Scholarship on Letter: AIU V.A.70

Letter AIU V.A.70
  1. Bibliographic citation
    Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.
    Location in source
    • #789
    Relation to document
    • Digital Edition
    • Edition
    • Translation
Image
Transcription
Translation

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

Recto

  1. [ ] ונעמאנה
  2. [ ] אליך שד[יד] קרב [אללה אלאגתמאע בך
  3. [ ] וצל כתאבך יאמולאי תדכור קכץ אלרזמה וביע [ ]
  4. [     ]י ומגי כהדא יאמולאי כתבת למולאי אלשיך אבי אלסרו[ר ]
  5. אלרחל יובאע כמא קסם אללה יתברך שמו לבדו מן אלרזק ויוש[תרא ]
  6. יתעווק עלינא מן אלרחל דרה אן ואחד לאן אלבצאעה אדא [ ]
  7. [ ] ואנת .... פי דלך ודכרת מא אושתרי ללכלטה ביננ[א]
  8. אלתאלתה ז אעדאל כתאן בוצירי אלתלת //לך// ואלתלת למולאי אלשיך אבו אלסר[ור]
  9. ואלתלת לי ולם תדכור כיף אושתרי אלכתאן ולא במא קאומת עלינא
  10. אלאעדאל אלתי אשרחת פי כתאבך אן קדמת עלי אלבצאעה ומא צח לי 
  11. דאלך תום דכרת יאמולאי אן מעהא ג אעדאל וברקלו לכאצה מולאי
  12. אלשיך אבי אלסרור ומעהא איצא לכלטתכום גמיעה ז אע[דאל] פסאר אל 
  13. גמיע אלמחמול אלי כז עדלא וכדלך יכוצני מן דלך עדל [ ]ת הי 
  14. באזא מא יקום פי נפקה פי אלסנה וקד וצל מן אלעדה אלדי ברסמך
  15. וברסם מולאי אלשיך אבי אלסרור ג אעדאל פי קארב אלתראגמה וקד 
  16. קבצתהא ווזנת סלפתהא כאמלה אלבצף בסנגה מצר ונקרתהא ואלנצף
  17. בסנגה סקליה ואזנה מן כרא ב דנא ותלת וקד כונת מעוול עלי אלספר פי 
  18. האדי אלסנה פלמא וצלני כתאבך מא אמ<כ>נני אלספר לאלא יציע אלרחל 
  19. ואלאן יאמולאי קד אוסקת רזמה פי מרכב אבן אלבעבאע אלכביר צחבה 
  20. סיידי אבי יוסף יעקב פיהא לכאצתי קט פראך מנהא פרכה צייקה ופרכתין 
  21. לפאיף ועמאמה ופיהא איצא לכאצה מולאי אלשיך אבי סעיד צהרי כה
  22. פרכה עראץ פל וסט כל פרכה מנהא רקעה כאגד ביאץ ופיהא איצא לכאצתי 
  23. רטל לאסין ופיהא איצא כא רטל חריר מפתול אלנצף לכאצתי ואלנצף לכאצה 
  24. אלשיך אבל סעיד כלוף צהרי מן כלטתה מע סיידי אבו אלפרג מרדוך ופיהא 
  25. איצא כח רזמה לאסין וזנהא לו רטל אלנצף לכאצתי ואלנצף לכאצה אל 
  26. שיך אבי סעיד מן כלטתה מע מרדוך ופיהא איצא לכאצה אלשיך אבי סעיד 
  27. כ רטל חריר קנגל מן כלטתה מע מרדוך ולה איצא רזמתין וג קנאגל
  28. לאסין וזן אלגמיע ה ארטאל גלר תלת ועליבא אלצא מוגפל לכאצתי ד
  29. אעדאל ופרד תלאלס קלאעיה ועאדה אלאוגרה ג דנ> גיר תלת קבץ נצף אלסלפה 
  30. עלי אידי ט"ידי אבי יוסף יעקב ה רבאעיה ותלת ויצל אליך א"עא סרה רבאעיה
  31. תלתהא לכאצתי צחבה סיידי אבי אלפצל בן כלפה וזנהא קכב דינ ורבע והי 
  32. ק [ ] גייד כלאף כל מא חמלו מנהא אצחבנא ויצל אליך איצא [ 
  33. לכאצה צהרי סרה רבאעיה רומיה צחבה סיידי אבו אלפצל אלמדכור וזנהא
  34. קק דינ אדא תפצל אללה יתברך שמו לבדו בסלאמה אלרחל תקבץ מא

