Letter: T-S 28.20

Letter T-S 28.20

Metadata

Shelfmark
T-S 28.20
Primary Language
Judaeo-Arabic

What's in the PGP

  • Image
  • 1 Transcription

Description

Letter from Ḥalfon and Bundār b. Maḍmūn, in Aden, to Sulaymān b. Abū Zikrī Kohen, in Fustat. Dating: ca. 1150 CE. Maḍmūn's two sons write from Aden to express their sympathy on the death of Abū Zikrī Kohen to his son Sulaymān, Fustat ([A] 27 lines). They discuss unfinished business of the dead merchant ([B] 30 lines) and report briefly about the grave illness of their own father ("Do not ask how he (my father) is suffering from the strain of illnesses and constant pain," v1) and the well-being of the widow of Sulaymān's maternal unde, the shipowner Maḥrūz b. Yaʿaqov, and his children [C]. Information from India Traders (attached).

Tags

Additional metadata

Collection
Cambridge University Library, Taylor-Schechter
Input date
In PGP since 2018
Image
Transcription
Translation

T-S 28.20 1v

1v
S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.

II, 61

  1. [ל]הא וליא ומעינא וחאפצא ונא[צרא פי גמיע אמורהא וכאן אגדל וארד]
  2. ורד ואבהג ואפד ופד וסרא ממלוכיהא בורודה וגדלא בופודה וקבלאה
  3. קבל פץ כתאמה ושכרא אללה תע עלי מא אולאהא מן גזיל נעמאה
  4. וסבוג אחסאנה ואמתנאנה ולם תצף חצרתהא שי מן אלשוק אלא [וענ]ד
  5. ממלוכיהא אצעאף דאלך ומא פוקה ולממלוכיהא בדאלך עדה שואהד
  6. חצרתהא אלעאליה תעלם צחה דאלך פנסאל אללה תב ות גל תנאה ותקדסת
  7. אסמאה אן יסהל באלאגתמאע אלכרים תלך אלטבאע באלמשאהדה אלי
  8. רויתהא ואלנצר אלי טלעתהא עלי חאל יסר אלודוד וידגר אלבגץ ואלחסד
  9. במנה וכפי צנעה בכרמה ורחמתה אן שאללה ואנתהיא ממלוכיהא
  10. פי קראה כתאבהא אלעזיז אלי מא תצמנתה מן ופאת חי ואלדהא
  11. קדס אללה לטיפה וברד תראה וחשרה עם צדיקי ישראל פעלי דאלך נקול
  12. ברוך דיין האמת ושופט בצדק שמעת[י ותרגז] בטני לקול צללו
  13. אזני על זאת תאבל הארץ ואמלל כל יו[שב בה …]פיא להא קצייה
  14. מא אעצמהא ומציבה מא אדהאהא פעלי דאלך יגב אן יקאל הצור
  15. תמים פעלו כי כל דרכיו משפט אל אמונה ואין עול צדיק וישר הוא
  16. פנסאל אללה תע אן יעטם קלבהא באלצבר וישדד עצדהא ויגעלהא
  17. כלף באקי למן סלף פהדא סביל אלאולין ואלאכרין כאשר שתו ראשונים
  18. כך ישתו אחרונים ואין להרהר אחר מדותיו שלהקבה כי הוא כוס
  19. מיין לכל קטן וגדול שם הוא ועבד חפשי מאדוניו פהו דין מחתום
  20. וחכם מקצי כאס לא עדר מן שרבה פתחתאג חצרתהא אלעאליה
  21. באן תרמי דאלך מן קלבהא ותסתעבר במן סלף ולא תשגב סרהא עלי
  22. פקדה ותתסלא באלאולין ואלאכרין ויקבל חכם אללה תע קבול לאזם עליהא
  23. ופרץ מפתרץ לדיהא פהדא שי קד מצא אשרי אנוש בשם טוב ילך
  24. פאלמסאול מן אללה תב ות אן יחשרה עם צדיקי ישראל עם ישיני חברון
  25. עם משה ואהרן וישים חלקו ומנתו וגורלו בגן עדן אמן ואן יעינהא
  26. באלצבר ויכפיהא אלאסוא ולא יוריהא זיאדה סו ולא מכרוה אבדא
  27. ויגעל דאלך כאתמה אלקצאיא ברחמתה אן שאללה ואנתהיא ממלוכיהא
  28. אלי מא שרחתה פי כתאבהא אלעזיז בסבב אנפאד אלוכאלה עלי אליהודי
  29. אלמדכור ובאללה אלעצים וחק ברית אלהים חיים לקד דכל עלי קלב ממלוכיהא
  30. מן דאלך אלפרח אלעצים אלדי לא בעדה חית תפצלת ואנעמת ושרפת
  31. ממלוכיהא בקצא חאגה וכאן עלי אן ממלוכיהא יקומא בכרמהא
  32. ויגתהדא בקצא חקהא ואסתכראג מא הו להא עלי אופא מא יכון ואחסן
  33. מא [[יכון]] יגב פסאלא ען אליהודי אלמדכור אצחאבנא אליהוד אלואצלין
  34. פדכרו אנה רגע מן עידאב אלי מצר פקלה חץ ממלוכיהא אוגב[ת]
  35. דאלך חתי ליס בקצי לחצרתהא חאגה ענד ממאליכהא מסתכראה לא …
  36. פי חצרתהא אלעוץ אן שאללה אללה יגמע עליהא שייהא וארגו [...]
  37. אלתקא בה דכרת חצרתהא אלעאליה אנפאד ג תלאתים ורדה וקד [עלי]
  38. דאלך אחסן אללה גזאהא ותולא כפאהא ולא עדמנא בקאהא ואל
  39. שכר איאדיהא ואעאננא עלי מכאפאתהא וגעלהא לדאלך אהל
  40. ולאלפצל מתלא ולכל מכרמה אהל ושכרא ממלוכיהא [תפצ]ל[הא]
  41. ואהתמאמהא בדאלך לא עדמנאהא אבדא אן שאללה דכרת חצרתהא
  42. אדאם אללה אנה תחצל לממלוכיהא בקימה אלחואיג אלמנפודה גמיעהא
  43. בעד כרוג אלמכס ואלמוון וגירה יב דינ גיר תמן מצריה ולא קול
  44. בדאלך גיר אן אלתלאתים מא גאת עלי חסב אלאקתראח אקתרחה
  45. ממלוכיהא ולא צלחא להמא לאן מא טלבא ממלוכיהא אלא שי ארפע
  46. ואחסן מן דאלך ומתל דאלך ענדנא כתיר צחבה אלואצלין פי חצרתהא
  47. אלעוץ בפצלהא ובקייה אלחסאב אלדי דכרתה חצרתהא אלעאליה אן
  48. כאנת קד אנפדתה בה פלא קול ואן כאן עאדה ענדהא פתנעם ותנפד
  49. בה לממלוכיהא אותאר עמל מצר מליחה אצפר ואחמר שגל גייד
  50. מליח בפצלהא פקד כאן מן מדה זמאן אנפד לנא חי ואלדהא רחמה
  51. אללה עליה זיאדה מליחה גאיה פתנעם בפצלהא כדאלך לא עדמנאהא
  52. ויא מן נחנא ממלוכיהא קד כאנא ממלוכיהא אנפדא צחבה אלשיך
  53. אלאגל מולאי אבו עלי בן והב אלחבר שי ברסם ואלדהא והו שקה
  54. לאנס רפיעה וערצי לאנס רפיע איצא ואצן זוג או זוגין אקדאם
  55. עתרי משער הו משרוח פי כתאב ממלוכיהא הנאך תלתמסה

