Letter: T-S 10J17.5

Letter T-S 10J17.5

Tags

Input date

In PGP since 2004

Description

Letter of business in which the writer requests the recipient purchase for him a measure of oil, two ‘futa’ (sari-like cloth), and two dinars of dried fruit (‘zabib’). Abu Imran, Abu al-Rida, and the town of Qus are mentioned, and the writer sends greeting to Abu al-Faraj and Yishaq. EMS (Information from Goitein's index cards)

T-S 10J17.5 1r

1r

Transcription

[unknown source]‎ (in Judaeo-Arabic).
  • . . . . . . ]ב מולאי . . אלתבציל ו
  • . . . ] אמר אלמכין פהו ואלחמד עלי
  • גמלת אלסלאמה וקד כאטבתו בן לעראקי
  • וקד אנפד אלכתב אלדי כאנת מעה
  • אלי אצחאבהא בעד פתוח אלבלד פאן
  • וצל מנהם אחד וקפת מעה כמא אמרת
  • ונשתהי יא מולאי לו אן לך חאגה אכבר
  • מן הדה לנכדם פיהא מע מא ילזמני
  • ואנא אסאל מולאי כבת אללה אעדאה
  • אלאשתהאד פי ביע אלקטעה אלניל
  • ולשרי בתמנהא אמא כזאש פי אלשתי
  • או פוט כלט תכון מלאח לא עדמתך
  • ולא כלות מן תפצלך ונשתהי תקף מע
  • סידי כלוף חתי ינחל מן אבן רואדא
  • פי אלוכאלה אלדי לי מעה ותעלמה
  • אנני חלפת ואללה אלעטים אנני לא
  • אכלם אכי מן אגלה ולא אכאלטה
  • ותערפה אן אבי עמראן אלמדכור
  • קד אנפד אללאך אלדי לה ללמהדיה
  • מע ולדה ובאעה וקאל אנני אכדתה
  • עלי] אחראיותי פאן [אר]אד אן יתכלץ
  • וכאן לה מקדרה יכתב אלי עלאן וכאלה
  • לעלה יקדר יתכלץ מנה אעלמך דלך

Right margin, diagonal lines written upside down.

  • ואמא אכבאר | אלבצאיע | אל[ . . ו]צל כתאב | אלאזרק בשר[א | פי מצר כקנד | דיל אלחמל ואלניל | ליס מנה שי | לא קליל ולא כתיר | ] לאנה

T-S 10J17.5 1v

1v

Verso.

  • פי קוץ אלי אליום ונחן עלי גמלת אלסלאמה
  • לם נעדם גיר אלנצר אליכם אללה תעאלי
  • ימן באלאשתמע(!) עלי כיר אן שא אללה
  • לעל מולאי ישתרי לי גרתין זית טייב
  • יכון גאיה יכון פיהא מטרין לא עדמתה
  • ולא כלות מנה אבדא ותכץ עני מולאי אלשיך
  • אלאגל אבי אלרצה באפצל אלסלאם ותעלמה
  • שדה שוקי אליה והניה עני באלסלאמה
  • ואלסלאם עלי מולאי ורחמה אללה וברכתה
  • ועלי מולאי אלשיך אבי אלפרג אלסלאם
  • . . . . . ] רה יצחק אפצל אלסלאם וכתאב . . .
  • אליך לה בקין מן שבט כתמה אללה עלינא
  • ועליך באחסן כתמה ושלום וקד תאכר
  • כתאבי אלי אלנצף אלאול מן שהר אדר ראשון
  • כתמה אללה עליך ועלינא באתם כאתמה
  • וקד וצלת קאפלתין ניל בעד כתבתי אליך הדא
  • אלכתאב ואנבאע לו דינ אלי כה וצל לה
  • ולם יצל אחד מן אלצעיד ואלבצאיע
  • . . הא אעלמך דלך [ . . . . . . . ]יא מולאי
  • תשתרי פוטתין [ . . . . . . . . ] ערציה ללאכתאן
  • ואחראם מקצוד מן דינרין לי דינרין ואל . . . .
  • ותקול לכלוף ישתרי לי דינרין זביב טיב
  • וינפדה אן לם יצאפד פי שכרה ושלום
Image Permissions Statement
  • T-S 10J17.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.