Letter: T-S 13J20.20
Letter T-S 13J20.20Input date
In PGP since 2017Description
Letter addressed to the writer's father, Shelomo (Abu al-Rabi Sulayman), and his father-in-law, Yeshua ha-Kohen, in Qalyub. The writer invites both the addressees and his mother-in-law, Umm Ibrahim, to pass the coming holidays, during which the wedding of Abu al-Khayr will be celebrated, with his family. He also recommends a poor man for charitable assistance. The copyist adds his greetings. (Information from Mediterranean Society, V, pp. 15, 596; Goitein's index cards)
Edition: Goitein, S. D.
T-S 13J20.20 1r

Transcription
S. D. Goitein, unpublished editions.- בש רח
- ואמרתם כה לחי ואתה שלום ג
- ברכות רבות וישועות קרובות וחמלה וחנינה ומילוי
- כל משאל ומזל גבוה וכללי הברכות הערוכות תהיה
- ל[כ]גק מר ור שלמה הכהן הזקן היקר האלהים יברכהו
- ויחיה חמודו ויראהו שמחתו וחופתו וכגק מר ור
- ישועה הזקן היקר האלהים יפתח לפניו שערי רחמים
- ויחיה חמודו ויראהו שמחתו וחופתו אמן נצח
- סבב אצדאר הדא אלכתאב אלי ענד אלשיוך אלאגלא
- חפצהם אללה אעלאמהם אן מוצלה רגל כאן פי חאל
- אלעאפיה יעמל בגהדה ליסתר נפסה ועיאלה פכאנה
- אלזמאן וצאר צעיף אלחיל לאן נצרה יגני ען שרח
- חאלה ואיצא קד לחקה גראמה וגזיה פאי מן סאעדה
- בשי ליצון בה מדהבה פכאנה קד קרב קרבאן והו
- רגל מסתחי ולם יכון לה דלך קט בעאדה פאי מן
- עמל מעה כיר פכאנה ועמלה לדאת אללה ואלבארי
- יעצם אגרה ושלום וגיר דלך אן ולדהא מעאני
- וצגארה יסאלו ען אלואלד אלשיך אבו אלרביע סלימאן
- וען אבראהים וגרצהם אן תגו תגמלוהם פי הדא אלעיד
- אללה יעידה עלינא ועליכם סנין כתירה וישאהדנא
- פרח אולאד אברהים פי חיאתכם פגרצנא תגו
- תגמלונא פי פרח בנעמלה לאבו אלכיר פטול
- עמרנא נגי ענדכם נעייד פאללה אללה יא א[ם
- אברהים תגי ענד בנתך תנשלי קלבהא פי
Right margin, perpendicular lines.
- הדא אלעיד ואיצא תבצרי אבו אלכיר ותתמלא בך ומא תחתאגו וציה ואלסלאם
- כץ נפסך באתם אלסלאם ועלי אם אברהים אלסלאם ועלי אבו אלפרג אלסלא<ם> ועלי
T-S 13J20.20 1v

Verso.
- אם עמראן אלסלאם לא עדמני פצלהא
- ועלי גמיע מן //פי// קליוב אלסלאם וקד עקנא
- אלצביה לאבו אלעלא פאן כאן יגי ינפד
- יעלמנא ואלא לא יעוקהא ושלום ומא הי
- צעלוכהא(!) מא הי אלא מסתורה ושלום
Right margin, perpendicular lines.
- וכאתב הדא אלכתאב מעלי אבו אלכיר //יקריכם אלסלאם// גרצה קליל נבק[אן כא]ן טלע וקטעה גמאר