Letter: T-S 13J24.18

Letter T-S 13J24.18

Tags

Input date

In PGP since 2017

Description

Letter sent from Fustat by Shelomo b. Eliyyahu ha-Dayyan to Sitt Rayhan, expressing concern about her health (r3–11, v20, address), dealing with a house of which one quarter belongs to her, and asking her to travel to Fustat. (Information from Goitein's index cards)

Images and transcription

Transcription

  • אלי סת ריחאן וגה אללה להא באלעאפיה
  • וגמע שמלנא בהא קריבא במנה
  • נעלמהא אן מא יעלם אחד מא עלי
  • קלובנא מן אגל מרצך ולם יתגדד
  • לנא כתאב ולא כבר יטמן קלובנא
  • מן א[גלך?] פעהד וצול הדה אלאחרף אליך
  • וכאן . . . .וה אן תרכבי פי פרדה (?)
  • מחצרה אלי אלעטף פתכלי ליוסף
  • אלטביב ופקה אללה תע ותכלף לך בדלך
  • ולוא. . . . לך יס. . יסאפר מעך אלי
  • מצר לאנני מא אקדר אכרג מן מצר
  • שבר לאלא אפסד חאלי ופי אלתגר מא
  • יתם לי מקצוד לאנהם מצייקין פי
  • אחואלהם ויטלבוא ופא עיון ובאנני
  • אדא גית נרגע תקלה ואנא אליום פי
  • מצר [כמא] תערפי ואכתר והרב רבנו (?)
  • שמ צו יכברך תפצלהם ואכראמי
  • וקיאם גאהי אללה תע יתבתה פי רצאה תע
  • פאן כנתי תקדרי עלי אלספר פלא
  • תקעדי סאעה ואחדה ואמא חדית אלאגארה
  • אלתי תרידי תכתביהא בחסב . . . . .
  • פקד כנתי אנתי והו ואנא קד וכלנא
  • אלשיך אבו אלעלא בן בו סהל שמ צו פקד
  • כתבת לר יוסף שמ צו אן יגעלה יגו . . ם
  • אלגמיע ותכתבוא מקא. . . . .[. .

Verso.

  • אן לך אלרבע ואן לאכותך אלרבע ואן לי
  • אלקיראטין ונצף ואן לאכתך אלתמן
  • ונצף קיראט ואן לאבנה אכתך אלרבע
  • ויאכד כל מנהם כתאב פי ידה
  • ומא ילזם אבנה אכתך פי אלמכאתבה שי
  • לאן בידהם כתאב באלרבע בל תכון
  • אלשהאדה עליהם באקרארהם בדלך
  • ואלשהאדה עליכם איצא בתתבית
  • אלרבע אנה להם והכדי אתפק מעהם
  • קבל אן אכרג ור יוסף שמ צו ינעם
  • יתפצל ויחצר שהוד אליהוד ועלי אן
  • קד כתב מסטור במצמון כל דלך
  • והו ענדך ואן ארדתי אן תמצי אלי
  • ר צדוק שמ צו ויפרד להא כתאב
  • ויטרח פיה אלשהוד אלתי פי תלך
  • אלשהאדה והי אלורקה אלטוילה אלדי
  • גית וגדתהא קד כתבוהא פי אלתגר
  • פאן כאנת ענדך ואלא פתשתהא וסיירתהא
  • אליך וסאעה וקופך עלי הדה אלאחרף
  • תסיירי לי כתאב במא אנתי פיה ועליה

Right margin, perpendicular lines.

  • ומהמא אחתג פיה ר יוסף שמ צו יקרצה לי ואנא אסיירה ודלך שי תתספרי בה אלי מצר
  • אן כאן ימכנך ו[[ארגי]] פי . . . .ה ושלום רב

Bottom margin, parallel lines written upside down. Address.

  • להדרת מרנו ורבנו יוסף הח׳ והנ׳ הרופא יוצלה
  • בפצלה לממלוכתה סת ריחאן עאפאהא אללה תע
Image Permissions Statement
  • T-S 13J24.18: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.