Letter: T-S 10J6.5

Letter T-S 10J6.5

Tags

Input date

In PGP since 2021

Description

Letter from Natan b. Yehuda of Alexandria to Sasson b. Meshullam, a judge of Cairo. The letter contains many personal matters that reflect the milieu of the political elite in Alexandria and Cairo. The letter reveals important details on the life of Avraham b. Yaʿaqov Darʿī. On al-Darʿī's deathbed, he accused the writer of having sent a messenger to intercept a medical prescription and swap it with a counterfeit prescription, hence murdering him. Apparently, the person who served as the representative of Mevorakh b. Saadya (referred to in the letter as 'the rayyis Abū l-Faḍl) in Alexandria after the year 1094 died in the end of the first decade of the twelfth century due to a sudden disease. The letter quotes a lament of Shemuel ha-Nagid. (Information from Frenkel)

Images and transcription

Transcription

Recto

  • בש'
  • לגברא דכולא ביה נהיר וחכים בר אבהן ובר אוריין דחיל חטאין ומהימן דיינא כרב נחמן
  • כג"ק מר' ור' ששון החכם והנבון נט' רח' וברכיה וסעדיה בכל אורחותיה בן כג"ק מר' ור' משולם
  • החסיד בדורו תחת עץ החיים יהיה מדורו עם שבע כתות של צדיקים בגן עדן וצל כתאבהא אדאם
  • אללה עלאהא וערפתני אגתהאדהא לא עדמתהא ולא כלות מנהא לו דהבת אשרח להא מא
  • תם עלי פי הדה אלנובה לכל אללסאן וצאק אלמכאן ואזף אלזמאן גיר אנני (אדכל) אדכר מנה
  • בעץ אצול אלנוב אלתי סבבת עלי הדה אלצרות ודאך אן ענד וצול אלרייס אבו אלפצ'ל אלי אלאסכנדריה
  • כאן אדא תפרג מן אשגאלה יגי אלי מעלמנא יקול לה אנצר מן פי צביאנך קרא אלמשנה
  • יגי יקרא עלי פכאן אלמעלם יקול לי ולצבי אכר כנא נקרא עליה ולמא אנתקל אלי תלך אלמנזלה
  • וכרגנא נחן מן ענד אלמעלם ואנתקל הו אלי מצר ווקע בינה ובין בני נחום תלך אלמחלוקת
  • וכאן סני אלדולה יעני בבני נחום פאנפד אלי ידכרני במא לה עלי מן חק אלתורה ויסאלני פי
  • טי דלך מכאתבתה וכאן אלדרעי נאיבה בלאסכנריה וכאן יצעב עליה מכאתבתי ללרייס
  • וכאן אלרייס יגנב דעתו בטריק עגיבה אדא וצל אליה כתאב נאיבה אלדי הו אלדרעי יהמלה
  • פכאן אלדרעי יזדאד קנאה ועדאוה לי תם צאר אלרייס יקול ללדרעי כל כתאב יצל אליך מני
  • אדא טלב פלוני נסכתה לא תמנעה פתצ'עפת אלעדאוה וקד ראם אלדרעי דפעאת יתלפני
  • ולא נתנו אלהים להרע לי וגרי אמר יטול שרחה ולמא אתפק לי הדא אלחכם פעל פיה מא
  • ילקאה ולמא עלם אנני מצלום גא וקת כתב אלאברא אשאר עלי כצמי יגדר עלי מאה
  • דינר אן עאודת טלבה אנצר הדא אלתגאיי פי אלסו תם למא כאן וקת מותה קאל לאהלה
  • קד צח ענדי אן פלוני אגתמע ברסולי אלדי אנפדתה אלי אלטביב וכתב לה נסכה והו גאי
  • בהא אליי פאגתמע בה פלוני ואכד מנה אלנסכה ודפע לה גירהא ולמא אסתעמלתהא הי
  • כאנת סבב תלאפי ואתפק בעד דלך מגי ולד סיידנא אביתר ז"ל אלי אלאסכנדריה וחל עליה
  • מן אלדרעי כל קביחה פלחקני קנאה וכתבת עליה שטר וגרי לי מנה נובה טוילה קד
  • שרחתהא פי כתאב אבן איוב והו צחבה כתאבי תקף עליה ועלי אלרקעה אלתי תכץ חצרה
  • סיידנא יר' הו' הדא אלדי גרי מע אלדרעי באכתצאר והו אלסבב אלאול ואמא אלתאני פאן צל
  • חזן אלידיד אגתמע בי וקאל לי כם אתרדד אליך פקלת לה שלום פאוקפני כתאב חצרה
  • אדוננו יחי לעד וקאל לי אנת כאנת ידך מעי פי אלאול ותכון ידך מעי אלסאעה פקלת לה
  • מא כפא מא גאז לנא מע אלדרעי פקאל אבד ואלזמני בכון ידי מעה וכאן מקתצ'א אל
  • כתאב פי מא יכץ אלרבע פאגתמענא וכתב אלחזן במא יכץ אלרבע תם דכר אן אלנאס
  • מסתגיתין מן אלאחכאם ואן אלחבר מא יחצ'ר כניסה לא אתנין ולא כמיס ולא ראש
  • חדש ולא חנכה ואדא תפרג מן קטע קלף אלערלים ומן דמאיהם געל משפטייִ אלהִים
  • טפלה {!} ויגי פי אלליל יחכם ויטיל אלגלוס פיכרג אכתר אלנאס בלא צלאה הדא אלדי
  • כתב אלחזן באתפאקנא אנא והו ולמא עלם בן אלעמאני בדלך אגתמע בי וקאל לי יסרני
  • מסעדתך {!} ללחזן הדא אלחזן אלמסכין מא יערף בני אלכהן ולמא סמעת מנה הדה

