Letter: T-S 13J27.10
Letter T-S 13J27.10Input date
In PGP since 2017Description
Letter by Perahya b. Yosef asking the addressee to go over his comments on a section of the Talmud with his Rav, and then to send him the latter's remarks and corrections, and saying that if the addressee had no time, Rabbi Yosef Ashkenazi would do the copying. (Information from Goitein's index cards)
Edition: Goitein, S. D.
T-S 13J27.10 1r
Transcription
S. D. Goitein, unpublished editions.- רבנו שלמה זל ומכתוב אולהם ח ואעקאבהם
- עה אלח אעני חוץ או חידוש ועה אעני עד
- הנה פלמא עבר אלרב רבנו יחיאל שצ אכדת
- מעה פי הדה אלזואיד פאגאז בעצהם
- וזאד ואנקץ פי בעצהם וקד [אנפד]ת ללמול[י
- פירוש קידושין וקד אועדני אנה יטאלע
- אלגמיע פתתפצל תחרצה כל וקת אלי אן
- יכמל אלנצר פיהם ואקרי הדה אלמסכתא
- ללולד אלעזיז אלגליל יזכה לתורה מעולה
- ולחופה ולבנים ולבני בנים וראה בנים
- לבניך שלום עליך אלי אן יצלך אלמולי אלמסכתא
- אלאכרי בסייעתא דשמיא ואן כאן ללמולי
- שצ וקת פרגה פיקאבלהם מע אלרב
- ואריד מן המתך הדא ולו אנה אלא באלליל
- ואן חצר תם חידוש תכתבה פי אלגליון
- ואן חצל תם תוקף או תוהם מן //[[פה.]]// שי מן אלג/ו/איד
- פתצרב עליה ולעל תכתב לי אלדי
- יזידה וינקצה פי ורקה ואן כאן מא
- ללמולי פרגה אן יכתב אלדי יצחחה אלרב שצ
- פקד וצית ר יוסף אשכנזי שצ יכתבה
- בעד תקביל ידי אלמולי ורגליה
- ואכצאצה באתם סלאם ועלי
- אלמולי אלאגל אלפאצל
T-S 13J27.10 1v
Verso.
- אלמתפצל אלראיס אלשיך אבו זכרי
- אפצל //ואעלמנא אן כאן רזק ולד// סלאם ועלי אלולד אלעוז(!) אל
- ראיס ר ברכות אפצל סלאם
- אלממלוך אלאצגר
- פרחיה בר יוסף
- תנצבה
