Letter: T-S 13J19.4
Letter T-S 13J19.4What's in the PGP
- Image
- 1 Transcription
Description
Letter from Moshe b. Abū Zikrī to his relative, Araḥ b. Natan, on matters of commerce. Moshe expresses his concern about the fact that Araḥ left for a journey without a travel companion (rafīq). Moshe asks Araḥ to assist him in delivering a debt of one dinar and not to withhold the wheat he posses, since the condition of the people is difficult. Moshe also expresses desire to accompany Araḥ in his next commercial voyage. The writer is, apparently, the second son of Abū Zikrī Yehuda b. Saadya the Nagid, a previously unknown son. (Information from Frenkel.) Notes from Frenkel in Hebrew.
Tags
Image
Transcription
Translation
Editor: Frenkel, Miriam
T-S 13J19.4 1r
Miriam Frenkel, The Compassionate and Benevolent: The Leading Elite in the Jewish Community of Alexandria in the Middle Ages (in Hebrew) (Jerusalem: Ben-Zvi Institute for the Study of Jewish Communities in the East, 2006).
Recto
- בשמ' רחמ'ִ
- קד עלם אללה עז וגל מא עלי קלבי מן תוגה חצרה מולאי אלשיך אלאגל
- אלאך ינצרו יוצרו ויהיה בעזרו עלי תלך אלקציה אלתי זאדתני
- הם עלי המי וציק צדר על צדרי ובקית מתאלם מן כונה
- סאר בגיר רפיק יונסה חתי אנני אסבתת בסבת רדיה גדא
- ואלעאלם במא ענדי מן דלך יכפיני פיה מא אחאדרה ואכאפה
- ויגעלה פי חיז אלסלאמה ואלכפאיה ויגמע שמלנא גמע ויזיל
- סכטה ענא ויעשה עמנו למען שמו ואל ישלם לנו כרוע מעללינו
- ויגעלהא אכר אלקטוע פאמא אחואלי פאנני עלי מא יעלמה מן אלחרץ
- פי אלספר וקד אתפק מרכב לטיף אכתראה אלרצאץ והו ינחדר יום אלג
- ואנא מגדהד {!} פי אן אכן צחבתה אן אדן אללה בדלך וסהלה ואמא
- מא יריד עלמה פאן אברהים אלתקא בפריג צאמן אלחמתיה ואקתצא
- מנה אלדינאר אלדי יעלמה ואראד אן יסלמה אליה וכאף אן יציע
- קאל לה תסלמה לאלשיך אבו נצר אכיר אמא יגיך רבאעי געל
- עליה פלא יתואנא פי תסלמה ואצראפה פי מא יערף ולא יגפל
- ענה בוגה ולא סבב יציע עליה לאנה {א}ראד ידפע לאברהים נצף
- דינאר ויחילה בנצף דינאר קאל לה אדפע אלדינאר ללשיך אבו נצר ברא
- קצד מנא וצולה אליה ערפתה דלך ליפעל בחסבה ואלקמח אלדי ענדה
- ברסם מולאי אלרייס אכי נט' רח'ִ מא תקרר פיה שי והו יערף ציק
- אלאכלאק ואן מא תמכן מן בלוג גרץ' וכתאבי יצלה במא יתקרר פי דלך
Right Margin
- אעלמתה בה ויתפצל יצלני כתאבה
- יעלמני כיף כאן וצולה
- ליטמאן קלבי עבדה אלשיך
- מדכור אללוי ש'צ'
- יקבל ידה ויחסתוחש
- מנה ועז עליה כרוגה
- דלך אלכרוג והו יסאלה
- פי אנפאד אלדאבה
- סרעה וינעם יקול
- ללחאג ינפד לה
- כ' דרהם יקצי בהא
- חואיגה ולא יתואני
- פי דלך
Upper Margin
- ומולאיי אלכהנים נט' רח' יקבלו ידה ויכדמוה
- באפצל סלאם ואגלה מסתוחשין
- לה חאמלין המה וכדלך עבדה
- אבו אסחק אברהים ועבדה מבארך
- יקבלו ידה מסתוחשין לחצרתה
- עלי קלבהם אלנאר מן תוגהה
- (עלי ד) דלך אלתוגה
T-S 13J19.4 1v
Verso
- ולא יעגל פי ספר דון אן יצלני כתאבה פרבמא תאכרת
- פי הדא אלאסבוע אלי אן אסיר פי מרכב אלחמל אנא
- ומבארך ולעל יצל נצטחב ונאנס פי אלטריק
- אלגואב סרעה סרעה פאנא מתטלע לה ושלום כבודו
- יגדל נצח סלה ישע רב. מנצור מכצוץ באתם סלאם ושלום
Right Margin
- אברהים יקבל ידה ויסאל
- תפצלה פי תחציל אלנצף
- דינאר אלדי לה פקד תאכד
- אלשיך פי כתאבה אלי
- מפרג מנעמא
Address
- חצרה מולאי אלשיך' אלאגל אבי נצר רבנ' אארח שאכר תפצלה קריבה משה בן אבי ז[כרי]
- השר הנכבד בר רבנו נתן השביעי בחבורה זצ"ל