Margins:

  1. […]אה באן יסלמה אליה פאן כאן קד סלמה אליה פאלמחמוד אללה הו אלגרץ ואן כאן לם יסלמה ווצל וקד תופא ואלדהא וכאן עאדה הנאך פיטלבה מנה ליכן דאלך סביל אלתדכאר במואצלה כתבהא אלשריפה אלי ממלוכיהא מתצמנה חואיגהא וכדמהא ומהמאתהא ליתשרפא בדאלך ענד אלקיאם בהא אן שאללה
  2. […] אן קצא חאגה תבדו להא פהמא יתשרפא בדאלך אן שאללה וממלוכהא ואלדי יכצהא בגזיל אלסלאם וסני אלתחייה ואלאלמאם ולא יסאל מא דכל עלי קלבה מן אלגם ואלחזן וציק אלצדר ואלאסף עלי ופאת ואלדהא קדס אללה לטיפה לא כן לא חילה פי מא קצאה אללה תע ולא יסאל מא הו עליה מן

T-S 28.20 1r

1r

Verso:

  1. שדה אלאמראץ ותואתר אלאוגאע נסאל אללה אן ימן באלעאפיה ברחמתה אן שאללה
  2. ומנזל חי אלנאכדא מחרוז ואולאדה גמיעהם פי עאפיה יכצו חצרתהא
  3. באפצל אלסלאם אלגזיל וגמיע אלאהל אלסגיר ואלכביר מנהם מכצוצין באפצל
  4. אלסלאם ענהם וכאן קד תופא לה מן מדה סנתין בנתה אלסגירה ולחצרתהא
  5. אלעאפיה ואלבקא טאלעהא ממלוכיהא בדאלך חצרתהא אלאגליה מכצוצה ענא
  6. באפצל אלסלאם אלגזיל וסאיר אלאהל צאנהם אללה וגמיע מן תחוטה
  7. ענאיתהא מכצוצין באפצל אלסלאם אלגזיל ושלום שלום רב ישע קרוב
Image Permissions Statement
  • T-S 28.20: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 28.20. Available online through the Princeton Geniza Project at https://geniza.princeton.edu/documents/5462/, accessed December 22, 2024.
https://geniza.princeton.edu/documents/5462/