Scholarship on Letter: T-S 13J23.17

1. בשמ רחמ
2. סבב הדה אלאחרף אלי אלשיך אבו אלמכארם ויעקוב חפצהם אללה ותולאהם
3. אעלאמהם אן אבו אלרצא אכוהם עלי כטה קביחה תאלף מן אל[נזו?]ל
4. ואלזחיר אלמפרט והדה צפה חאל מרצה ודלך אן אכיה אכדה
5. חמא ברד כמסין יומא ותלאה (?) חמא אלברד אכדתה חמא חא[מי?]ה
6. תמאניה איאם ו . אל וקד אד[א] אל[י] תלאף ופאת . . . . . . ולחקה והל
7. וזחיר פצאר כל יום יגיה [. . .]ן דפע . . . אלל[י]ל . . . . לבעץ
8. מנהא י[ט]רח כראטה ולא דם ואלבעץ טג[. . . . . . .] וכאן פי אלאול
9. יטרח טביעה מתחגרה מע אלכראטה ולהא [ר]איחה צעבה וקד צאר
10. יטרח טביעה מאיעה וכראטה וליס להא דלך אלראיחה ולסאנה מ[ע?]לק
11. ללכלאם בל אלסכונה עליה כל לילה באלליל והדא צפת מרצה כאנכם חאצרין
12. וקד אנפדת לכם ארבעה דראהם צחבה מוצל הדה [אל]אחרף תתפצלו
13. תסתוצפו לי מן טביב אן תערפו אנה פהם ותשתרו לי אלצפה אלתי
14. יצפהא מן ספוף ושראב וחואיג פאנתו תעלמו אן ליס ענדנא מן
15. יפהם ולא חואיג ולא תתואנו פי דלך פמא הדא שי [[שי]] יתואנא
16. אללה אללה הדא וקת אלצניעה ואלנכוה ולו אן עליכם אלי שגל ותנפדו לי
17. אלצפה מע מוצל הדה אלאחרף ושלום . . ל . אלואלד אלשיך אבו
18. יעקוב מכצוץ באפצל סלאם ואנתם מכדומין באגל סלאם ותחייה
19. וכל מן ענדכם מכצוצין באלסלאם [וש]לומכם יגדל לעד אמן סלה

Verso.

1. מואלי אלשיך [א]בו אלמכארם ואלשיך אבו יעקב הכהנים
2. נטרינון רחמ וברכינון
3. ולדי אלשיך אבו יעקוב . . . . הכהן חפצה אללה

1. שאכר תפצלהם
2. אבו אלסרור בן טריף נע

1. ותסתוצפו לי איש יכון אלגדא ואן וצף . . . חצרם שאמי
2. פתאכדוהו פאן ליס ענדנא מנה שי
3. [. . .] לו לה ועוצה בגירה ושלום