Letter: T-S 12.288
Letter T-S 12.288What's in the PGP
- Image
- 1 Transcription
Description
Fragment of an interesting letter sent to Abu al-Fadl Mevorakh b. Avraham by Shemarya b. Efrayim. Dated ca. 1070. (Information from Mediterranean Society, I, 388, and from Goitein's index cards)
Image
Transcription
Translation
Editor: Goitein, S. D.
T-S 12.288 1r
S. D. Goitein, unpublished editions.
- . . . . . . . . . . . . . . . . . . . . . . פקד . . גט ואדאם עזה
- . . . . ה ולי חאפט אנה ולי דאלך ואלקאדר עליה ואעלמך יא מולאי אן וצלת סאלם
- ואלחמד ללה עלי דאלך בעהד מ יום ולם נראו שי ירעב בחמד אללה ואעלמך
- יא מולאי למא אן וצלת בעת ורא חמאתך וערפתהא מא קלת לי פקאלת
- לי מא ביננא ובינה שי סוא אן מא אלגט מכתוב פקלת להא מא בוד מן
- כתבת אלגיט ואכד אלכתובה ות . . . . . . ה קד מ . . . . . [ . . . . . . . . .
- ל . . . ע . . . . וליס [ . . . ] . [ . . ] ענדה שי [קא]לת אמא אלכתובה [לא
- נגיבהא לך בלא אן אלגט מא נכתבה [ . . . . . . . . . ] נדוק בנתי
- סעדה אכתר מא דאקת לאנהא מא תרא רג[עה . . . . ] וברא קלת
- אנא ליס מן דלך בוד אלדי אתפקנא יא מולאי . [ . . ] . אני אחצרת
- אלצרה ופתחתהא בחצרה ג מן אליהוד וגדנא פיהא [מאיתין
- וסתין דרהם פצה נקרה וכמסה וארבעין דרהם ונצ דראהים
- וקד תרכנאהא ענד סלימאן אבן יונה עלי אנהם אן כתבו
- אלגט ואלברא דפעהא אליהם או יוכרו{ה} אלי אן יצל כתאבך אלי
- במא נפעל וקד אכדת אנא מנהם אלכתובה מכרקה והי ענדי
- אעלמתך דלך ובלדנא אליום ראכי אמן ואלחמד אלללה עלי דלך
- והו כתיר אלכיר כתיר אלפואכה אעלמ{ת}ך דלך בעד אלאגתהאד ומא
- כאנת לך מן חאגה אכתב לי בהא נאתי פיהא מראדך ולא יכון
- כיר מן כתאב תערפני פיה מא נעמל ולא תוכרה ומא ראית
- אלקום אלי מחדין כתיר והם מנכסרין אלקלוב ויסתחמו אללה פי
- מן טלקהם אעלמתך דלך ואלסלאם עליך וולדך אחיאה אללה
- אלסלאם ומולאי אלשיך אבו אלפרג אבן מחבוב צהרה אלסלאם
- וכל מן סאל ענא אלסלאם וגמיע אצחאבנא אלסלאם
T-S 12.288 1v
Verso. Address.
- אכי] וס[יד]י אלשיך אלגליל אבו אלפצל מבורך
- ביר אברהם נע
- סברה
- אטאל אללה בקאה ואדאם עזה
- מחבה שמריה
- ביר אפרים