Margin

  • אללפצה קלת פי נפסי לא
  • ִִ באתי אלא לשמוע זאת דִיו וקד שרחת
  • דלך לחצרה סידנא ירום הודו פי כתב ארגו וצולהא
  • ולמא אתפק הדא אלחכם פעל פיא מא לו שרחתה לנצרו אל
  • נאס פרצה אשר כל שומעה תצ[ילנה]
  • שתי אזניו כאן אלסבב אלאול
  • מע אלדרעי אלמכאתבה
  • פעמל מעי אשתי פרצות
  • ובהא (קלת) קתלת אליום
  • ומע בן אלעמאני אל
  • מכאתבה וקד
  • קאל נגיד {!} זכ'
  • לב' פי מרתיה
  • עמלהא
  • פי אכיה

Verso

  • חבירי אל תדמו איד לא ידי ולא שברי במות יצחק לשבר והאיצו ופגעו לי כתנין אשר שוכל
  • ויהיה לי לחבר ואמרו לו יקונן ואקונן ותראו מי במר שיח ידבר לו חצר אלנגיד חתי יעלם נובתי
  • עלי גליתהא לכאנת נסבתי מנה כנסבתה הו מן אלתנין עלי ראיה וחק המגיד לאדם מה שיחו לקד
  • ראית מן הדא אלשכץ אמור לא יגוז אעדתהא וקד שרחת גמיעהא פי כראס לא אכרגה אלא ען אדן
  • אלחצרה ירום הודה תתפצל חצרתה עלי ותקף עלי אלכתאב ואלרקעה אלתי מע אלצבי ואן כאנת חצ'רתהא מתצרפה
  • פתתפצל עלי באיצאלהם וחי שם ייה' תעה לבבי מרוב כאבי וקטעני אלציאם ואלרס ואלפכר ואלסהר ואלא
  • לו אנני אקדר עלי אלספר חתי אעוד מצאבי כאן יכון לי בדלך רוחה וכתאבהא אלכרים יצלני במא ינפעל וחאשא הדה
  • אלאיאם ינבאע פיהא אלשהאדה בד' וגראר נביד בעד אלאקראר בבית// דין // ויקול בית דין קד אנסית אוי לאותה בושה
  • כצצת חצרתה אתם אלסלאם ור' משה אלסלאם ור' צדקה אלסלאם ושלום כתבת ען שגל סר ופכר וסהר פלא תאכד
  • עלי חצרתה פדק קאל אלסלף אלצאדק ז"ל אין אדם נתפש על ידי צערו ושלום וכנת למא כתבת עלי אלדרעי אלי
  • שטר אנה דכר סידנא ז"ל בקית נסכתה ענדי אלי// אל// אן ולמא אנפדתהא מע הדא אלטמא אבן אסחק אלי חצרה
  • סיידנא יר' הו' מצ'א אלי אצהר אלדרעי וערפהם פשהדו עלי אלאתנין אלואחד שהר אנני גיירת אלוצפה כמא
  • תקדם אלכלאם ואלאכר שהד אנני כתבת אלרקעה ואתפק ללחאכם מסאעדתי ללחזן כמא תקדם אלכלאם
  • ויצא העגל הזה ווגד אבן אסחק אלוסילה בית דין נוגע בדבר והו שלוחו מלפנים ואצהאר אלדרעי
  • כמא סמעו אנני אנפדת אלשטר צעב עליהם פשהדו אלאתנין ווגד ר' אהרן שליח בית דין אלוסילה
  • אנתפע בדהב ואקִבִל עלי גאה בית דין ווגד דלך לאנני למא קלת לבית דין מא קד אקר קדאמך
  • ואעתרף בכטה פקאל אנסית ולמא סמע שלוחו מצא צאלח כצומי ואכד דהב ונביד פקלת לבית דין אליס
  • קאלו אלחכמ' כיון שהוא מ[גיד] שוב א[ינו] חוזר ומגיד פקאל דאך אלאקראר כאן קדאמי וחדי פקלת לה אכתב
  • לי בדלך פאמתנע לעלמה אן דלך יכדב קולה אנה אנסי העל אלה לא יפקד ייי וביום פקדו יפקד עליו
  • פתפצ'ל תקף עלי אלכתאב אלדי יכץ אבן איוב ובאטנה הו לסיידנא יר הו ותקף עלי אלרקעה ותנשיהא
  • פאן תפצ'לת וכאן לך וסילה לעל יקראהא סיידנא יר' הו' ואן וגדת וסילה ללחדית מעה פקד ערפתך אל
  • אצול ואללה תע' ירזקך מכאפאתך ולא יעדמני בקאך ושלומך יגדל ושלום

Address, Upside-Down Right

  • לכג"ק מר"ור החכם והנבון הירא שמים נט' מן שמיא וגב[רוהי] למ[זליה] ואר[כי] ליומי ושניה
  • בר' משולם הזקן תנצבה אמונה
  • אדאם אללה חראסתהא וכבת אעדאהא

Left

  • שאכרהא
  • נתן בר יהודה נ"ע

Notes

  • ע"ב
Image Permissions Statement
  • T-S 10J6.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.