Scholarship on Legal document: Yevr.-Arab. I 328
Legal document Yevr.-Arab. I 328- Bibliographic citation
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/41608/.
- Relation to document
- Digital Edition
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 34r
- למא כאן בתא׳ לילה אן יספר צבאחהא נהאר אלארבעה י׳׳ג כסליו סנה השכ[...
- ליצירה חצל תואפק ותראצ'י וכטבה בארושים מן ע׳אלגפאר אללוי אבן אברהם
- הלוי יצ׳׳ו עלי אלבנת אלבכר אסתיתה אבנת אלמו׳ שמואל הלוי כמהר אלמוקדם
- כמסין דרהם פצ'ה והוספה בקיית אלתלאתין אלאשרפי אלדהב אלגדד
- וביברכיא חריר וכאתם דהב מתאק[[לין]] וארבע מתאקיל דהב צבחה
- ואלמאוחר כ׳׳ה אשרפי דהב גדד וכל דלך חצל ברצא ע׳אלגפאר אללוי
- אלחתן וברצ'א שמואל אללוי אבו אלכלה אלמד׳ אע׳ וקבל שמואל אללוי
- מן ע׳אלגפאר הדה אלארושים ורצ'י בדלך תם אשהד עליה ע׳אלגפאר לט.(?)
- עלי אנה מדה עמרה לם יתזוג עליה עלי זוגתה אלמד׳ אע׳ לא חבשייה
- ולא תרכייא מטלקא //ולא ידכל עליהם בגיר ... בה// ומדה ט׳׳ו סנה לא יתזוג עליהא //אחדא// מן בנות ישראל
- אלא ב[[עדות]] ואנה לם יסאפר מן מצר לאי מוצע אן כאן אלא באדן אבוהא ואמהם
- ואן אדנוה וסאפר לם יגיב אכתר מן סנה ודלך פי אלמואצ'ע אלבעידה
- [[מתל ירושלם תב׳ ותב׳]] מתאל בר אלשאם או בר אלרום ודלך מדה אלט׳׳ו
- סנה אלמד׳ אע׳ [[וכל]] //וגמיע// דלך חצל מנה בשבו׳ גמו׳ בש׳ ית׳ תם אשהד עליה
- בנדר מן גיר שבו׳ עלי אנה לם ימד ידה לזוגתה אלמד׳ בצ'רב מאלם פי שר
- וכנאק ואן מד ידה לה וצ'רבהא עלי הדה אלחכם או ילענהא יכון ענדה
- להא אשרפי דהב גדיד קנס ודלך פי מרא אן חצלת מנה ואנה לם יחלף
- עליהא ימין אלא ויסתתני (يستثنى) פיהא ולם ימנעהא אהלהא ולא כלאמהם ואן [[...ים]]
- אלתאהל עלי פורים אלתאני פי אלסנה אלתאני [[ואן כא]] ודלך מן גיר תקייד
- וכל דלך ברצ'אהם מן גיר אגבאר בשהאדת מן יצ'ע כטה פיה והכל שריר וקים