Scholarship on Legal document: Yevr.-Arab. I 328
Legal document Yevr.-Arab. I 328- Bibliographic citation
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/41596/.
- Relation to document
- Digital Edition
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 30v
- למא כאן פי] נהאר אלכמיס י׳׳א שהר כסליו סנה תאר׳ אשהד עליה שמואל
- אבן אלמר׳ מנצור אלפולאדי //נ׳׳ע// אנה קבץ ואתסלם כמסה דהב //ודכאן// מן אלזקן
- ע׳אלואחד אלכהן א׳ אלמר׳ שמואל כהן נ׳׳ע דלך אלמבלג עקד שרכה
- באן שמואל אלמד׳ [[ובין ע׳אלואחד אלכהן]] פי אלדכאן אלמדכורה פי מעישה אלזיאתה
- אן גמיע מא יטלע מן אלרבח וגמיע מא יעמל בה שמואל אלמד׳ מן מטלע אלשמש
- למגיבהא דאכל פי אלשרך לשמואל אלמד׳ אלתלתין ולע׳אלואחד אלכהן אלמד׳ אע׳
- אלתלת ואן כרה אלדכאן עלי ע׳אלואחד אלכהן ואן גמיע מא יעמל בה ע׳אלואחד
- אלכהן לנפסה מאל שמואל אלמד׳ שרך [[תם אשהד]] ואן וקת יחב //.סר(?) אלשרך// ויכתאר ויטלב
- פלוסה מן שמואל יוצלהם שמואל אלמד׳ לע׳אלואחד בעד מצ'י שהר מן יום טלבה
- הדה אלמבלג אלמד׳ אע׳ וכל דלך חצל מן שמואל אלפולאדי אלמד׳ אע׳ בש׳ בש׳ ית׳
- אנה רצ'י בגמיע אלשרוט אלמד׳ אע׳ תם אשהד עליה שמואל אלמד׳ אע׳ אנה
- אתסלם מן אלכהן שרכה נחאס וקמע נחאס צגיר ומרטבאן כביר ומרטבאן
- צגאר //פ.אר(?) מגרבי// וברנייא כצ'רה פכאר וקנינה קזאז ושרבתין פכאר וכל דלך
- חצל ברצ'א אתנינהם מן גיר אגבאר בשהאדת מן יצע כטה פיה
- והכל שריר ובריר וקים
- למא כאן קבל תאר׳ יגי במדה סנתין קעד בית דין יר׳ הו׳ פי דאר שמחה וחצ'רו אלדיינים
- והם אד׳ הנ׳ הג׳ שמואל יצ׳׳ו אלמו׳ אלאגל יהודה הרופא יצ׳׳ו תם אן חצ'ר פרגא׳ אללוי א׳אלמר׳
- נצרא׳ אללוי אלקיים נ׳׳ע ואנהא בין איאדי אלדיינים אנה כאן הו וע׳אלרחמאן אלמד׳ כצ'ר
- אלפולאדי פי בסתאן פי מחל בצט ואנשראח וחצל בינאתהם רצ'א באן ע׳אלרחמאן אלמד׳ אע׳
- יאכד אלבנת אלבכר תרכיה אבנת פרג א׳ אללוי אלמד׳ אע׳ לאבנה [[ע׳אלרחמאן אלפולאדי]]
- ע׳אלדאים ודלך חצל בינאתהם מן גיר אירושים לאכן קאל ע׳אלרחמאן אן חצל דלך בינאתהם
- בשבו׳ תם אן פרגא׳ אללוי חלף בש׳[[בו]] ית׳ עלי אנה מא משתחצ'ר הדה אלשבו׳ [[ואלמקצור פי]]
- דלך ואן אלבנת ואלאבן כאנו צגאר לא כן אלבנת אכבר מן אלאבן תם אן אלבנת אלמד׳ כברת
- ואבלגת ואסתחקת אלזיגה ולם רצ'ית במא עמלו אבוהא תם אן אלדיינים קאלו לפרגא׳
- אלמוי(!) אלמד׳ אע׳ יחתאג אלאמר אלי סאלהא פאבעתו אלדיינים מן ענדהם עדים וסאלו הדה
- אלבנת אלמד׳ וקאלו להא אנתי רצ'יתי במא עמלו עליכי אבוכי פי זיגתכי לע׳אלדאים א׳
- ע׳אלרחמאן אלפולאדי פקאלת להם לא תם אן ע׳אלרחמאן אלפולאדי חצ'ר וקאל יא גמאעה
- בר׳ אבני ולא הו מסתחק אלזיגה ויאכדו לבנתהם אלדי יכתארו תם אן שמואל אללוי א׳ אלמר׳
- יעקב אללוי אלסומך אלקיים גד הדה אלבנת אלמד׳ אע׳ כתב פתוא בואקעת הדה אלבנת ת[...]
- אלבנת אבלגת ולם רצית במא [[עמל]] חצל מן אבוהא מן אתפאק אלמד׳ אע׳ פסך גמיע
- עמלה אבוהא עליהא ואלאן אלאמר מפתקר אלי רצ'אהא דון רצ'א אבוהא מן חית
- אבלגת
Yevr.-Arab. I 328 verso
°
Yevr.-Arab. I 328, folio 31r
- וגעל אסתנאדו מן ספר מצות אלדי אלמר׳ ור׳ שמואל הרופא ז׳צ׳ל׳ .. בעד מדה(?) .דא[...
- גאו נאס יכטבו הדה אלבנת אלמדכורה פקאם [[גד ..ה]] שמואל אלקיים גד הדה [אלבנ]ת
- אכד עדים והם אלמולי שלמה יצ׳׳ו אבן אלמולי אלאגל מר׳ ור׳ נתנאל הדיין יצ׳׳ו ואלמו׳ יהודה
- א׳אלמד׳ מר׳ ור׳ משה אלמערוף [[בבאן]] באבן ע׳אלולי נ׳׳ע וסאלו הדה אלבנת תאני מרה
- וקאלו להא אנתי ראצ'ית במא עמלו אבוכי עליכי קבל תארי׳ פי כטבתכי לע׳אלדאים
- א׳[[אל]]ע׳אלרחמאן אלפולאדי פקאלת להם לא ואלמקצור באן אלאבן אלמד׳ צגיר ולם אבלג
- ולם יצלח לה זיגה לצגרה לאן מא לה צנעה .א יכפי בה נפסה כלפה ען [[בית מא.]]
- בכלפת בית ואלבנת אלמדכורה להא יגי סנה ונצף או אכתר מבלגה ואסתחקת אלזיגה
- תם אן יוסף אללוי א׳אלמר׳ ע׳אלדאים אללוי אלקדסי כטב הדה אלבנת ורצ'ית בה ואמלך
- עליהא ואעטאהא כמסין דרהם פצה מהרהא וכאתם דהב מלאכהא והוספה
- כ׳׳ו אשרפי דהב גדד ומאוחר עשרין אשרפי דהב גדד ורצ'ית בגדהא שמואל אללוי
- וכילהא פי גמיע //מא דכר אע׳ חצל// [[וכל דלך]] קדאם אלעדים אלמדכורין אע׳ באנהם ראצין בגמיע דלך
- מן גיר אגבאר בשהאדת מן יצ'ע כטה פיה בתאריך לילה אן יספר צבאחהא
- נהאר אלכמיס כ׳׳ה פי שהר כסליו סנה ה׳ש׳כ׳ה׳ ליצירה והכל שריר ובריר וקים