Scholarship on Letter: T-S 8J33.8
Letter T-S 8J33.8- Bibliographic citation
- S. D. Goitein, unpublished index cards (1950–85), #9229. Princeton Geniza Lab, Princeton University.
- Relation to document
- Discussion
- Bibliographic citation
- S. D. Goitein's unpublished edition (1950–85), available online through the Princeton Geniza Project at https://geniza.princeton.edu/documents/3793/.
- Relation to document
- Digital Edition
Image
Transcription
Translation
Editor: Goitein, S. D.
T-S 8J33.8 1r
°
S. D. Goitein's unpublished edition (1950–85).
- חצרה אלמולא אלשריפה אטאל אללה בקאך ואדאם
- סלאמתך ונעמאך ומן חסן תופיקה לא אכלאך אלי
- נעלם אלי חצרה אלשיך אבו עמראן תעמל מעי מע אללה ועד
- אני יסירה אשתריתני עסי תכלם לי אכי ותכתבה לאני
- מרתאן מחירה פי בלד אלגרבה אמא תקול לך מא הכדא
- תכון אלנאס תכלי אכותך מחירה פי בלד אלגרבה וקד
- רמאני באלנסיאן ולו אקל מן אלסואל מא יבעת יסאל עני
- ולאכן הו יעלם כרוגי מן אלבלד עלי צפת אן כאנת לאן
- מא כאן באכתיארי כרגת עלי אני אטלב סעאדה פמא
- סעדת ולא אנא מן אול צאבתהא אלנכבאת ויואכדני
- באבן בוגירי ואנא קד עדת מרה מחירה מנקטעה ואנא
- פי בלד אלגרבה מחתאגה אלי אקל אלכליקה והו יגעלני גריבה
- אגנביה יבעת לי כטק ולו אנה גואב הדא אלכתאב פמא
- ארידה אלא ינצר כאטרי לראמה ללאצרא אלדי כלפי ואש
- תעמל מעי מע אללה תכלם לי סאלם אלנקאד אליצרפי (אלצירפי) וקד. .
- מע נבע לה אלכתב ונרסל לה אלנאס ירסל לי אלאסלאם ולא
- כלאם ומא פיה מכאפה מן אללה ואנא מא כרגת אלא אן
Right margin, diagonal lines written upside down.
- אסאפר אל
- שאם ומא
- צח לי ספר לאן
- מא כאן מעי ואן
- אראד
- אן אגי
- אלי מצר יבעת אלי
- באיש אתצל
T-S 8J33.8 1v
°
Verso.
- באני קאעדה פי בולביס מחירה ו כיאר מן . . .
- מא פי בולביס אהלי ומא אתכל אלי אחד מנהם
- ולא ירפדני אחד מנהם ואנא קאעדה פי אישם
- חאל אן יכון פמא חלאל לך יכון קד רזקך אללה רזק
- ותכיליני מסכמה מחירה ושלום רב
Address.
- יצל הדא אלכתאב אלי חצרה אלשיך אבו עמראן אלבחור אבן מופק
- מרבעה אלצרף מן ענד כרימה
- סאלם
