Letter: T-S 8J37.1 + T-S Ar.5.2

Letter T-S 8J37.1 + T-S Ar.5.2

Tags

Input date

In PGP since 2004

Description

Memorandum from Maḍmūn b. Ḥasan to Ḥalfon ha-Levi b. Netan'el. Location: Aden. Dating: ca. 1135 CE.

T-S 8J37.1 1r

1r

Transcription

S. D. Goitein and Mordechai Akiva Friedman, Ḥalfon the Traveling Merchant Scholar : Cairo Geniza Documents‎ (in Hebrew) (Jerusalem: Ben Zvi Institute, 2013), vol. 4.

Page 1: II, 33

תדכרה מבארכה

למצמון בן חסן

T-S 8J37.1 1v

1v

Page 2: II, 33

1 תדכרה מבארכה למצמון בן אלחסן צחבה אלשיך

2 אלאגל מולאי אבו סעיד אלדמיאטי כתב אללה סלאמתה

3 [א]למנפד [.]כאצה

4 מן אלראונד תמאניה אמנא ומן אלמאמיראן

5 נצף מן יבאע אלגמיע מע אלסלאמה ואדא

6 נץ תמן אלגמיע יסלם מנה לשיך (!) אלאגל מולאי

7 נתן החבר נזר החבירים תלאתה מתאקיל מצריה

8 [ו]ללשיך אלאגל מולאי חלפון הלוי בן מנשה

9 [ה]חזן בן אלקטאיף מתקאלין מצרייה צח ה

10 [אל]באקי ישתרא בה פצה חגר ביצא נציפה

11 ולחק איצא כמסה אמנא ונצף גזל צולי יצאף תמן

12 אלגמיע מוצע ואחד

13 ואלרסאלה אלדי לסידנא אלרייס [א]ל[א]גל מולאי

14 ומאלכי מצליח הכהן ראש ישיבת גאון יעקב

15 מן דלך

16 כריטה פיהא מן ואחד עוד תקיל מעמול

17 אשבאה וכלתון ו[קא]קלי וכ[רי]טה פיהא

Page 3: II, 34

1 מן ואחד קרנפל וכריטה פיהא מן ואחד

2 בסבאסה וכריטה פיהא כמסה אמנא גוזה

3 וכריטה פיהא מאיה כאב שאת ציני

4 וכריטה פיהא מנדילין לאלס עמל כולם ואחד

5 חאשייתה חמרא ואלתאני חאשייתה זרקא

6 ושת פיה דסת אקדאח ציני אלעדד סתה

7 אקדאח

8 ואלדי יכתץ באלשיך אלאגל מולאי נתן החבר

9 נזר החבירים שקה לאלס רפיעה מלפופה

10 פי כרקה וכריטה פיהא מן ואחד גוזה

11 ודאלך גיר אלג אלמתאקיל אלדהב יסלם אליה

12 אלגמיע

Page 4: II, 34

1 ואלדי יכתץ באלשיך אלאגל חלפון הלוי בן מנשה

2 החזן כריטה פיהא מן ואחד גוזה ודאלך גיר

3 אלמתקאלין אלדהב יסלם אלגמיע מע סלאמה אללה

4 ורסאלה למחרוז בן יעקוב אלעדני מן ענד ואלדתה

5 כריטה פיהא עוד וכריטה פיהא מנדיל

6 לאלס וכתאבין ואחד לה אלתאני לאכתה

7 אמראת אבו זכרי הכהן ואלעוד ואלמנדיל

8 מכתוב עליהם [א]סם מחרוז בן יעקוב

9 יסלמא אליה מע סלאמה אללה תעאלי עז וגל

Page 5: II, 34

1 ויתפצל יתוכל לעבדה עלי צאפר בן בריך אלאסכנדראני

2 ויקבץ מנה כמסה וכמסין מתקאלא ונצף מצרייה

3 לאן אלאצל אלדי כאן [עלא] צאפר מאיה וכמסין

4 מתקאלא כאן קבצהא מן ברכאת בן מכתאר כאדם

