Letter: BL ????

Letter BL ????

Tags

Input date

In PGP since 1990

Description

Fragment of a letter by Natan b. Avraham. 1354/1042.

Images and transcription

Transcription

  • אטאל אללה יא שיכי ורייסי וגלילי בקאך ואדאם נעמאך
  • תקדמת כתבי אליך יא שיכי עדה ארגו וצלת אליך
  • וגהת אליך אלכתב מע אלצרה מע בו צחק בן נסים אלקרוי
  • ארגו וצול אלגמיע אליך אן שא אללה וקד וגהת אליך פי
  • מרכב גלין עדל שכאר >שראר ? :ro< פנחב אן תגעל מן יקבצה
  • לי מתפצל ופיה אנטאע ולאסין וחריר ומיאזר וקלל >=וקליל?<
  • רקוק ולה אגרה י קרא' באב רשיד אללה יכתב עליה
  • אלסלאמה ואלדאלה חמלתני עליך יא שיכי לא עדמתך
  • ולא כלות מנך ומא תריד עלמה מן אלמראכב אלמבצרה
  • וצל רגל מן מרכב בן אלשריר יאכד אלזאד ודכר
  • אן מעהם בן איוב ואלכ[[א]]נארה ובן בי סהל ודכר אן
  • יום כרוגה דכלת ד מראכב ולם יעלמו מן הי והדא
  • ענדנא מן אל עלם
  • ואלרצאץ אלדי פי אלגריר (אלגדיד ? = מרכב אלסלטאן ?) לם יפרג רצאץ לאחד
  • ואדא פרג

margin

  • נחן נחרץ פי חמלה ווצלת אחמאל אלכתאן ורצת פי דאר אלסושון (אלסגון ?) מוצע
  • אן חסן

top of page

  • וכתאבי נצף כסליו

page b

  • וגמיע מא וצל מן אלשמע אכדה אלצלטאן ודפע עליהם מן אכ
  • אלי יט אלקנט' ובקי שמעי ומתאע אלגזאל פי אלמרכב ולם ננזלה
  • אלי אלסעה ואנא נחרץ פי כלאצהם ארגו אני נטיע (=נסתטיע) ואן גיר עמלה
  • מא עמל מענא ... ועלא כאצה נפסך אלשריפה אלסלם וסידי אבו
  • נצר ואבו אלפצל ומנשה סלמה אללה אפצל אלסלם ומא כאן לך
  • מן חאגה אכתב אלי בהא לנאתי פי דלך >מא< צארך ואן בקית תיאב אל
  • כז תעטיהא להרון אלגזאל
  • יביעהא באלזאיד ואלנאקץ ואנא
  • נרגו אן אלשיך סלמה אללה באע דלך וכתאבך לא תכליני מנה

the address

  • לשיכי וריסי אבו אלפרג אטאל אללה בקאה מן יוסף בן יעקוב אטראבלסי
  • יוסף בן יעקב בן עוכל והלאל ובנימין
  • ומנשה