך פיהא אן שאללה וכתאבי
  21. מולאי אלשיך לא יכליני מנה בחאלה וסלאמתה ומא יערץ אלי מולאי אלש[יך]
  22. מן חאגה נאתי פיהא... ה ועלי כאצה מולאי אלשיך אלשריפה א[

margin

  1. אפצל אלסלאם ובניה כל ואחד ... אפצל אלסלאם ואטיבה וגמיע מן
  2. תשמלה ענאיתה אלסלאם

page b, the address only:

  1. שיכי ומולאי וסידי אלשיך אבי אלפרג אטאל

(correction)

  1. מן אפרים בן אסמאעיל נ"נ
  2. יוסף בן יעקוב נ"נ בן עוכל אדאם אללה שאכר תפצלה
  3. תאידה ונעמאה