Letter: T-S 13J18.21

Letter T-S 13J18.21

Input date

In PGP since 2017

Description

Letter from a widow, Umm Abū l-Munā, in reply to a suggestion that she sell her old house, a solid structure in a declining neighborhood, and buy a new one about whose quality she had doubts. The widow apparently derived income from leasing apartments. (Information from Mediterranean Society, IV, p. 23)

Images and transcription

Transcription

  • אלממלוכה
  • אם אבו אלמנא
  • אלממלוכה תנהי אלי סאמיהא חרס אללה מעאליהא אנה כאן קד
  • תקדם אלכלאם פי מא [יכת]ץ באלדאר פי אמר אלהד וגירה
  • ואלאן פקד אערצת בין ידיהא אמר אלדאר אלמכתצה באלשיך
  • אבו אלפצל ולד אלשיך אבי אלביאן רחמה אלל{ה} פי מא יקע
  • עליה אתפאק ראיהא פי שראה/א/ וביע הדה אלדאר ען
  • אדנהא ואכשא אן מא יחצל מן תמנהא מא יפי
  • בתמן הדה אלדאר ואשתהי מן פצלהא אן יקרר מעה
  • אן מהמא חצל . . . . . . . . . . . . . . . . אלכאלק אן יפי
  • אלתמן גמיעה . . . . . . . . . . . ואן אראד יכתבה דין אלי
  • מדה . . . . . . . . . . . . . ומהמא חצל [אלי] אלממלוכה מן
  • אלאגרה . . . . . /ת/חכלה אליה ואן אראד יבקי לה בה
  • חצה פי אלדאר פהו סבאן פי דלך מע מא אן גמיע אלבניאן
  • אלגדיד מא פי . . . . . . ונה פתנעם במן יקלבהא ולה
  • פי דאלך עלי אלראי פי מא יפעלה מן אגתנאם אלתואב
  • ואלאגר ואמא אלדאר אלעתיקה אלדי פי אלמחרס כאנת קד
  • גאבת אולא סתין דינאר ומא עיבהא גיר אלצקע ומא אעלם
  • סויתהא אליום אם תזיד או תנקץ מע כונהא אצולהא גיאד
  • ומרפקהא מכין אלבנא ויקאל אן תחתהא קאעה ותחת אלעמד
  • עמד אכר ואנא פמא אפרט פיה אלא אן אסתותק בשרא
  • הדה אלדאר לתכון עוץ מנהא ויחצל פי/הא/ מסקט ראס לכוני
  • מא ינסכן לי פי הדה אלדאר פאללה לא יעדמני ראיהא
  • ויבקי עלי גאההא ויכ . . . . פהא אלכרים ויסתגיב מני
  • פיהא צאלח אלדעא פאללה קריב מגיב ולא יכליהא
  • מן ענאיתה וגמיע דלך במערפתי אנהא ראגבה פי
  • אכתסאב אלתואב ואגתנאם אלאגר ויגעלהא
  • אבדא מקצד ללכיראת ושלום

Right margin, perpendicular lines.

  • ואן חצל שראהא פלא תכון אלטי אלא ענד אללה וענדך וכאנך שריתה מן מאלך
  • ולו אנהא . . . . . . מא . . . . . . . . . . . . . . . . . . . הא ושלום
Image Permissions Statement
  • T-S 13J18.21: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.