Letter: T-S 13J16.9
Letter T-S 13J16.9Input date
In PGP since 2017Description
Letter sent by Abu al-Ma'ali to Avraham Abu Ishaq b. Natan 'the Seventh' saying that he has not heard from him for a while, though he understands that a disaster has befallen him, and sending him good wishes for Passover. (Information from Goitein's index cards)
Edition: Goitein, S. D.
Translation:
T-S 13J16.9 1r
Transcription
S. D. Goitein, unpublished editions.- בשמך רחמנא
- כתאבי אלי חצרה מולאי אלשיך אלאגל אלואלד אטאל אללה בקאהא ואדאם
- עזהא ותאיידהא וסעאדתהא וסלאמתהא ונעמתהא וארתקאהא וסנאהא ורפעתהא
- ותמכינהא וכבת באלדל חסדתהא ואעדאהא ומן חסן תופיקה לא אכלאהא ען חאל
- סלאמה ועאפיה ושוק אליהא שדיד גמע אללה ביננא עלי אסר חאל במנה וכרמה
- אנה ולי דלך ואלקאדר עליה אן שא אללה קד עלם אל[[בארה]] בארי גל תנאיה
- יא מולאי שדה וחשתנא לפרקתך מצאף אלי מא נחן עליה מן תאתיר
- הדה אלנובה אלצעבה אלדי דהמתנא ונחן אסר מא כנא על לא חמס מקבול
- חכם אללה תע פהקבה יגעל פי אלצרבה רחמה ויהפוך מידת הדין למידת רחמים
- ויחסן לנא אלעאקבה ברחמיו הרבים וכונא יא מולאי אחיאך אללה נצן אן
- חצרתך אלמחרוסה יגוננה אל מא תגפל ענא ולא תתואנא לעלמך אננא
- וחידין מא לנא אחד אלי רחמי שמים פלחקך יא מולאי פי אמרנא תואני זאיד
- מא לם נעהדה מנך יא מולאי אקט חתי ולא כתאב וצל מנך יא מולאי יטמן
- קלובנא ויעלמנא בגמיע אמורה ומא גרי ולו עלמנא אן אלנובה תטול
- אלי אלאן לכונא צחבתה וכל יום יצלנא עדה אכבאר מכתלפה פיהא
- מא יטייב קלובנא ופיהא צדה וכונא מטמאנין בך יא מולאי לאן המתך
- אחסן המה ללגרבא ואן כאן קלבך יא מולאי עליי תקיל לא תואכדני פאנא
- גריבה ומא לי אלא רחמי שמים ואנת יא מולאי ונחן נסאלך לא תקטע
- ענא גמיע אכבאר/כ/ם ליטמאן קלובנא פעיוננא מתטלעה אלי ע.ה
- אלבארי תע ואלי ראפתהא ולדהא אבו אלמעאלי אחייה רחמ ואוריך יומיה
- יקבל ידהא אלכרימה ויכץ חצרתה אלסאמיה אפצל אלסלאם ומו/א/ליי אלשיך
- אבו אלחסן ואלשיך אבו אלנגם מכצוצין אפצל אלסלאם ואנא מהני למולאי
- בהדא אלמועד אלשריף אלקאדם יעלה אללה תע יזכיה שנים רבות שש ושמיח
- ותזכה לאכל מן הפסחים ומן הזבחים שיגיע דמם אל קיר מזבח ייי לרצון אמן
- וכן יהי רצון
Translation
T-S 13J16.9 1v
Verso, top margin, parallel lines written upside down. Address.
- חצרת מולאי אלשיך אלאגל אבו אסחאק אברהם
- חמדת הישיבה אטאל אללה בקאהא וחרס עזהא אבו אלמעאלי לא
- בן כבוד גד קד מרנו ורבנו נתן השביעי בחבורת ארץ עדמה
- הצבי זצל
