Legal document: Yevr.-Arab. I 328
Legal document Yevr.-Arab. I 328What's in the PGP
- 1 Transcription
Description
Legal record (#29) in a court register/pinqas from a Karaite beit din in Cairo (on f. 11r of Yevr.-Arab. I 328). Dated to the same month/year as the previous entry [Iyyar 5322 AM], which makes it possible to infer 1562 CE. ʿAbd al-Jawwād b. Farjallah al-Kohen swears an oath before the three dayyanīm that from this day forward he will no longer quarrel or lay his hand on anyone. The judges will seek payment of a fine if "in his wickedness he lied under oath" and ʿAbd al-Jawwād proceeds to quarrel once more within a stated timespan of months (more than 10, but the second digit is damaged). MCD.
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2025).
Yevr.-Arab. I 328, folio 11r
- יוזן(?) אלאשרפי ולא יעמל פיה חילה אן תכון [[בוגה]] מטלקא ודלך מנה [בשבו׳
- גמורה בש׳ ית׳ תם אנה בעד דלך אלזם נפסה עלי אנה יקל מן אלשבועות גה[ת
- מקדרתה ולא יאסי עלי אחדא ואן אתעדא עלי אחדא ואסא עליה אן
- עלי אגדאדה ישהדו עליה ויטלבונה לדין תורה ואן אסא עליה אחדא
- אחדא או לענה ישהד עליהם עדים ויטלב אלדי אסא עליה לדין תורה
- ודלך בשהאדת מן יצע כטה פיה והכל שריר ובריר וקים
- ופי יום תארי׳ וסנה תארי׳ ושהר תאר׳ חצ'ר ע׳אלגואד אלכהן א׳ אלמד׳
- פרג א׳ אלכהן ואשהד עליה קדאם אלשלשה אלדיינים עלי אנה מן יום לם
- עאד יתכאנק הו ואחדא עמד ידה לה ולא יכנק אחדא ולא ילכש אחדא
- כל הדה פי [...] אלכנאק אל[[ע]]א ען סהו ואן סהו ואתעדא עלי אלשבו׳ וכאן
- אחדא חאצרה מן אלדי עלי באלהם הדה אלשבו׳ ופכרה ירגע ממא הו
- ...]ת ואן עמד עלי רשעותו וכדב פי אלשבו׳ יעמלו מעה אלדיינים אלדין
- ...]לם ימחלו לה חתי יאכדו מנה קנס עלי קדר מא ירוה אלדיינים ודלך
- ...]ה עשרה שהור מן שהר תאריכה בשהאדת מן יצע כטה פיה והכל שר׳
- שריר ובריר וקים
- למא כאן בתא׳ נהאר אלתלאת עשרין שהר סיון המבו׳ סנה תאר׳ חצר [[ואלגמא׳]] פי
- מנזל אד׳ הנ׳ הג׳ שמואל הדיין יצ׳׳ו ואלמולי אלאגל יהודה הרופא יצ׳׳ו ואלמולי שלמה
- פירוז וחצר בין איאדיהם ע׳אלמגית אלכהן א׳אלמד׳ אהרן אלפרנאס ואשהד עליה
- אנה אכלא ביתה אלדי הו סאכן פיה אלאן עלי דאר אלכאזן ודלך ברצאה
- מן [...] גציבה ומן גיר אחדא אכלאה ואן אלסבב פי כלוה מן הדה אלבית גלו
- אצ[... ה]דה עליה תם אשהד עליה אנה לם יקול ללגמא׳ ארד אסכן פי [[..]] הדה
- אלבית אלא אן כאן כאלי וכאן מן רצ'א אלגמא׳ בר׳ יה׳ מן גיר גציבה ומן גיר צרא.[.
- יורציו בסכנתה ענד אמה פי אלבית אלדי אעטיה להא אלגמא׳ מן ביות אלה[...
- תסכן פיה וענד באקי אתנין דהב גדד מן אגרה אלבית אלדי אכלאה וא[...
- לה אלקהל ואלממונים פי נציר מא כאן עמרה קבל תארי׳ פי בית [...
- ואנה מא .אמה(?) סאכן פי בית אמה ואחתאג אלבית עמארה יע[...]ה
- מן ענדה ולא יטלב אלהקדש בה וכל הדה חצל מנה בשבו׳ ב[... ..]ה
- שמים וארץ תם אשהדו עליהם אלגמא׳ בר׳ יה׳ עלי אנה מא [..]מה סאכן
- פי בית אמה טול מא הי תעיש לם יטלבוה בגדה סכנ[..] פי בית אמה
- בשהאדת מן יצע כטה פיה והכל שריר ובריר וקים