Letter: T-S 13J21.35

Letter T-S 13J21.35

Input date

In PGP since 2017

Description

Letter sent by Abu al-Barakat to Abu Nasr, asking him for 3 dirhams to hire a riding beast and asking another 3 dirhams from the recipient's friends for provisions, so he could try his luck in one of the congregations of the Rif. (Information from Mediterranean Society, IV, pp. 265, 448)

Images and transcription

Transcription

  • באלהים נעשה חיל וגמ
  • חונה מלאך ייי סביב ליריאיו ויחלצם
  • ייי בחכמה יסד ארץ כונן שמים בתבונה
  • חצרה אלמולא אלאגל אלמנעם אלמתפצל
  • אלשיך אבו נצר תבת אללה מגדה וצאעף
  • סעדה ווקאה מן כל מחדור ואנגח מקאצדה
  • ולא אכלאה מן רחמתה ויחיה וישמור ויעזור
  • חמודו יחידו יזכהו האל לראות שמחתו
  • וחופתו כחפצו ותאותו לרצון וכן יהי רצון
  • אמן נצח סלה :
  • וסואה אן ענדי מן גמילהא אלמתקדם
  • ופצלהא ואחסאנהא אלמתאכר מא לו
  • רמת שרח יסירה לכלית ען תסטירה
  • ולעלם אלכאדם אן מולא מן אהל אלרחמה
  • ואלמרוה פקצד אן ישרח בין ידיה מא
  • תיסר מן אחואלה ודלך אנה לה מנד וצל
  • מן אלאסכנדריה סבעה אשהר בטאל
  • לם יסהל לה אשתגאל פי שגל ולא סבב אן
  • יקדר יתכסב פיה ולה פרוטה אחת
  • פצאק צדרה בסבב דלך ואנטבק עליה
  • אלוגוד פדאם אלתנפד אלי בעץ בלאד אל
  • ריף לעל יפתח אללה עליה במא יקתאת בה
  • פלם יכן בידה מא יכתרי לה בה דאבה
  • ולא מא יתזוד בה והו יסאל מן תפצלהא

Top margin, perpendicular lines.

  • עבדהא אלאצ
  • אבי אלברכאת
  • לא עדמהא אבדא

Right margin, diagonal lines written upside down.

  • אגראה עלי | עואידה אלגמילה | פי הדה תלאת | דראהם יכתרי | בהא דאבה ירכבהא | ואן חסן פי ראיה | תחציל מתלהא | מן ענד אצדקאך | ואצחאבך תכון | ברסם זאד פאפעל | פקד צאקת בה | אלאסבאב ואנגלקת | פי וגהה אלאבואב | פאללה תע ינטר | בעין רחמתה | ואראפתה | ושלום

Verso. }

  • אנהי אלכאדם דלך בעד תקביל איאדיהא
  • ואיאדי ולדהא אלכרימה אלמשהורה
  • באלכרם ואלנכוה ואלמרוה ופעל אלזכיות
  • ואלמעשים טובים הקבה ייטיב אחריתכם
  • מראשיתכם וימלא בטוב ימיכם
  • ובנעימים כל שנותיכם יקיים עליכם
  • קרא דכתיב וענוים יירשו ארץ ויתענגו
  • על רוב שלום ושלום הדרתכם ירבה ויגדל
  • ולעד אל ידל אמן סלה נצח:

Bottom margin, straight lines written upside down. Address.

  • חצרה אלמולי אלאגל אלמנעם אלמתפצל אלשיך אבו נצ[ר
  • ישמ שומ נפשות חסידיו ויחיה חמודו יחידו לעד ולנצ[ח
  • סלה אמן
Image Permissions Statement
  • T-S 13J21.35: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.