Letter: BL OR 5541.1

Letter BL OR 5541.1

Tags

Input date

In PGP since 1987

Description

Letter from Moshe b. Yiṣḥaq, the Karaite, Jerusalem, to one of the Karaite notables in Fustat, around 1040. He reports having received one dinar that Abu Sa'id Ya'qub b. Ibrahim had sent with Abu Sa'id b. al-Sha''ab (another Ibn al-Sha''ab is mentioned in T-S 16.134, v23-24). Information from Goitein's note card (attached to PGPID 6204) and Gil.

Images and transcription

Transcription

  • [כתר] אללה חטה מנהא וגעלהא ענדה כאמלה ואלחמד
  • ללה רב אלעאלמין וען שוק שדיד //אלי// משאהדה גליל חצרתה
  • חרסה אללה ווקאה והו אלמסול תע פי קרב אלאגתמאע מעה
  • פי הדא אלמוצע אלכאץ עלי אסר חאל במנה וכרמה
  • ואסלה גל ועז בא[למנה] בא[ס]תגאבה [אלי מא] אנא מואצלה
  • למולאי אלשיך אלגליל מן אלאדעייה אלצאלחה לילי ונהארי
  • בחצרה הדא אלקדס עצד אללה כאפתהא בטול בקאיה
  • ודואם נעמאיה אנה ולי אלאגאבה בפצלה ווצל אליי
  • כתאב חצרתה אלמחרוסה וסררת בסמאע כב[ר ]
  • סלאמתה אדאמהא אללה ועדל ענדי במשאהדה גל[י]ל
  • חצרתה אדאם אללה חראסתה ואן כאן לא יעאדל דלך
  • שיא פאסלה תע יחסן עני מגאזאתה ולא יעדמני צלה
  • ומנאפעה ופי אמס יום וצול כתאבה חרסה אללה וצל
  • אליי דינאר ואחד עלי יד מולא[י א]לשיך אבו סעיד בן אלשעאב
  • אידה אללה ממא קד אנעם בה עליי מולאי אלשיך אבו
  • סעיד יעקוב בן אברהים אטאל אללה בקאה ואדאם עזה
  • ונעמאה וקד כתבת אלי גליל חצרתה בדלך פאסל אללה
  • יגעל לה דלך בין ידיה זכות מקובל כמו קרבן מקובל ואן
  • יסתגיב מני פיה דאימא כל דעוה צאלחה אלתי אנא דאעיהא
  • לה קדאם הדא אלבית אלגליל ברחמתה ומא אשך פי אן
  • חצולה כאן בברכה מולאי אלשיך האל ירבה לעד שלום
  • הודו ובאדכארה פי דלך וקת בעד וקת אלי תמאם אלחאל
  • פי דלך פשכרת תפצלה ואהתמאמה פי מראעאתה
  • לאמרי פאסל אללה יחרס חיותה ולא יעדמני בקאה אבדא
  • ואן יחסן עני מגאזאתה ואן ידים סלאמתה ואן יבקי עליה
  • מואלי אולאדה ובלגה פיהם אפצל מחאבה ואסתגאב מני
  • פיה ופיהם כל דעוה צאלחה אלתי אנא דאעיהא דאימא פי
  • הדא אלקדס קדאם הדא אלבית אלעטים ודכר מולאי אלשיך
  • אדאם אללה עזה //פי כתאבה// פאמא אלגהה אלאכרי פאני לם אגתמע ..
  • מעהא מן מדה לאגל כוני פי אלקאהרה אלמחרוסה והו באל
  • מדינה ואדא אגתמעת מעהא פאני מא אכלי מן אלאדכאר
  • פי דלך אללה יסהל כיר אן שא אללה [פה]דא איצא אנעאם זאיד
  • מנה חרסה אללה פאסלה תע לא יכליה מן אלמתובאת ואגרא
  • אלכיר דאימא עלי ידיה ואזאדה מן דלך אלגזו אלואפר
  • ושלום כבוד אדירנו הזקן האדיר והמיוקר והחסיד
  • והישר והנבון והחכם יגדל בנעימים לעד לעולמים: