Letter: Bodl. MS heb. d 75/19

Letter Bodl. MS heb. d 75/19

Metadata

Shelfmark
Bodl. MS heb. d 75/19
Editor
S. D. Goitein, unpublished editions.
Primary Language
Judaeo-Arabic

Tags

Input date

In PGP since 2017

Description

Letter from Amram b. Yosef to Nahray b. Nissim inquiring about a letter sent to Aden Alexandria. Dating: 1094–97. ʿAmram has suffered from ophthalmia for one year and cannot find anyone to cure it. He excuses himself from coming in person to pay his respects to the Nagid and asks Nahray to represent him. ASE.

Bodl. MS heb. d 75/19 19 recto

19 recto

Transcription

S. D. Goitein, unpublished editions.

II, 3

  1. לכבוד גדלת קדשת מרינו ורבינו נהוראי ג[דול הישיבה ...]
  2. סנהדרא רבא אטאל אללה בקאה ואדאם סלא[מתה ...]
  3. ותאיידה ונעמתה ען חאל סלאמה ונעמה ושוק שד[יד אליה ואלי]
  4. רב נסים ולדה אחיאה אללה קרב אללה אלאגתמאע בהם ע[לי אפצל אלאחואל]
  5. קד עלם אל כאלק גלת קדרתה שוקי לחצרתהם אדאם אללה [עזהם וסלאמתהם]
  6. ואנא מא אדע אלסואל ענהם פי כל אל אוקאת מן מולא[י אל שיך אבו אלחסן]
  7. עלאל אחיאה אללה ומן אצחאבנא אל ואצלין יבלגנא סלאמת[הם אדאמהא אללה]
  8. להם וחמדנא אללה תע עלי דלך וסאלנאה מזידהם מן כל כי[ר אנה ולי דלך]
  9. אלל[ה] יעלם דעאנא למואליי פי כל אל אוקאת ויתקבל מ[נא פיכם צאלח אלדעא]
  10. וירזקה אחרית טובה וינפענא בדעאה ויחרסה ע[לינא ועלי ישראל פנסאל]
  11. ישאהדנא פרח מולאי ולדה כמא נחבו אגמעין ונ[שתהיו ...]
  12. בעגלה ובזמן קריב ומא יגעלני יא מולאי לא נכתב אל[י חצרתה פי]
  13. כל אל אוקאת אלא איתאר אל תכפיף ען חצרתה ותאני [אעלם אן לי מדה]
  14. טוילה רמד באל עינין קרב סנה פמא נגד מן יעל[גהא ...]
  15. כתבת כתאב לחצרה מולאי כמא יגב באחרי מן מ[...]
  16. ענדי וידיניני לכף זכות ואמכן [וח]ק אבי ... [...]
  17. יעתצב אן ינוב עני אלי מולאי שר השרי[ם נגיד הנגידים]
  18. עוז בית ישראל ותפארתו ותערפ[ה] עדרי [... ופי]
  19. כל אל אוקאת ליל ונהאר נסאל אללה אן יסתירהו [בסתר כנפיו ויתן לו]
  20. חן וחסד ורחמים ויקיים עליו מק שכ ומצ[א חן ושכל טוב ויקיים]
  21. עליו קרא דכ ונח מצא חן בעיני ייי ויהי ד[ויד בכל דרכיו משכיל וה' עמו]
  22. פיתקבל מנא צאלח אל דעא וארדת אן נגי אלי [...]
  23. קלת לא יכון הדא באל מואפקה מנה פאחב .[...]
  24. משק אל אנסאן עלי חדקתיה לכאן אול .[...]
  25. פאסל אללה אן יצילהו מאדם רע ומשל[טון רע ...]
  26. ומכל מיני פרענויות המתרגשות לע[ולם ...]
  27. וקד סאלת מולאי אל שיך אבו אלס[רור ...]
  28. אלי מולאי אל סגולת ומו[לאי ...]חצרו מו[לאי ...]
  29. [ו]אנא אסאלה מולאי איצא אן יסתקצי מן אל ת[גאר ...]
  30. לעל ענדהם עלם מן אל שיך אבו אל פרג או מן אב[ו ...]
  31. אל[......]ה ישרפני בכתאבה במא מ..[...]
  32. אל.[...] יכלצה מנהם ויצע פי בן עמאר אל שי אל[די ...]

Margin:

  1. ואעלם מולאי אן כתבת מע אלשיך אבו יעקוב יוסף בן אבו כתיר בן יהבוי נע אלי עדן אלי ענד
  2. אל שיך אבו עלי חסן בן בנדאר עלי אמר אלכאפור אלדי גא מן מדה פיה כתאב

Top of page:

  1. [א]בו אלפרג אנה אנפדה אליה ינפדוה אלינא פמא עלמנא
  2. ..... לעל יגינא פיה גואב אמא צאע או בקי

Bodl. MS heb. d 75/19 19 verso

19 verso

Verso:

  1. נעלמו ... אלכאלק יתקבל שכר גדול מן השמים יע[...]
  2. [...]ה בקצאהא כצצת חצרתה אלשר[יפה וחצרה מרנ]
  3. ורבנ נסי[ם] אדאם אללה עזה אפצל אלסלם ושלם

Upside Down:

  1. [... ר]בינו נהוראי גד היש שאכר תפצלה עמרם ביר יוסף זצל
  2. [...] בן מ ורב נסים זצל בן אכו אלנגיד זל
  3. [...] ואדאם סלאמתה
Image Permissions Statement
https://geniza.princeton.edu/documents/5426/