Letter: CUL Add.3343
Letter CUL Add.3343What's in the PGP
- Image
- 1 Transcription
Description
Letter from Shelomo b. Eliyyahu, in Fustat, to his cousin (ibn ʿamm) Abū l-Barakāt al-Ḥarīrī b. Abū Manṣūr, in Alexandria. He alludes to political unrest and war between Christians and Muslims ("the family of Edom is embroiled with the Ishmaelite," r12–13), and he discusses the marriage of his cousin (bint ʿamma) to Hibatallāh Ibn al-ʿAmmānī and notes that "she is not honored by him, he is honored by her" (i.e., the bride's social class is superior to that of the groom). Many greetings at the end, including to the widow of Abū l-Faraj Ibn Alqāsh. (Information in part from Mediterranean Society, III, p. 5)
Tags
Image
Transcription
Translation
Editor: Goitein, S. D.
CUL Add.3343 1r
°
S. D. Goitein's unpublished edition (1950–85).
- אכיה ומחבה שלמה ברבי אליה הדיין ישקיף עליו בהמון רחמיו
- כתאבי אלי אכי וצדיקי אלאך אלעזיז אלאציל אלגליל אלכרים
- אלמחתרם אבי אלברכאת אטאל כאלקה בקאה וחפטה ותולאה
- ומן חסן אלתופיק אלדאים לא אכלאה וגמע אלשמל בה עלי
- כיר ועאפיה אן שא אללה תעאלי וינהי כתרה אלשוק אלי סעד
- טלעתה ואלתאסף עלי אלפאית מן מלאחטתה ואלמבאשרה
- באלתמלי ואלתחלי בראיתה וסואה אנני בחמד אלבארי
- עלי רחמתה וחנתה ית' ש' כמא תוגהת אלי אלעאפיה יודו לי חסדו וגמ
- ולם אעוז סוא נטרכם ואלקרב מנכם ואלאיתאר במחבתכם
- פהו תע עאלם אלסראריר(!) ואנני קצדת אלמגי פי הדה אלאיאם
- קבל אלעיד וגדת אלאחואל משושה פבקית אלי חית יטמאן אלקלב
- מן אכבאר אלמלוכה כי היא הפוכה ומלחמותיה ערוכה ומשפחת
- האדומי עם הישמעאלי מסוכסכה והקבה יחון על השארית אשר היא בוכה
- ומבוכה יקבץ פזורינו יתן בהשקט ובבטחה נפשנו שנ וישב עמי בנוה שלום
- במשכנות מבטחים ובמנוחות שאננים ואנא אלי אלאן מראוד נפסי
- ללדכול אלי אלבלד נסכן פיהא פאללה יפעל רצאה ואנני משתאק אלי
- בנת עמי אסעדהא אללה ואלי זוגה אכי סת אלעלם ופקהא אללה ואלי אלצגירה
- געל אללה נגמהא סעיד ווגההא מבארך ומתעגב כונהא אנעאקת אלי
- אלאן וחק אלברית מא טלבת אעייד עיד אלפטיר אלא ענדהא חתי
- אכדהא ואכרג לאן אלקלוב משתאקה אליהא פאללה יופקהא אין
- מא כאנת הי תעלם אן מחבתי להא פי כל וקת מחבה תאבתה
- לא תתגיר אצלא ופי חקהא גאיבה כאנת או חאצרה פאללה יסעדהא
- ולא יכגלהא אבדא ויגמע אלשמל בהא ואמא אלשיך אלחתן אלגליל
right margin, straight lines at 90 degrees to main text
- הבה אללה בן אלעמאני שמ צו סייר כתאב אלי ענד אכי אלראיס אבו זכרי שצ והו יפתכר
- באנה דכל ערוס בנת עמתי ופקהא אללה תעאלי ואן אלנשיא חצר ואן אלמרתבה מליחה וערס
CUL Add.3343 1v
°
verso
- מליח ערפה יא אבי אלברכאת יא אכי אנהא מא תשרפת בה
- הו תשרף בהא ובבקיה ביתתהא אלטאהרה אלשריפה מן אגדאדהא
- מן אמהא רחמהם אללה תעאלי ומא לי פרגה אן אגאובה ען . . . .ה ולו פתש פי קבילה גמיעהם מא וגד מתלהא אבדא וביתתה. . . . . .א. . . .
- אקריה סלאמי באגל סלאם וואלדה ר יהודה החבר החכם והנבון . . . .
- ותקרי סלאמי אלי ואלדך ואכיך ועמך ואהל ביתך אלסלאם ואבן עמרו אלשיך
- מוסי אפצל אלסלאם ואכי איצא יוסף שמ צו ואכיה נסים . . . . . אללה
- ואלי גמיע אהלנא אלשיך אבו סרור וואלדתה וואלדה ובקיה אלאצחאב .אלא. . . . . .מ. . . .
- בכם ומולאי ואכי וואלדתי יסלמו עליך וערף סת אלעל.[. . . . . . . . .] זוגתי תסלם
- עליהא ומשתקאה אליהא כתיר ושלומך ירבה [. . . . . . . . . . . . . . . . . . . .
- ותסלם עלי צהרי אלשיך אלאגל אלאמין אלמכין [. . . . . . . . . . . . . . . . .
- ועלי אכיה אלנגיב אבי אלברכאת וואלדה אלשיך [. . . . . . . .ש]מ צו
- ותסלם עליהם גאיה אלסלאם ותסלם לי אמראת אלשיך אבי אלפרג
- בן אלקאש זל ותסלם עלי זוגהא ועלי אבי אלברכאת אבן עמך
- אפצל אלסלאם ועלי אלמולי אלכהן אבי אלמפצל אלחזן שמ צו
- אפצל אלסלאם ואולאדה ישמרם צורם ושלומך ירבה
Verso - Arabic address
- يصل الى الثغر المحروس يسلم للشيخ ابو البركات اليهودي الحريري ولد الشيخ ابو المنصور اليهودي الحريري من مصر
- من عند ابو البركات ولد ابو الفرج يعرف بابن الرىيس امانة موداة وصل(؟) . . . بارك الله من يوصله لصاحبه
Verso - Judaeo-Arabic address
- אלי אלתגר אלמחרוס יסלם ללשיך אלאגל אבי אלברכאת אלחרירי ולד אלשיך אבו מנצור
- אלחרירי שמ צו מן מצר מן אבן עמה שלמה ברבי אליה הדיין סט יערף באבן אלרייס זצל