5 אלרייס פדכר צאפר (!) אן חיאה אכי בנדאר ימ רח

6 קאל לה יסלם מנהא לואחד תאגר אתנין ותסעין

7 מתקאל (!) עלא קול צאפר ודכר צאפר איצא אן

8 לה ענד מחמד אלוזאן מתקאלין ונצף צח דצ>

9 תבקא ענד צאפר הנ מתקאלא ונצף יתפצל מולאי

10 יתוכל לעבדה בקבץ דאלך מנה ויתכפל לה

11 אלדרך בעד תסלים [דא]לך אליה וליס עלה צאפר

12 האדא מן תסלים הא[דא אל]דהב אלא אנה יקול

13 אן עליה רקעה מב[ארכה ויחצר] שהוד ושהדו

14 עליה בקבץ דאלך ואלרקעה ענד אלשיך אבו אלסרור

15 פרח בן ישועה הכהן פאן כאן אלשיך אבו אלסרור

16 פי מצר יתפצל מולאי ויאכד מנה אלרקעה

17 ויסלמהא אלא צאפר חתא יסלם אלדהב ותנקטע

18 חגתה ואן טלב אלשיך אבו אלסרור כתבה

Page 6: II, 34

1 רקעה עוצהא [פי ש]הוד וצפה אלח[א]ל בתסלים

2 אלרקע ובראה למן סלם אלדהב מתל מא סלם

3 אלרקע מכתוב פיכת[ב ל]ה רקעה וישהדו

4 לה בדאלך פליס האדא מאל עצים חתא יכאף

5 מנה האדא אלאמר אלעצים ואן חצר איצא אלשיך

6 אבו אלסרור ותכפל ען עבדה ללשיך צאפר

7 בתסלים מא בקי ענדה פיתכפל ען עבדה

8 ועלא עבדה דרך גמיע מא יטרא עליה מן

9 כל אלוגוה וכטי האדא שאהד עלי ען כל מן

10 תכפל עני לשיך צאפר בן בריך ואכד מנה

11 אלשוי אלמדכור [אל]די ענדה ואוצלה אלא

12 עבדה מצמון [בן חס]ן יתפצל מולאי ויחרץ

13 בכלאץ דאלך [אלמאל ב]כל וגה מן אלוגוה

14 ויתכפל ען עבדה בדאלך ויסאל חצרה אדונינו

15 גאונינו אלרייס אלאגל מולאי ומאלכי מצליח הכהן

16 ראש ישיבת גאון יעקב אלמעונה פי דאלך

17 ובאסתכלאצה בכל וגה מן אלוגוה ויב[י]ן דאלך

18 צח[בה] מולאי מע קימה אלראונד ולמולאי

Page 7: II, 33

1 אלפצל וקד [... אנפ]דת רקעה אכרא

2 וצחבה [....] אלא צאפר כ[תאבין] ואחד פיה כלאם

3 עתב ואלתאני כלאם וטי[.. אן י]תסלם אלשי אלדי ענדה

4 אלא מולאי ו[שלום]

5 ויתפצל מולאי וסידי ויס[אל ס]ידנא חפצה אללה ואבקאה

6 ען אלאועיה אלציני אלגצאר אלשפאף אלציני [ו]כל

7 אלזבאדי [אלצינ]י הי שפאף הל יחל תסתעמלה[א]

8 צאחבה אלנדה ותגסל [אם] תטמא [ב]עד ד[א]לך

9 איצא אלברנייה אלציני אלמ[כלס]ה מן ברא ובאטן

10 הל אדא וקע פיהא ש[י הל י]עית אם תגסל

11 ויגוז [...]קהא יתפצל ויאכד לעבדה מן

12 ענ[ד סידנא גואב]א פי דאלך לנעמל בחסבה ושלום

T-S 8J37.1 2r

2r

T-S 8J37.1 2v

2v

T-S Ar.5.2 1r

1r

T-S Ar.5.2 1v

1v
Image Permissions Statement
  • T-S 8J37.1: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • T-S Ar.5.2: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.