Letter: T-S 12.133

Letter T-S 12.133

Metadata

Shelfmark
T-S 12.133
Editor
S. D. Goitein, unpublished editions.
Primary Language
Judaeo-Arabic

Tags

Input date

In PGP since 2017

Description

Letter from Mūsā b. Barhūn al-Tāhirtī and his brother Yiṣḥaq b. Barhūn, in Qayrawān, to the senior Tustari brothers (Abū l-Faḍl Sahl (Yashar), Abū Yaʿaqov Yosef, and Abū Sahl Saʿīd the sons of Yisraʾel), in Fustat. Dating: probably first decade of the 11th century. Written on parchment. Though the address lists all the brothers (the members of the respective family firms), the letter is principally from Mūsā al-Tāhirtī to Sahl al-Tustarī. The letter deals mainly with trade in expensive textiles, including some which the Tustaris had shipped for Abū Zikrī Yehuda b. Yosef, the leading Jewish merchant of Qayrawān (active 990s–1030s). (Information from Goitein, Letters of Medieval Jewish Traders, pp. 73–79.)

T-S 12.133 1r

1r

Transcription

S. D. Goitein, unpublished editions.
  1. כתאבי יא שיכי וריסי וכבירי אטאל אללה בקאך ואדאם סלאמתך וסעאדתך וזאד פי א[נעאמה
  2. אליך וענדך לט מרחשון ען סלאמה ועאפאה ללה אלחמד ידלת כתבך יא סידי אידך אללה
  3. וסרני סלאמתכם וחמדת אללה עלי דלד וסאלתה ידים לך דלך בפצלה וצלת יא סידי (כתב
  4. אכותי סלמהמא אללה ידכרו כתרה מא תעאמלהם בה מן אלגמיל ואלמראעה ושכרה(ם
  5. ללה יא סידי דלך ענד כל מן יעלמכם ומן לא יעלמכם פאסאל אללה אן יכתר פי אלאמה מת(לכם
  6. פאנכם גמאלהא וחק אבי ננ' אני ואן ענת מע אהלי מתנגץ שדיד אלתנגץ למפרארק(תכם
  7. לאן כון אלאנסאן מע מתלכם תקוא נפסה מע אללה אסאל אללה ידים לכם דלך ויחייכם [אן
  8. תראו פתיאנכם כמא ראכם סידי אלשיך נת' דמא אנהם אלסעה כיר מנכם כל וקת.....
  9. וצל יא סידי מא חמלתתה ברסם אלשיך סידי אבי זכרי יהודה אידה אללה והי אעלאק ליס
  10. מתלהא כל ואחד פי מעזאה אלמריש ליס לה מתל ואלחלה אטרף מנה וקד קיל אן (ערצו
  11. פיהא ס' דינ' צרוף ואבא יביעהא לאנה ילבסהא ואלתוב אלרצאצי כיר מן אלגמיע וק(ד
  12. אנפדת כתבכם אליה ומא כאן יא סידי ללגלאם הדא אלהרש לאן גרץ אלרגל ודאדכם ו(
  13. ואלאתצאל בכם ואלאנתפאע בגאהכם ובראיכם פימא ירידה ולו כאן ולד לה יצלח אן (יקום
  14. קדאמכם לשרף בה וכתבה תצל אליכם פי אלמוסם ווצלת אלכסואת אלדי וגהת אליי וש(כרת
  15. תפצלכם ואהתמאמכם בה ודכרת חצול אלבאקי וגמיע מא וגהתה יא סידי פי ג(התי
  16. יכון מן אלחסן אלא אנה אחב מן תפצלכם תעויץ אלגמיע לאן אלתיאב אלמע(רגה
  17. תלאתהא תחמל עלי פיהא אנסאן ואכדהא מני מע אלתוב אלאביץ אלדי ללכס(וה
  18. אלדי לי לאן אלוקת יוגב דלך וליס ימכנני שרח ואללה יכפינא מא מכאפה ולם ימכנ(נ
  19. נקול אלא אנהם לתגארה פאחב יא סידי אחמר גאיה מא יכון פי אלחמרה פי מע(רג
  20. תוב ואביץ ואצפר לון גייד לאן אלאצפר אלדי וצל מא אעגבני לונה וכדלך אלתוב אל
  21. אביץ אלדי ללכסוה אחב מתלה ואן אחסן תוב עמל אלקדים יקטע קטעין פהו כ(ה רנ'
  22. חסב מא תראה וזאיד דינ' פי תוב מע חסן ענאיתכם כיר מן נקצה ואלתוב אלסק[לסון
  23. פהו פי גאיה אלחסן לכנה ליס הו אללון אלדי אשתהאו לאן הדא אביץ ואזרק ואנא נש(תהי
  24. מוצע אלאזרק בצלי לון יכון מפתוח מא יחסן ענדכם והו אלדי אריד אחסן כל (שי?
  25. בשהותך ואכתיארך ואריד תובין רצאצי מעלמה ממא תמלא עינך יכון אלב' ת(מן
  26. ואחד בין כ"ה דינ' ואן כאן זאד בקליל אלי אן תגי גיאד פתעמל מא תראה פאני אעל(ם
  27. אנך אידך תחרץ פיי דרה' יתופר לי אכתר מן חרצי פכיף שי תטיקה עליה
  28. ותוב ראזי אביץ ואלחלה אלדי כנת סאלתך פיהא לעל תתפק מתל אלדי וגהתהא ל(סידי
  29. אבו זכרי יהודה אידה ואן לם יתפק //פתכון// חמרה מערג מתל תוב אשת(גל סיד
  30. אבי ברהים(!) עיאש לנפסה ולא נבאלי בזאיד דינ' ואתנין ווצלת אלרזמה אלדי כאנת

