Letter: T-S 10J9.3

Recto

1. כתאבי יאסיידי ומולאי אטאל אללה בקאך ואדאם תאיידך וסעאדתך לה בקין מן אלול כתמה אללה
2. עליך באחסן כאתמה ותקבל מנך ומנא הדה אלאיאם אלמסתקבלה ותכתב בספר חיים בספר
3. מחילה וסליחה ואנו וכל ישראל בעד תקדמת כתבי אליך פי אלמראכב כתב אללה סלאמתהא
4. ובעד אקלאעהם וצל מרכב בן מלגר ודכר אן בקיה אלמראכב רגעת ללאסכנדריה
5. ווצל כתאבך פי אלמרכב ווקפת מנה עלי סלאמתך ועאפיתך אדאמהא אללה לך
6. ווצלת אלצרה לולו דכר אבי אלחסן עלאל פי רקעתהא תמנהא כמסין דינ ואנא נגתהד
7. פיהא בחסב מא יגב אן שאללה ותבאע עלי אלטלב ואסתטהאר וכנת דפעת לך
8. חסאב אללאך וכנת אעלמתך קלאל אלדי אשתריתהא עלי אן אמלאהא באלצאבון פכאן
9. בדינארין ונצ אלקנט ולא יצל אליה אחד אלא אלצלטאן(!) ובעד אקלאע אלמרכב
10. רגע לדינארין אלא תמן אלקנט וקד רעת הדה אלכנזירה וכאן פיהא אבי עלי חסון פאסתכרת
11. אללה תעאלי ואשתרית מלו י קלאל מן גמלה אלקלאל וקד כאן גד וצל סער ה דנא
12. אלא רב אלק רגעת אלאן תסוא ח דנא לאן טולבת אלאן לם תוגד ובעת לך מנהא ו
13. בנצף דינ ואבקית אלבאקי לעל אמלאהא לך אנשאללה מן תמן אלדי יכצך מן הדה אלצרה
14. ואלצאבון יכון רכיץ מע אלחמרה אלסנה גיידה חמלת אלי קלאל ד קנאטיר ומה רטל
15. צאבון סער דינארין אלא תמן אלתמן יד דינ אלא קירט ותמנהא פכאר ½ דינ ושתניך ותגליף
16. רבאעי ומלוהא וחמל ללבחר וברטיל רבאעי וחבה וסלפה ג דנא וקירט ונצ ולם יבקא עליהא שי אעמאלה
17. רבאעי ונצף דלך י"ח דינ ורבע ותמן וחבה תנסקט מן אלבקיה אלדי בקית פי אלחסאב מן תמן אללאך
18. ואל לאיז לי אסתופיה אדא אביע אלמ.לה ומא יכצה מן הדה אלצרה אנשאללה
19. וכנת אעלמתך חאל אלצרפין זית אלדי אנפדת לכאצתי ארגו מן אללה סלאמתה ואנפדת איצא ברסם
20. כאצתי פי הדה אלכנזירה צחבה אבי עלי חסון ה גראר צאבון לם יבקא עליהא סלפה ולא שי
21. עליהא מכתוב באלמגרה נסים ובאלחבר עטא תיהרתי תתפצל תציף תמנהא ללצרפין
22. מע תמן אלג צרר דהב אלדי צחבה רחמים ותשתרי לי בתמנהא מא ראיתה ועלי כאצה נפסך אלסלם

Recto, right margin

1. ומן תחוטה ענאיתך
2. אלסלם ווצל כתאבך
3. ואנא אנפדה
4. לסקליה אנשאללה
5. ואלי גראר
6. עליהא
7. מכתוב באלמגרה
8. מוסי

Verso

1. סידי ומולאי אבי עמראן אטאל אללה בקאה מן נסים בן יצחק נע תיהרתי
2. מוסי בן אבי אלחיי נע כלילה אללה וליה