State document: T-S 13J20.5
State document T-S 13J20.5Tags
Input date
In PGP since 2017Description
Draft of a petition in the handwriting of Natan b. Shelomo ha-Kohen, addressed to al-Malik al-ʿĀdil (aka the vizier Ibn al-Salār), asking that he release the estate of the Jewish merchant Abū l-Faḍāʾil b. Baqāʾ, which had been illegally sealed by the Mutawalli al-Maʿūna in Fustat. Dating: ca. 1150–51 CE. (Information from Khan and from Goitein, Mediterranean Society, I, pp. 269, 437; II, pp. 353, 513, 604.)
Images and transcription
Transcription
- ינהון אן ואלדהם סק[ט באלופאה וכלף אולאד
- צגאר ואן מתולי אלמע[ונה במצר אכתם מוגוד
- ואלדהם וואלדתהם ולם יבקי ללממאלי[ך מא יעישון
- בה וכלף להם דוירה יסתתרון פיהא [וקסמא
- מן אלמטבך וקד איצא אחתיט עליה וא[שתהר אנה
- לם יעמל דיואן יום קט בל הו מעאמ[ל אלתגאר
- וקד כאן לה אך כאתב פי אלדיואן יערף [מכארם כאן
- רגלא פקיר חקיר וביד אלממאליך אבארי בינה[ובין ואלדהם קבל
- ופאתה וענד ופאתה מתבתה ענד קאצי אלק[צאה וכאן
- . . .] [[אל]]מכארם אלמדכור בינה ובין אבו זכרי צאחב [. . .
- עדאוה ואראד אדיהם(!) עמל לה אוראק כלף פי תלך אלאיאם [לא
- צחה להא כמא עמל לגירה ולגירה //ואעקלוא// פמן כופה מן אלעדאב ואל
- עקובה כתב כטה בסתה מאיה דינאר אבאע גמלה גהאז
- זוגתה ותצדק מן אכיה ומן גירה אלי קאם בארבע מאיה דינאר
- פלמא תופי אבו זכרי רפע ענה אלתרסים אד אצחאב אלדואוין
- פי הדא אלזמאן אלעאדל עלמוא אנהא טלם וכאן טאמע אן יעידוא
- לה מא קד וזן פעאגלה אלופאה ובקי אכיה בעדה מדה ולם
- יתטלב מנה שי ועדל הדה אלאיאם אלזאהרה ימנע מן טלם
- אלממאליך ואן יטאלבוא בשי ליס פי גהתהם והם יסלון (!) ויצרעון
- באלכשף ען קצייה ואלדהם וינעמלון פי דלך עלי קציה אלעדל ואסל
- אנצאף ויכון להם סויה בסאיר אלכליקה אלדי שמלהם אלעדל
- ואלרחמה והם יגדדון אלסואל בכרוג תוקיע כרים מתזוג באלעלאמה
- אלעאדלה [[באלכשף ען]] באלאפראג ענהם ואיצאלהם אלי חקהם ליחין בדלך
- חיאה מגדדה וישיע דלך פי אלאקטאר ואלאמצאר עאדל עליהם וחקל.
Verso.
- . . . . . . . . אלממאלי]ך ורתת אבו אלפצאיל
- . . . . . . . . . . . . . . . .] בן בקא אליהודי אלתאגר
- ינהון אן ואלדהם] סקט באלופאה פי אלסאבע
- עשר מן שעבאן סנה כמסה וארבעין וכמס מאיה
- וכלף מן אלורתא תלתה בנאת וגל [אם טפל] וזוגה
- פלם ישערוא אלממאליך בשי אלי אן גא אלי
- ענדהם מתולי אלמעונה במצר ומעה שאהדין
- ואתבתוא גמיע מוגד ואלד אלממאליך ואכתמו
- עליה ולם יבקו ללממאליך שי קימתה דרהם פרד
- חתי אכתם עליה לא פי דאר סכנה ולא פי אל
- מטבך ולם יעלמוא אלממאליך לדלך סבב
- לאן ואלדנא רגלא תאגר ומעאמל תגאר
- ווכלא והו משהור בדלך ולם יעאמל אלדיואן
- יום קט ולא צמן מנה [[קט]] צמאן ועדל הדה
- אלאיאם אלזאהרה אלדי שאע פי אלבלאד אל
- שאסעה ימנע מן טלם אלממאליך והם יסאלון
- ויצרעון פי כרוג אלאמר אלעאל זאדה אללה נפאדא
- בתוקיע כרים יעלוה אלעלאמה אלעאדליה
- באלאפראג ענהם ואיצאלהם אלי מוגוד ואלדהם
- ואזאלה אלאעתראץ ענהם לא פי מלך סכן
- ולא פי מטבך ואלשד מנהם פי אסתכלאץ
- חקוקהם מן ענד כל מן לואלדהם עליה דין
- או גירה מן אלחקוק ואן לא יחתגר עליהם מחתגר
- ואן ימכנה (!) מן מאל ואלדהם ליחק בדלך קיאם
- מגדדה וישיע דלך פי אלאקטאר ואלאמצאר
Right margin, diagonal lines written upside down.
- ראפה //להם ואחסאן// [[עליהם]]
- עליהם וללמגלס אלסאמי
- אלראי אלעאל פי דלך