TS 12.133 (page 2) Margin

  1. מע סידי אבי אלחסן(?) עלי בן אכת אלשיך עלאל ואלעתאבי ליס לה ההנא
  2. דאר אלמשי כל מא ידפע פי אלרזמה אלעתאבי דינ' עלי גהתהא
  3. [מנהא אל לאצפר והי ואחד מנה ואכד דונה וג'(מע?) אלכוצה כ"ה דלג
  4. ורזמה אלאס אלרפיעה דפעת לה ואלמקא לם יצח כה ע(ן גמיע דלך
  5. ואלדי אריד יא סידי אן אתפקת קאפלה תכרג לעל יכון תם מסלמין תקאת צמנ[א
  6. אליכם יכ[ונו] פיהא פיכון מא חצל ענד אכותי יוגהה(!) מעהם עלי
  7. כאנה אמר יכצכם פאנהם ינתפעו בדלך מן וג'וה כתרה וגמיע ח(סאב
  8. הדה אל כסואת
  9. ראש העמוד
  10. אלד סאלת חמלהא חצל אליך פי אלמוסם צרה דננ' עין ומא אחתאג
  11. אכד יא מולאי פי אלמראעה (?) לאכותי סלמהם אללה לאן מא תעיש נפסהם
  12. אלא בכונהם מעכם פעל לאן מוצע תכונו פיה פליס הם פיה ג'רבה ואללה
  13. יו/נ/קיני פיכם [ודרכת יא סידי אמר אלקנינה פי כתאבי אן אבי סחק...

Translation

T-S 12.133 1v

1v

Verso

  1. עלי מסלם ואדעא עליה אנה באעהא מנה בכפב דינ' צרוף וקד כלפה אלימין ותוקף (אבי?
  2. סחאק(?) ען אלימין ווכל אכי
  3. ברגועה וארגו יתם דלך וענד וצלהא(!) תחמל פי אלמראכב חסב מא רסמתה תערפהם
  4. דלך וכתאב יא סידי בחאלך וסלאמתך וחאגה תערץ לך פאנך תסרני בדלך פעלת
  5. דלך מאנא מנעמא תכצו אנפסכם אלאעזא עלי אפצל סלאם וסידי אבי נצר ואבי סעד
  6. אשהדך אללה פי אלגמיע אמאלכם וכל מן תשמלה ענאיתך //ואבי [מנצור] שלום//

Address

  1. לשיכי וריסי וגלילי אבי אלפצל ואבי יעקב(!)מן מוסי ויצחק בני ברהון ננ'
  2. ואב סהל סהל ויוסף וסיד בני ישרא
  3. אלתסתריין אטאל אלה בקאהם
Image Permissions Statement
  • T-S 12.133: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/3099/