Letter: T-S 8J21.10
Letter T-S 8J21.10Tags
Input date
In PGP since 2004Description
Distrust between associates and disruption of family life, on the way to Egypt. Aydhab, probably 1152. (India Book III, 39)
Edition: Goitein, S. D.; Friedman, Mordechai Akiva
Translation:
T-S 8J21.10 1r
Transcription
S. D. Goitein and Mordechai Akiva Friedman, India Traders of the Middle Ages: Documents from the Cairo Geniza (Leiden and Boston: Brill, 2008), vol. 3.- בשֹ רחֹ
- כי יי יהיה בכסלך ושמר רגלך מלכד ותֹגֹזר אומר וֹיֹקם לֹך וגמֹ
- כתאבי אלי מולאי וסיידי אלשיך אלאגֹל אטאל אללה בקאה ואדאם נעמאה
- ען חאל סלאמה ועאפיה ושוק אליה שדיד קרב אללה אלאגֹתמאע בה
- עלי אפצֹל אחואל במנה ופצֹלה לאנה עלי כל שי קדיר אמין
- אלדי תחב עלמה יא מולאי באנני וצלת אלי עדאב עלי גמלה אלסלאמה
- ידֹו ליֹיֹ חֹסֹדֹו וגמֹ וקד יא מולאי אל צגירה בנתי תבכי ליל ונהאר עלי
- פרקתכם מנהא אללה יסאהל //להא// באל אגֹתמאע בכם אן שא אללה עלי אפצֹל אחואל
- וקד אנא מגֹתהד פי דלך כתיר ולו וגֹדת אל ביע פי עדאב לבעת ורגֹעת
- ולא כן מא יכון אלא מא קדר אללה וקד בלגני אנך דכרת אן לך ענדי בקית
- חסאב ואן מא בקי פי אלמכזן מן אל דבש מא יחפץֹ אלקימה וחסאבך
- יא מולאי הדא הִוִ לך ענדי הֹ דראהם לא אכתר ולא אקל וקד חאסבתני עליהא
- פאן כאן פי אלמכזן מא יחפטֹ אל קימה חדִיד אן גֹמיל בעד מא תתפצל
- תאמר מן יביע אל דבש אלדי בקי פי אלמכזן פאן בקי ענד עבדך שי מא אנא
- הארב ולא אלדי יבקי ענדי לה //מן אל// מקדאר מא יקע עליה כלאם פאמא נצל אנא
- אן שא אללה אל (!) עדן ואופיך או אנפדת לך בהדא אל מקדאר או תאכד מן ענד
- אל נאכודה מעאלי או מן מולאי אל מאלך אל שיך כלף