Letter: T-S 10J16.2
Letter T-S 10J16.2Tags
Input date
In PGP since 2017Description
Letter from Amram b. Yosef, probably from Alexandria, to Nahray b. Nissim, Fustat. Around 1075. Regarding a shipment of palm leaves that arrived from outside of Egypt. In addition, mentions purchase of wheat and a disagreement about packaging cloth that belongs to the writer but another person named Muslim (probably his Jewish name is Meshulam) denies that is his. (Information from Gil, Kingdom, Vol. 4, #679) VMR
Edition: Goitein, S. D.
T-S 10J16.2 1r
Transcription
S. D. Goitein, unpublished editions.II, 7
- תקדם כתאבי לחצרה מולאי אלחבר אל גליל גדול הישיבה
- אטאל אללה בקאהא ואדאם סלאמתהא וסעאדתהא ותאיידהא ונעמאהא
- צחבת אבו פתיאן פי גמלת כתאב ר עלאל ומעה איצֹא כתאב
- להרון אל קלעי פי אמר אל אלליף(!) וקד ערפת אנה פי קאעת אל
- חכים אחיאה אללה ולם נערף כאם וגב עליה מכס וקד דפעת
- אלי אלי (!) אל שיך אבי סעיד ד דנא יסלמהא למולאי ינצר מא
- וגב עלי פי נצף אל מכס יזנה מנהא מתפצל פאן ופק אללה
- פיה ביע מן אל רום אל ואצלין עלי מא סמענא מן דמיאט אביע
- אנא סהמי פאן אכתאר מולאי יאכדה הו אולא בדלך ואן כאן
- לא יכתאר אלא אלביע יביע אל גמיע ויוגה אליי אל נצף אלדי
- יכצני מתפצל לאן גא הדא אל וקת ואנא תחת ציקה אללה
- יפרג לנא ולכל ישראל פי מא עלי אריד אופיה ואריד
- אשתרי אל קמח לאן סאר אל קמח בהדא אל סער ולם אשתרי
- בעד שי מן אל קות אן כאן יסוא מן ה דנאניר ונצף
- לחול דלך ואן כאן אקל יבקיה אלי אן יסאפרו אצחאבנא
- פי אל כליג יתפצל באנפאד אל עדל אל ואחד אלדי יכצני
- אביעה הונא וקד ערפת אן אל שיך אבו עלי בן סלמאן
- פכרה משתריה בהדא אל[ת]מן וקד ערפני אל כהן בן שמארי
- אנה אשתרא קבל מגיה מן סער הֹ> ותמן חמלה אלי הונא
- פאחב יתפצל עלי מולאי בגואב כתאבי הדא ובאנפאדה
- אן שאללה ותוגיה אל תמן מע מן יגי סריע אן שאללה ואן אכתאר
- אכד עדל מנהם ולם יתפק פיה ביע יזן אל גמיע ויאכד
- מא אכתאר אמא אל סגיר או אל כביר בחסאבה וקד ערפת
- מולאי אן אל רבע מן כאפור סלמתה אלי ר עלאל והו עלי
- דפעה אלי אל סגולת אללה יעגל כלפה אעלמת מולאי דלך
- ואחב יתפצל עלי יכאטב לי אסמעיל אל כהן אל קלעי
- פי כישה כאן ערצהא וכלאהא ענד מסלם אליהודי
- פי אלסוק פלמא גא ספרה מצינא אנא והו
Margins:
- וגדנאה מגלוק אל דכאן קד סאפר פסאלני אן אדפע לה אל תמן ונאכדה מנה ענד וצולה פמצית
Top Margins,written upside down:
- קאל מא לה ענדי שי פאחב יקנא מנה קדאם ב מן יערף כטוטהם
T-S 10J16.2 1v
Verso:
- הונא או מן יגי אלי הון אן הדה אל כישה לי דונה לאן לא
- לה פיהא שי ואנהא ענדה באקיה ולם יאכד מנה שי ואן
- קרצי קרצה ומא ישבה דלך לנאכד אל יב דינ אלדי וזנת לה
- תמנה כדלך איצא לי ענד אבו סעיד בן מחפוץ חאל..
- אלדי פיה תמנה כה דינ פכרגת ולם ידפע לי שי אחב
- יאכדה אלי [.......] יסתכדמה או תמנה מתפצל
- ותכץ מולאי אבו סעד ולדך אפצל אל סלם ואני משתאק
- אליה אללה יחרסהם עליך וישאהדך אפראחהם ואן
- כאנת למולאי מן חאגה ישרפני בהא כצצתך אפצל
- אל סלם פכתבת אלי על[... א]צחאבה ...ע. ערבי
- חסב מא כתבת ואל שיך אכד אל תמן אל משרוח אעלאה
- חצרה מולאי אל רב גדול הישיבה שאכר תפצלה עמרם ביר יוסף
- רב כגק נהראי בן כגק רב נסים זצל הזקן זצל
