Letter: T-S 13J17.12

Letter T-S 13J17.12

Tags

Input date

In PGP since 2017

Description

Letter to the cantor Hillel b. Eli about the bad behavior of his son Abu al-Ḥasan. (Information from Goitein's index cards)

Images and transcription

Transcription

  • בשמך רחמ
  • וצלני כתאב חצרה מולאי אלנזר אלאגל אטאל אללה בקאהא ואדאם עזהא
  • וכבת עדוהא והו ישרח לי מא הו עליה מן אלהם וציק אלצדר וחמל אלהם
  • ממא טרא עליה מן אמור אלולדין(!) אצלחהמא אללה ודאך אנני כתבת
  • כתאב צחבה מולאי אלשיך אבו אלחסן ולד אלשיך [אבו] אלכיר זל ופיה מא
  • ימניני ען אעאדתה ואמא מא יגב תעלמה אן אללה קד [אמ]תחנך
  • פי אבו אלחסן והו תאלף מחרוק באלנאר מתבוע מן אלסלטאן ואמא מא
  • יתבעה מן אלשבועות ואלאקדאם עליהא פה[ו] אלסבב לפסאד חאלה
  • לאנני אעלם אנה אדא [ . . ] כדב במא אתחקקה פקד אנכשף חאלה
  • ללכביר ואלצגיר וקד שהדו עליה יהוד בכונהא ענדה לילה מקרא קדש
  • ויום מקרא קדש מע אנני אערף צחה דלך תם אנה יכאברני ויחלף
  • לי בשבועות חתי לו ס[ . . . . . . . . ] מנה ח . ת מעה אנה צאדק והו
  • ואללה [כ]אדב והדה אמור קביחה ע[נד] אללה וענד [אלנאס] ואלנאס אגמע
  • יקולון ויחלפו אן אכוה אכיר מנה . . . אן צ . . [ . . . . . ] . ה קד תבדל
  • אכתר מן אכוה אכוה אליום ליכפאה אללה אמר אלפרוה וצאחבהא
  • לקד כאן קד אנצלח תם אנה גבאר יריד יצפע אלנאס ויסמעהם אלקביח
  • ויכרג פיהם אלעיוב תם אלכדב למא וצל מן בעץ טריק מצר חלף
  • לכל מן יסאלה אנה וצל מן מצר בשבועות ואן פי דאך אליום כרג מן
  • מצר פוצל מן כדבה ותחרך עליה גמיע אלעונות אלתי הו מפתעלהא
  • פלמא צח לליהוד גמיע מא הו צליה קאלו לי מא תם . . . . אלא ואנת
  • תעלם בגמיע מא יפעלה ואנא א[סכ]ת כל אחד ומא אבאלי במא
  • ית[ס]למו בה חתי וצל מן טריק מצר וקד וקע באלכתאב פצאר יעיד
  • עליי אלנאס ויקרשהם ויקול להם מא ישנעני באלקביח אלא אלחזאן
  • ויקים עליי סוק אל . . . . . . . . . . . . ותל דלך וקע . אללה ולא
  • . . . . . . . . . . . . . . . . . . . . . . . . . . . . . . . . . . . . . . . . מנה

Right margin, diagonal lines written upside down.

  • עלי | כאיף לילא ילז [ . . . . . | פיבקא עליה חסאב פיה [ . . . . . . . . |
  • וקד אפתרקת מנה מן אלבית | מא בקי ביני ובינה מעאמלה | וקד עליי
  • באלכלאם ואחתמלה | לה דלך לאנה מולאי אבן מולאי | ואן כתב צד
  • דלך פהו כאדב | . ] ל לב[. . ]אלתוריה |

Top margin, diagonal lines written upside down.

  • מא פי ידי חיל[ה . . . . . . . . . | אמא חאל א[ . . . . . . . . | פעל שי הדא אלרגל [ . . . . . . . | מצי ומא לה ואללה ע[ . . . . . . |
  • ולא מנדיל אלתוב אכדה א[ . . | אבו אלפרג אלגזי תסלמה מנה | ואבאעה
  • ביא דר ווזנת א[צא]ד | דר חתי תכלצנא מן אלרגל | וכתאבי על יד
  • אלשיך אבו אלחסן | ישרח לך חאלה ווצל אלמעותד | יטלב תקדמה
  • אלבלד ובעץ | אלג[מא]עה אלשיוך נאאיין | ען אלכניסה ואנא לי פי |
  • אלאסבוע י דר ידפעוהא | לי והו יריד נצפהא ומא | יקום בי
Image Permissions Statement
  • T-S 13J17.12: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.