Letter: T-S 13J27.4

Letter T-S 13J27.4

Tags

Input date

In PGP since 2017

Description

Business letter sent from Alexandria by Yiṣḥaq b. Simḥa ha-Levi, a wholesale silk-dealer, to Abu al-Sarur Peraḥya b. Nissim ha-Levi in Fustat, dealing with goods and their prices and mentioning the government's prerogative to take possession of commodities against the wish of the merchants carrying them. Dated ca. 1120. (Information from Mediterranean Society, I, pp. 267, 268, 387)

T-S 13J27.4 1r

1r

Transcription

S. D. Goitein, unpublished editions.
  1. בשמך רח
  2. . .] כתאבי אלי [מו]לאי [. . . .] אלגליל אטאל אללה בקאה ואדאם
  3. עזה ונעמאה ותא[י]דה [ו]תמכינה וכבת אעדאה
  4. ארגו וצולה ודכרת פיה מן אלשוק אליה וחשת מן
  5. מפארקתה פאסאל הקבה בקרב אלאגתמאע
  6. בפצלה ומנה והו ולי דלך ואלחצרה עלי כל שי . .
  7. ואיצא דכרת פי מעני וצול שריך חצרה מולאי
  8. אלשיך אגל אבו אלפרג אלקרמיזיני וביע אלמסך ואמא
  9. כאן ואחד כרג גיד ואלאכר מקארב חצל בעד
  10. כל שי ניף ל דינ אמא כלט מן אלבצאעה אלדי כאן
  11. מעה תלתה פי בגאיה אללה יגמע עלינא אמא
  12. קטע ב. ואלאכר אכדו לכזאנה אלמעמורה
  13. כלד אללה מלכה ואלי אלי(!) אלאן מא קבצש(!) שי אמא
  14. אכדת מן ענדה ח ארטאל חריר ברסמך עולת
  15. אדא כרג אחד מן הונא אלדי תערף פי סוד
  16. אנפדת לך תביעה ותקבץ תמנה חתי יצל אלבאקי
  17. אן שא אללה יצל אליך ואלינא אן כאן רזקנא בחמד
  18. אללה מא כאן אלא כיר בניתך אנגבר אלשי
  19. בעצה אמא אלתלאתה [אל]די רגע מע אלשיך
  20. אבו אלפרג //אלחמוי// אכדתה ודפע ואחד למנאדי יערצהא
  21. והו שי תאלף מא פיה לא ראחה ולא טעם ולא וזן
  22. מתל אלתגר מא יצדק פיהא ה מתאקיל יגדא ב
  23. בעד אלגהד גאב יד דרהם ואלאתנין אלאכר דונה בכתיר
  24. קלת מא נביע אלא פי ואחד פאסתקר עלי מ דרהם
  25. אסלת וביעה אלראי יתכד שי ערפתה דלך פיטלב
  26. כתאבך פי אמרה ופי אמר אלחריר ואן כאן לה
  27. חאגה תערפני בהא אמא אלחריר הונא מן ל
  28. אלעשרה אלי כב והו פי זאד ואלכז בכמסין אלעשרה
  29. ואלפצה ח ונצף אלמאיה ערפת דלך פלפל מ מא
  30. יקדר אחד יביע אלא לסלטאן ובקם מה גואבה
  31. אלכתאב סרעה כצצתה באפצל אלסלאם ותכץ חצרה
  32. מולאי אלשיך אלאגל אבו אלפצל ראש הקהלות אדאם
  33. אללה עלוה ואלמואלי אכואנה ואולאדה באתם אלסלאם
  34. ותכץ חצרה מולאי אלשיך אגל(!) אבו נצר עמך
  35. באפצל אלסלאם ואלשיך אבו אלמכארם מכצוצה
  36. בסלאם שלומך ירבה לעד אמן סלה

Right margin, perpendicular lines.

  1. ולד ש.תה יקבל ידה ויכץ אלשיך אבו אלמכארם
  2. אל. . יקבל ידה באפצל אלסלאם

Translation

T-S 13J27.4 1v

1v

Verso. Address.

  1. חצרה מולאי אלשיך אלגליל שא[כרהא י]צחק הלוי
  2. אבו אלסרור פרחיה הלוי בר ב]ר ש[מ]חה זצל
  3. נסים הלוי נע אלי [פס]טאט לקי
  4. אדאם אללה עזה ונ[עמאה
Image Permissions Statement
  • T-S 13J27.4: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.