Letter: T-S 13J20.6

Letter T-S 13J20.6

Tags

Input date

In PGP since 2017

Description

Personal letter sent by the court clerk Mevorakh b. Natan, apologizing for his younger brother Abu al-Fakhr Yehosef, who had made fun of the son of the Jewish government official (katib), Yehuda ha-Kohen b. Elazar. The writer says that Yehosef had been absent minded at the time. (Information from Mediterranean Society, V, pp. 243, 574, and from Goitein's index cards)

T-S 13J20.6 1r

1r

Transcription

S. D. Goitein, unpublished editions.
  1. בשמ רחמ כי ייי יהיה בכסליך ושמר רגלך מלכד
  2. ייי שומריך ייי צלך על יד ימיניך
  3. ברוך אתה בבואיך וברוך אתה בצאתיך
  4. ואמרתם כה לחי ואתה שלום וביתך שלום
  5. קד עלם אללה תעאלי שדה שוקי ועטם ארתיאחי לסמאע טיב אכבאר
  6. אלמולא אלואלד אלגליל תקה אלמלך שרנו ואדירנו כגק מרנא ורבנא
  7. יהודה הכהן השר האדיר בעם ייי תפארת השרים והודם הוד
  8. הנדיבים והדרם ישמרה צורה ויהיה בעזרה ויעלה שמה הנעים
  9. משם אבותיה השרים הידועים שנא ייטב אלהים שם שלמה
  10. משמיך ויגדל כסאו מכסאיך בן הדרת שרנו ואדירנו וגדולינו
  11. אלעזר הכהן השר האדיר בעם ייי תפארת השרים והודם זל
  12. וכון עבדהא מנד פארקהא לא יקטע דכרהא ווצף מחאסנהא
  13. ותעדיד מכארמהא ותכריר מפאכרהא ואלדעא להא
  14. ולולדיהא שני השרים הנכבדים הנאהבים והנעימים יברכם
  15. אלהינו ויגדלם ולשם ולתהלה ישימם ולברכה יותירם ובאורך
  16. ימיה יעטרם בראשם האח הנאהב המיוקר עטרת ראשי אלעזר
  17. המכונה אלשיך סעד אלמלך אסעד אללה מקאצדה ובלגה פיה
  18. אסר אמאלה ואחיו הקטן יהיה לאלף ולרבבה וישימם אלהינו
  19. לשם ולתהלה בהרץ ברכה בקרב הארץ ויבלג אלחצרה
  20. פיהמא אמאלהא אלסארה ויגמע אלשמל בחצרתהא עלי אל
  21. אמור אלסארה ואלקצאיא אלמכתארה במנה וגודה וכרמה אן
  22. שא אללה תעאלי ואלדי אערף אלחצרה בה מצאף אלי דלך
  23. אן אהל אלדאר עלי גמלה אלסלאמה ואלעאפייה ואלולד אלעזיז עלי גמלה
  24. אלסלאמה לא יעוזה גיר נטרהא ואלתמלי בטלעתהא אלסעידה
  25. וגיר דלך אן כאדמהא בעד אנצראפהא אגתמע בעבדהא
  26. וכאדמהא וולדהא אבו אלפכר יהוסף ולמתה עלי מא גרי מנה פי חאל

Right margin, perpendicular lines.

  1. סכרה עלי גלאמהא פקאל לי מא ענדי מן כל מא גרי דכר אנא כנת גאיב אלדהן ואעתדר וזאד אלעדר עדה אימאן אנה לא
  2. יחקק למא גרי מנה חאלה צחיחה וכאדמהא יסאל אנעאמהא פי תגריה עלי מא אלפה מן רצי אכלאקהא וסעה צדרהא
  3. ותסאמחה מכארמה לי ותגעל אלדנב לי ותעפו עני בפצלך קדאם הדא אלמועד אלשריף פכלנא אולאדך וכדמך ונחן
  4. אכטאנא ומתלך מן אחתמל ויחמול על כבודך ואל תשיב פני עבדך וידינני לכף זכות ובעין משפט אל תביאיני

Translation

T-S 13J20.6 1v

1v

Verso. Bottom of the page.

  1. אלחצרה אלסאמייה אלאגלא אלתקתייה כאדמהא ולד אל
  2. אחסן אללה עאקבתהא וכפאני נזר געל פדאהא
  3. פיה[א. .ל. .]ר
Image Permissions Statement
  • T-S 13J20.6: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.