Letter: T-S 18J4.14

Letter T-S 18J4.14

Tags

Input date

In PGP since 1987

Description

Letter from Moshe b. Yiṣḥaq, a Qaraite in Jerusalem, to the brothers Yiṣḥaq and Binyamin b. Yosef in Warjalan, July 1039.

T-S 18J4.14 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.
  1. [כתאבי אטאל אללה בקא סיידי ] ואדאם עזהמא
  2. [ ] סלאמתהמא מן אלקדס
  3. [חרסה אללה תעאלי וע]מרה בבקאיהמא [ ]שהר שואל מן סנה
  4. תלת[ין ] בקין מנה ען סלאמה פי אלנפס ופר אללה חטהמא מנהא וגעלהא
  5. ענדהמא כאמלה ואלחמד ללה חק חמדה וען שוק להמא שדיד גדא
  6. ואלי נטרהמא ומשאהדתהמא והו אלמסול גל ועז פי קרב אלאגתמאע בהמא
  7. פי הדא אלקדס אלשריף עלי אסר חאל במנה וכר[מ]ה ואסלה עז וגל סרעה
  8. אלאסתגאבה במא אנא מואצלהמא מן אלאדעי[ה] אלצאלחה פי הדא אלקדס
  9. אלשריף קדאם הדא אלבית אלגליל האל יקרב שכלול בנינו בימינו ובחיינו
  10. ווצל אלינא כתאבהמא ח[ר]סהמא אללה אלדי כתבא אלי אכיהמא מוסי בן
  11. יוסף רחמה אללה וכאן קד תופי קבל דלך בסנה רחמה אללה ואחסן עזאהמא
  12. פיה ואנסא פי אגלהמא וטול עמרהמא ואן יבקי עליהמא אולאדהמא
  13. ומן ילוד בהמא ולקד גמני ופאתה רחמה אללה אמר עטים לאנה כאן לי
  14. צדיק ומחב ואנסאן האדי וכייר לאכן הדא חכמה תעאלי כי כל דרכיו משפ
  15. ברוך הוא לעדי עד וכאן קד תופיית לה גוזתה רחמהא אללה ותזוג אכרי
  16. בעדהא ורזק מנהא ולד דכר ובנתיין והדא אלולד הו אליום פי מצר ואלבנתיין
  17. פי אלקדס ואבנתה אלאולה רחל הי פי מדינה אלרמלה סאכנה מע זוגהא
  18. וקד רזקת בנתיין ואלד דנאניר אלתי וגהו אדאם אללה עזהמא [[לאכי]]
  19. לאכיהמא רחמה אללה אנפדנא בהא אלי אלרמלה ודפעת תם לרחל בידהא
  20. וקבצתהא וקד שכרת תפצלהמא חרסהמא אללה אלדי קד דכרוני פי
  21. כתאבהמא באלסלאם ובפעל אלגמיל פי באבי תם אנהם ועדו איצא בגמיל
  22. גירה יפעלוה פי באבי בשי מן גהתהם ובשי מן גהה גירהם במלאטפתהם
  23. פי דלך ומן אלמעלום אן אהל אלכיר יפעלון דאימא אלכיר ואן לם יועדו בה

פכיף

  1. אדא ועדו בה ואנדרו בה פאסל אללה יטיל בקאהמא ואן ידים סלאמתהמא //ואן

יסתגיב//

  1. מני פיהמא כל דעוה צאלחה ופי כל מחסן ממן יעינני עלי אלמקאם פי הדא אל
  2. קדס אלמבארך ועלי מא ירציה אללה תעאלי פיה: ואנא שאכר ודאעיא כתירא
  3. למואלי אלגמאעה אלשיוך אלאגלי [א]למקימין פי וארגלאן אלדין קד פעלו מעי

אל

  1. גמיל אלואסע ואלאחסאן אלכאמל האלד[ים] יי יברכם וירבה שלומיהם ויקבל
  2. זכיותיהם ואנא שאכר ודאעיא כתירא גיידא לאדירנו ורבנו רב עמרם
  3. בן אליה בן עמרם הלוי המיוקר והחסיד הגדול והחכם והישר אלדי קד
  4. עמל מעי כמה מדות חסדים וכמה מדות טובות האלדים יי יברכהו
  5. וירבה טובותיו ומדות חסדיו וישלח לו ברכות רבות בכל מעשי ידיו
  6. ויתמיד לו נעימים ושיחות נאות ושלומים ודכרא פי כתאבהמא האל
  7. ירבה כבודם אנהמא יעזמא אלמגי אלי הדא אלקדס אלמבארך מע אק[וא]ם
  8. אכר מעהמא פסררת בדלך פאסל אללה יסהל פי דלך ברחמתה ואנא
  9. אסל סיידי רב יצחק ורב בנימין האל יברכם וירבה שלומיהם אן לא יקטעא
  10. עני כתבהם ומערפה אכבאר סלאמתהם אדאמהא אללה ומערפה אכבאר
  11. סלאמה מואלי אלשיוך אלמקימין פי וארגלאן אדאם אללה עזהם וכנת קד
  12. אנפדת קדימא מע סיידי אלישע בן כלפה אלקצטלאני אדאם אללה יי
  13. סלאמתה דפתר כביר גייד כאן פיה שרח כל לפטה צעבה מן אלתורה
  14. ואלמקרא ואשתקאקהא לינפד בה אלי וארגלאן ומא סמעת בעד דלך
  15. כבר בוצול אלדפתר הל אוצלה או הל צאע מנה פי אלטריק פיתפצלא
  16. חרסהמא אללה [[בדלך]] יערפוני //בדלך// פי כתבהם אליי בדלך ואסלהמא

האל

  1. ירבה כבודם אן לא יקצרא פי אמרי בפעל אלגמיל מעי ובחתהם ללגייר
  2. פי דלך וכמא יוגבה דינהמא וכירייתהמא ושכר הודם ימצאו להרבה
  3. מיוצרם לעד לעולם ושלום הודם ושלום כובודם (!) יגדל עד לעולם:

T-S 18J4.14 1v

1v

(verso)

  1. يصل بالقيروان حضرة موﻻ[ي
  2. יצל הדא אלכתאב ל[
  3. ואבו אלכיר [
  4. לסיידי רב י[צ]חק ורב ב[נימי]ן אבני יוסף [ב]ן [
  5. מן משה בן יצחק הספרדי השוכן בירושלים עיר הק[וד]ש [
  6. אגרת שלוחה תובא בוארגלאן לבעליה
  7. שמרה [ ] ישמרה [ ] נפשה
Image Permissions Statement
  • T-S 18J4.14: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.