Letter: T-S 13J18.3
Letter T-S 13J18.3Input date
In PGP since 2017Description
Letter from the daughter of Rafi al-Hariri to the Nagid asking for a new veil for the holidays. She also asked him to appoint someone to make a collection for this purpose. (Information from Mediterranean Society, II, p. 37, and Goitein's index cards)
Edition: Goitein, S. D.
T-S 13J18.3 1r
Transcription
S. D. Goitein, unpublished editions.- ממלוכתה אלוחידה
- אלמנקטעה אלמסכינה
- אבנה ראפע אלחרירי
- בשמ רחמ
- כתבת הדה אלרקעה בדמי ובדמעי מסתגיתה
- אלי אללה //סבח// ואלי חצרה מולאי אלרייס אלאגל
- אלנגיד אלכביר אלסייד אלכרים אדאם
- אללה עלי ישראל ריאסתה ותבת נעמתה
- וסעאדתה ותולי חפטה ורעאיתה וכבת
- אעדאה וחסדתה ממא אנא פיה
- מן אלציקה ואלפאקה ואלוחדה ואנואע
- אלצר ואלערי כאצה אלדי מא לי תוב יסתרני
- ולא מא אגטי בה ראסי וקד כנת כתבת
- רקעה קבל הדה פי מתל הדא אלאמרי
- ולם יתפצל עלי בשי והו אדאם אללה עלוה
- יעלם אן ליס לי ולאמתאלי גיר רחמה אללה
- תע ורחמתה ואדא לם אטלב מנה פממן
- אטלב ואלי אין ארגע פאסאלה אן לא
Right margin, diagonal lines written upside down.
ירדני כאיבה מן אפצאלה | ואן ינעם עליי במן יקף | יגבי לי מא אשתרי | בה מקנעה אגטי בהא | ראסי פי הדא אלעיד | ערפה אללה ברכאתה | ואעאדה עליה . . | סנין כתירה ויגנס | מני צאלח אלדעא | ויכסב אלתואב | אלגזיל ולה | עלו אלראי | ואלסלאם | . . . . . . . .
Top margin, parallel lines written in same direction.
צמה אלגלאב . סת אלאתל מן
אבאל פצלך . אטמא
T-S 13J18.3 1v
