Scholarship on Legal document: Yevr.-Arab. I 328
Legal document Yevr.-Arab. I 328- Bibliographic citation
- Matthew Dudley's digital edition (2025), available online through the Princeton Geniza Project at https://geniza.princeton.edu/documents/41024/.
- Relation to document
- Digital Edition
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2025).
Yevr.-Arab. I 328, folio 1v-2r
- בשם .[...
- ...] בתא׳ נהאר אלגמעה ראב[ע עש]ר פי שהר איר המכו׳ שנת א׳ת׳ת׳ע׳א׳
- לשטר׳ ולליצירה ה׳ש׳כ׳א׳ אשהדת עליה אלסת אלמצונה מהגה אבנת אלמר
- [ש]מואל אלמשהור באלסירגאני נ׳׳ע זוגה אלמולי אלאגל אד׳ הנ׳ הג׳ אהרן י׳׳ל
- בן כ׳ג׳ק׳ מר׳ ור׳ אד׳ הנ׳ הג׳ הז׳ הנ׳ אליהו יכין יצ׳׳ו עלי אנהא אסתגלקת גמיע
- מא פי אלמשטור אלדי מכתוב בדיני גוים עלי זוגהא ר׳ אהרן הנ׳ אלמד׳ אע׳
- ואלשטר אלדי מכתוב בכטה ועלי אנהא אסתגלקת גמיע אלפלוס אלדי
- כאנת אקרצתהם להו פי אלשאם קבל אן תגי למצר וגמיע אלפלוס אלדי
- אקרצתהם להו פי מצר ועלי אנהא לם עאד בקי להא ענד זוגהא ר׳ אהרן
- הנ׳ אלמד׳ אע׳ לא פצה ולא דהב ולא פלוס ולא קרץ' ולא מקארצ'א ולא אתאת
- ולא נחאס ולא משטור ולא שטר ולא שיא יכון מכתוב לא בכט גוים
- ולא בכט יהוד מטלקא ולא שיא קל ולא גל בוגה אן יכון מטלקא ולא י...[...
- מצ'י מן אלזמאן אלמתקדם אלי תאריך אלאן תם אשהד עליה ר׳ אהרן ה.[...
- אלמד׳ אע׳ עלי אנה לם יכון //לה// ענד זוגתה לא פצ'ה ולא דהב ולא אתאת
- ולא אמתעא ולא שיא קל ולא גל מטלקא ודלך חצל ברצ'א אתניהם
- בשהאדת מן //ישהד// ויצ'ע כטה פיה והכל שריר ובריר וקים
- למא כאן בתאריך יום אל ארבעה תאסע עשר שהר תאר׳ סנה תאריכו
- חצל אתפאק ותראצי בין אלמולי אלאגל אד׳ הנ׳ הג׳ אהרן יצ׳׳ו בן מר׳ ור׳
- אד׳ הנ׳ הג׳ אליהו יכין יצ׳׳ו ובין זוגתה מהגה אבנת אלמר׳ שמואל אלמערוף
- באלסירגאני נ׳׳ע עלי אנהו בעד אן יתוגה לירושלם תב׳ ות׳ ויחצ'ר
- אלי אלקאהרה בשלום וואכתארה גוזתה מהגה אלמד׳ אע׳ אלספר אלי
- אלדמשק לם ימנעהא ויספרהא ויקים להא בגמיע מא תחתאג
- אליה מן מאלה דון מאלהא מן גפר וכרא וזואדה ואגרה שומר וגירה
- ג]מיע מא //תחתאגה// יכרג עליהא פי טול אלטריק אליחין אן תצל ללשאם בש׳
- ...]. יחאסבהא מנהם בשיא קל ולא גל תם אשהד תעלי נפסהא
- ... .].צ..ה מהגה אלמד׳ אע׳ עלי אנהא אסקת חקהא מן //ממא// עליה
- ... .].פקה ואלכסוה מא דאמתהא בעיד .ה(?) ענה ולא הי תחת חוזה וא[..
- ... ...] אלמגיי אלי גוזהא אד׳ הנ׳ הג׳ אהרן אלמד׳ אע׳ תכ//רג// עלי
- תכרג עלי נפאהא מן מאלהא ולא מטאלב בהם ואנהא אדנת לגוזה[א
- ר׳ אהרן הנשיא אלמד׳ אע׳ אנה יתגוז בכל מן יכתאר ואנה טול
- עמרהא לא תתחסב עליה ולא תשתמה ולא תדעי עליה ולא עלי
- אלמד׳ ..[..ל ...] יד [..]ז [... ...] אשהד עליה ר׳ אהרן //הנ׳// אלמד׳ אע׳ אנה
- לם יתקצר ען אלארסל לגוזתה אלמדכורה תם אשהד עליה ר׳ אהרן
- הנשיא //אלמד׳ אע׳ אנה// אוהב לגוזתה מהגה אלמד׳ אלבכנק אלציני אלדי פיה
- תמאניה עשר מתקאל אלדהב ואסקט חקה מנה מא דאמהא לם
- תתגייר ען אלאמר אלמשרוח אע׳ וכל דלך חצל ברצ'אה אתניהם
- מן גיר אגבאר בשהאדת מן יצ'ע כטה והכל שריר ובריר וקים
- אל עדים אברהם הסופר [[...]]
- ויהודה א׳ אלמע׳ משה
:Folio 2r