Legal document: T-S 12.204

Legal document T-S 12.204

Tags

Input date

In PGP since 2017

Description

Avraham Maimonides (in office as head of the Jews 1205-1237) is asked about the procedure in which a party appears in court together with an attorney, and answers that the defendant is obliged to respond to claims and arguments made by the attorney, but questions addressed by the defendant to the claimant have to be answered by the latter in person. (Information from Mediterranean Society, II, p. 335, 600)

Images and transcription

Transcription

  • מא תקול הדרת יקרת צפירת תפארת מרי ורבי אברהם השר הגדול
  • בישראל ישמריהו האל פי רגל קטיע קציר אלחגה אוהב לשכץ
  • מן מלכה גז מתנה גמורה ואגבה וכלה עלי גמיע חקוקה פחצר פי
  • אלחכם מע אלמטלוב קדאם אלחאכם פטלב מנה בעץ חק מוכלה פקאל
  • אלמטלוב אנא מא נחאכם הדא אלוכיל לאן חגגה קויה יקים לי גיר
  • הדא נחאכמה פהל אדא כאן אלוכיל חצל לה נשב פי אלמלך ולה
  • קוה שרעיה יחלץ בהא מאלה ומאל גירה יקדר אלמטלוב ידפע ידה ען
  • אלמחאכמה ויקול לה מא נחאכמך והל לבית דין איצא אלשד מן אלוכיל
  • פי אמור אלשרע או מעאצדה אלמטל[וב] פימא טלב וראם או מן
  • חית אן לה בא[ן] יחאכם עליה ינבגי אלמטלוב איצא עלי מחאכמה אל
  • גמיע תורינו ושכרו כפול והל הדא אלוכיל אדא אדעי עלי מוכלה
  • בשי ועלם אלמטלוב מנה ימכנה אלשרע מן אלכלאם ענה ושלום
  • אלגואב
  • ליס ללמטלוב מדאפעה הדא אלוכיל בל יגבר עלי
  • מחאכמתה וליס ללוכיל אלגואב ען מוכלה(!) בל [[דעא]] דעאוי
  • מוכלה ידעי בהא ויחאכם עליהא ואלדעאוי אלתי ללמטלוב
  • אלגירה קבל אלמוכל ידעי בהא עליה נפסה ויחאכמה
  • עליהא ובית דין אנמא ינפד אלאחכאם אלשרעיה עלי
  • ואגבהא וליס הו פי מערץ מעאצדה אלכצום וכתב
  • אברהם ברבי משה זצל