Letter: BL OR 5542.14

Letter BL OR 5542.14

Tags

Input date

In PGP since 1989

Description

Letter in which a teacher asks in the most humble terms to be paid the fees due to him by the community for children sent to his school. (Same person, named Sa'id, wrote a letter to Avraham Maimuni T-S NS 324.35. AA) NB: Goitein sometimes referred to this fragment as BL OR 5542.23.

Images and transcription

Transcription

  • אלממלוך אבי סעיד יקבל אלארץ בין ידי אלמולא
  • אלשיך אלרצוי אללה תעאלי יוסע רזקך ויתבת סעאדתך
  • ויקים גאהך ויחבס עליך ולדך ולא יקטע בך יא מולאי
  • לולא יעלם אלממלוך אן ענד אלמולא יראת שמים
  • ומרוה ונכוה למא תקלת עליך ווחק מא אעתקד
  • לולא אן תכון אלסכין קד וצלת אלי אלעטאם מא כנת
  • אתכלם ואלממלוך אליום פי צער הוא יודיע מא
  • ביגיני אליום חק אלכבז ולדלך אן יגיני פי כל
  • גמעה ז אלדראהם ונצף ובעץ אלגמע יגיני
  • אקל מן הדא ואנא אשתהי מן אללה ומן אלחצרה
  • אן תשמלני ענאיתך פי אגרה אלצביאן אלאיתאם
  • אלדי ענדי והם תלתה לאמראה אלעגמי אלדי
  • פי אלפנדק ויוסף אלמגרבי לה ענדי מקדאר
  • ארבעה אשהר מא דכרתה קט ואלממלוך ישתהי
  • מן אנעאם אלחצרה פי אן יקרר לי אגרתהם לעל
  • יחצל לי שי אנפקה פי אלעיד לעל נדוק קטעה
  • לחם פאן לנא אליום מן עצרת והדה עצרת
  • אללה אלעאלם מא אש[ת]רית פי הדה אלמדה לחם

margin

  • באכתר מן תמאן דפוע ואללה אלעאלם מא אשתהי אן אדכר
  • הדא ולולא אעלם אן אלמולא לא יביח בהדא מא כנת דכרתה