Scholarship on Legal document: ENA 2558.14
Legal document ENA 2558.14- Bibliographic citation
- S. D. Goitein and Mordechai Akiva Friedman, India Book 1: Joseph Lebdi prominent india trader: Cairo Genizah documents (in Hebrew) (Jerusalem: Ben-Zvi Institute, 2009).
- Location in source
- I-39
- Relation to document
- Digital Edition
- Bibliographic citation
- S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 1.
- Location in source
- Relation to document
- Translation
Image
Transcription
Translation
Editors: Goitein, S. D.; Friedman, Mordechai Akiva
ENA 2558.14 1
S. D. Goitein and Mordechai Akiva Friedman, India Book 1: Joseph Lebdi prominent india trader: Cairo Genizah documents (in Hebrew) (Jerusalem: Ben-Zvi Institute, 2009).
I, 39
- שהדותא דהות באנפנא אנן שהדי דחתימי שהדותנא סוף פקדתא דא כן [הוה פי יום]
- אלאתנין אלכאמס ואלעשרין מן שהר אב יהפך אבלו לששון שנת אלפא וחמש מאה ותלתין ותמ[ני לשטרות]
- בפסטאט מצרים דעל נילוס נהרא מותבה רשותיה דאדוננו נגידי[נו] אברהם הרב המובהק [הפטיש]
- החזק הנגיד הגדול ירום הודו ויג[ד]ל לנצח כבודו חצרנא אלי דאר אלשיך אלסדיד אבו אלברכאת [בן]
- יוסף נע ידיע באבן אללבדי אלמערוף [אלסכרי ...]בה וגדנאה מריצא מלקא עלי פרא[ש]ה והו צחיח [אלעקל]
- עאמר לפכרה פסאלנאה ען מא ינבגי סואלה פיה פאגאב גואב צחיח בלסאן פציח א[גאב] על הין הין ועל לאו
- לאו כשאר בני אינשא הבריאים דמהלכין על רגליהון בשוקא וכאנא ולדיה תאבת אב[רה]ם ונבא ענדה פקאל
- לנא [אברה]ם אסתפהמוא מנה בצחה קולי ענה אנני אלבכר פסאלנא[ה] פקאל נעם פקלנא לה מן אלשרע לה נציבין פי כל
- מא יגד לך מן אלמוגוד פקאל נעלמכם אן כל מא את[ר]כה מן מל[ך וגי]רה פיועטא לאולאדי [[אלדכור ואלבנת]] אלצגירה
- לא נפצל אחדא מנהם עלי אלאכר בחית אן כל [מא אנ]א מאלכה [יכון] ללאט[פ]אל אלצגאר בקימתה ממא יחצהם
- וליס לאחד אלוראת פיה תעלק פקאל לה [... י]אכד נציב ומא כפא אלא מא נאכד שי מנהא <<מיראי]ף>>
- אלמלך ממא [...] נגדה סנד ותדכאר.[ ...]אם כגאל פזאד עליה פי אלכטב מן גהה אלבכֹ[ריה]
- פקאל לה לי ענדך תלת מאיה דינ ו[אר]בע מא[יה ד]ינ [...] צדקת גמיע מא [.. י]קף אלחאל עלי מא גרי
- פסאלנאה איצא הל ענד זוגתך מאלא מן גהה שרכ[תך] מע אלשיך אבי אלמ[נא] אלאס[עד..]..א.. כאן חאצרא
- או לכאצתך פקאל ליס לי ענדהא דרהם ואחד לא [..........] ולא .[. כ]תירה [פקל]נא ל[ה הל ע]נדך שי
- מן מאל אלשרכה תחת ידך פקאל [..]צרה שריכה אל[... לכ]אצתי פלם אותר פרקה פיהא עינא
- תסעה וסתין דינ מצריה פקלנא לה הל [ל]ך עין כארג ען הדא פקאל בימין באללה [.....] לא אמלך סוא[ה]
- ודראהם אחצרת בין ידינא פיהא פצ[ה מצ]ריה [ת]כון קימה אלגמיע תלת מאיה [...] מן ....ם
[...]
- אלמתעאמל בהא באלדיא[ר] אלמצר[יה ת]ם קאל ל[נא] זוגתי אלתי פי עצמתי תאכד מאלהא אלמכתתב
- להא עלי חית אראדת בגיר ימין ולי[ס] לאחד וראתי ולא .....הם ולא גירהם אן יתתבעהא בימין או
- סמאע חרם ואן אתאת אלבית ומא ענדה ללאטפאל כאצה דון גירהם מן אל[ור]תה ואן אבי אלמ[נא] שריכי
- הדא ברי מן גמיע אלדעאוי ואלתבאעאת ואלאימאן תקילהא וכפיפהא לאנני אמנתה פי גמ[יע]
- תצרפאתה טאל מקאם שרכתי מעה אלי הדא אל[יו]ם אלמוורך בה אעלאה מהמא תצמנתה דפאתרי
- בכטי לה ועליה יחאסב בה ויפעל במקתצאה ויסלם אליה מהמא אטלעה אלחס[אב] אנה לה וקבל אלשיך
- אבי אלמנא אלאסעד דלך עלי נפסה מנה קבולא צחיחא פבעד דלך אחצרת לנא כרי[טה] כבירה פיהא עוד
- לם נעלם קדר מא פיהא פוצֹעת אלכרקה אלדי פיהא אלדהב אלמשאר אליה אעלאה פי [כרי]טה אלעוד ווצעת
- פי צנדוק רומי וגלק ואחצר לה אלמפתאח אעני ללשיך אלס[דיד] אבי אלברכאת ומיגו מרע[יה]
- איתפטר לבית עלמיה וחיי לכל ישראל שבק ומה דהוה קדמנא כתבנא וחתמנא ד[ליהוי]
- למאן דאית ליה בה זכותא [ש]ריר בריר ומוחזק וקִ[יים]
MARGINS:
- וצייה אבי אלברכאת בן אללבדי נֹעֹ
- אתקלו
ENA 2558.14 2
