Letter: T-S 18J2.3

Letter T-S 18J2.3

Tags

Input date

In PGP since 1986

Description

Letter in the handwriting of the Ascalon scholar and scribe Natan b. Mevorakh, from Avraham (Ibrahim) b. Ḥalfon b. Nahum to Eli ha-Kohen b. Yahya in Fustat, Egypt, regarding communal friction over the muqaddam (local community head) of Ascalon appointed by the Ra'is al-Yahud (Head of the Jews of the Fatimid empire) David b. Daniel. November 17, 1087, or November 13, 1090.

T-S 18J2.3 1r

1r

Transcription

Mark Cohen, "The Jewish Community of Ascalon Between the Palestinian Gaonate and the Office of Head of the Jews in Egypt‎" (in Hebrew), Shalem‎ 3 (n.p.: Yad Izhak Ben Zvi / יד יצחק בן-צבי, 1981), 93-118.
  1. בשמ רחמ
  2. וצל כתאב כגק מרנא ורבנא עלי הכהן הפרנס נאמן בית דין אטאל אללה בקאה

ואדאם ת[איידה ונ]עמאה וחרס

  1. חובאה וכבת באלדל חסדתה ועדאה עלי שוקא מני אליה ותטלעא לודודה פסרני

ואבהגני מא אשתמל עליה

  1. מן שמול אלסלאמה וסבוג אלנעמה ענדה ושכרת אלמנעם עלי דלך כתירא ולם

ידכר שיא מן שוקה אלא וענדי

  1. מא יצאהיה ויזיד ענה ואלי אלבארי סובחאנה ארגב אן יסהל מראם אלאגתמאע

עלי אסעד חאל וארכא באל

  1. בגודה ומגדה וכן יהי רצון ואמא מא אגראה פי מעני מר אברהם החזן שצ

וקולה עני אני כנת שכרתה

  1. במצר פמא כאן שכרי לה וסכותי ענה אלא מע מא אנה יעלם אן מא מן נובה

אסאיה פעלהא מעי סעד

  1. אלא וכאן הו מסאעדה עליהא אלא אנני בעלם אללה קצדת לה אלכיר וצלאח

אלחאל ווצלת אלי עסקלאן ונפסי קויה

  1. אן אלגמאעה מחבין לה ומותרין למא כ[נ]ת ראיתה בידה מן שהאדאתהם פוגדת

ענדהם בצד דלך למא א[ת]צח

  1. להם ענה בעד מסירה מא לא יחסן שרחה חתי אן כל מן עלם נובתה מנהם יחרג

עלי נפסה אן רציה מקדם

  1. מעמא אן דלך לם יתבת בחגה וכנת כל וקת אתלטפהם ואקול אנה אצלח מן אלגיר

וליס פיכם למקדם סואה

  1. וחרצת אן לא ינפדו פיה כתאב פלם יקבלו מני דלך חתי וצל כתאבה מן מצר

אלי אהלה יקול פיה לא

  1. תחפלו במן וצל מן ענד סידנא הנשיא יהי שמו לעולם ולא תלתפתו אלי מא

יקולונה פמא כרגו מן חצרתה

  1. אלא הארבין ואנא וסעד ואצלין בכל מא יסרנא פקלת ללגמ[אע]ה לו כנא

הארבין מא וצל עלי אידינא כתאב

  1. הדרת הנשיאות תשמר לעד וחמל[נ]י קולה דלך אן אסאעד אלגמאעה עלי מלתמסהם

פיה לאני דאפעת

  1. פי אלאול מע כונהם מצרין עלי כראהיתה למא כאן גרי ביני ובינה פי

אלצנאעה מעמא אנה לם יאכד

  1. ידי אלא עלי מראעה אלחזן אבי אלפרג שצ ובעלם אללה אן כנת קצדת לה צרר

יומא קט ומא סבב דאהיה

  1. אלגמאעה לה אלא מא חכאה ענה טאהר בן כלף מע מא אן פי אלגמאעה אקואם

יכרהו למא תקדם מן

  1. פעאלה מע סעד בן מנצור פי נובא הו יערפהא וענד וצול כתאב מולאי אלפרנס

אדאם אללה תאיידה

  1. בדלת גהדי וחרצת כל אלחרץ אן יתדבר לה חאל פלם אסמע אלא מן יקסם ויקול

אן הדא אלרגל אן אלזמנא בה

  1. לזמנא ביותנא ובאללה אלעטים פקד צעב עלי וקטע קלבי חית לם ינפעל מא

רסמה מולאי אל[פ]רנס

  1. שצ מן תדביר חאל אלמדכור לאכנני מא אמלך קלוב אלנאס והו כבת אללה אעדאה

אולא מן בסט

  1. עדרי פי דלך ומע הדה [א]לגמלה פאנא אחרץ לעל יתדבר לה חאל ומא אסתקר

פ[ה]ו יצל פי כתאב

  1. אלגמאעה אלי הדרת הנשיאות תושמר לעד ואסל אנעאמה תשריפי במא יערץ ויסנח

מן כדמה

  1. ומהמאתה פאני אסר בדלך כצצתה באתם אלסלם ומולאי אבו כתיר אחיאה אללה

וגמע ביני ובינה

  1. בקרוב מכצוץ מני באתם אלסלם ואסלה ינעם עלי בנקל קדמיה אלי אברהים זריק

אלצבאג ויכצה עני באלסלם

Margins

1. ויערפה אנני כתבת אליה עדה כתב 2. לם יצלני להא גואב יכץ עני

3. מרואן בן חסאן באתם אלסלם 4. ויעלמה אן כתאב אלכיאבר 5. קד חצל והו

יצלה צחבה 6.- צ[א]לח בן מסלם חרסה אללה 7. וחסון אב[ן א]בר[ה]ים

8. יכצה סלאמי ויע[למה] 9. אן תכת אלסקאל קד 10. חצל והו ענד חפא[ט]

11. בן מבארך מודע ומולאי 12. אלשיך [אבו] אלופא חפאט 13. ואולאדה

מכצוצ[ין] 14. באתם אלסלם ומערוף 15. וולדה אבי אלמנ[א] 16. חרסהמא

אללה מכצוצין מני באתם אל]סלם[ ואלשיך 17. אבי אלחסן עמאר ומולאי אבי

אלבהא מכצוצין 18. מני ב]א[תם אלסלם כאתבה יכצה וגמאעתה 19. באתם

]א[לסלם ועקב שלום ורחמים 20. ביום אלארבעא אלתאמן עשר מן כסליו

ישע רב

אברהם בר חלפון

בן נחום נג

T-S 18J2.3 1v

1v

verso address

حضرة موﻻي الشيخ ابي الحسن علون شاكر اياديها ابراهيم بن

الفرناس بن يعيس الهاورني (!) خلف بن ناخوم

حرس الله عزها للفسطاط ان شاء الله عز وجل

Image Permissions Statement
  • T-S 18J2.3: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.