Recto - margin

  1. [ ] להא [
  2. ….
  3. ותכיע [ומא קסם]
  4. אללה מן אלרזק
  5. ....
  6. [ ] ותקכץ
  7. מא צח פי אל
  8. רחל ותביע
  9. איצא אל[ ]
  10. רבאעיא אלרומיא
  11. 11אלדי לכאצה
  12. צהרי מע אל
  13. כה פרכה
  14. תצחח מא יצח
  15. לה מן אלבק[יה]
  16. ותציפה למא
  17. כאן לי ותשתרי
  18. באלגמיע
  19. פלפל

Verso

  1. או תנפדה מע אחד מן אצחאבנא לבוציר או לריף פי גמיע מא תחתאג
  2. אליה אפעל ומא יכאלפך פי שי מן אלאשיא ומא אותרת בהדא אלא תכפיף
  3. ענך ותגדה כין אידיך פל גמיע אשגאלך ותדפע לה מא יקום ביה מן אלנפקה
  4. פעלינא אלמזובות מן וקת כמא יוצלח למתלה ותדפע אלנפקה אלי [
  5. ואנא אסלך יאמולאי סלמך אללה אן תתפצל בסורעה אלביע ואלשרא [ואנחד]
  6. ואנחדאר אלגולאם מע אלרחל אוול אלנאס ויכון אלוסק פי ג מראכב
  7. מנהא מרכב אכן אלבעבאע וקונבאר אלאמיר וקארב אלוזיר לאנהא תקדם
  8. אלוסק ואלאקלאע קבלי מראכב וכדלד תביע מא קד בקי מן אלרחל אלכלטה
  9. פאן אכתרת אן תציף עליה אלי אן יכון מותאלתה אפעל ולך עלו אלראי פי
  10. דלך וקד דפע עלי זכאר בן עמאר ען אלו קטאע [ ] במאזר ז רבאעיה
  11. וקירטין גיר חבה דהב [וד]כר אנה דפע לסידי אבי אלפרג מרדוך סלפה אלרצאץ 
  12. כאמלה ולם יבקא עלי אלרצאץ סלפה לאן קבצהא מני זכאר אעלמת מולאי
  13. דאלך וכדאלך אדא תפצל אללה תעאלא בוצול בקית אלמראכב [אפעל] תקבץ מא כאן 
  14. פיהא מן אלרחל ונביע כל באבה עלי גהתהא ומא כאן ללכלטה יובאע וישתרא 
  15. פיה ללכלטה בעינהא ובוסק אלגמיע פי אוול אלמראכב אן שא אללה מע אלחסאב באל 
  16. [ביע] ואלשרא וקד בעת עדל מן גמלה אלג אעדאל סע[ר] נז רבאעי אלקנט [ונצף ] 
  17. ותמאסכת באלעדלין לשתי כמא דכרת ולם יצל מן א[עדא]ל אלכלטה ולא עדל ומא 
  18. ראיית לשיך אבי אצחק אברהם בן פראח נע אלסנה כתאב ולא עלמת אין אוסק 
  19. בקית אלאעדאל פבע[ ]ודה ערפני סיידי אבו [יוסף] יע[קוב] בן כלף אנה אוסק
  20. עלי כל כצי [ ] עדל [ ] כתיר אלדי לם תכון
  21. …
  22. …
  23. …
  24. …
  25. …
  26. …
  27. …
  28. פ רב אלי תולת אעלמת מולאי דאלך ותתפצל יאמולאי תשתרי לי [

Verso - address

  1. לסיידי ומולאי אלשיך אבו יחיי נהראי בן מן מחבה וואדה צמח [ ]
  2. נסים נע אסכנדריה אן שא אללה
  3. אטאל אללה ב[קא]ה ואדאם עזה ותאיידה