Letter: T-S 10J12.6
Letter T-S 10J12.6Tags
Input date
In PGP since 2004Description
Letter concerning business matters. Deals with the forwarding of 15 dinars and an order for three ounces of ink (midād) and other smaller items. (Information from Goitein's index cards)
Edition: Goitein, S. D.
T-S 10J12.6 1r
Transcription
S. D. Goitein, unpublished editions.Recto
- لے
- תקדמת כתבי אלי חצרה מולאי אלשיך אלאגל אטאל
- אללה בקאה ואדאם תאידה ועלה ורפעתה וסנאה ותמכינה
- וכבת אעדאה ען שוק אליהא שדיד גמע אללה ביננא
- עלי אסר חאל במנה וכרמה אנה ולי דאלך והו אלקאדר
- עליה אנשאללה ואלדי אעלמהא אנני קד וגהת צחבת
- אלשיך אבו זיד אלדי ו . . . . ת אנא והו וכאן ציפנא תתמה
- אלנקד אלסתין ומבלגה הי דינאר וזנהא ארבעה
- תעשר דינאר ונצף ורבע אנעם אקף מעה חתי יסלמהא
- להא קדאמך וקדאם אכי וקד אוציתהא לאעלמהא
- אלא מן ידה אלי ידהא קדאמכם והי וחיאתך עלי
- פאנהא קסם מכתומה מן אול יום אן וצלת ומא
Recto - right margin
- ורדהא אלי אלאן אלא מא קדרת עלי מן אנפדהא מעה ומא ראית
Recto - top margin
- באנפאדהא אלא חתי לא ילומוך ויכון קולך ענדהם מצדק
- אכיר אמא יעתקדו אננא מן אהל מצר טראדין(?)
- אנעם כד לי מנהם
- כתאב
T-S 10J12.6 1v
Verso
- באנהם קד תסלמו דאלך וקד כתבת אליהם כתאב
- צחבה אבו זיד ואמא גיר דאלך פאסלהא תתפצל עלי
- בשרא אואק מדאד מן דכאן אלשורף אלדי פי אול זקאק
- אלקנאדיל ואנת דאכל וקד כנת אשתרית אנא מנה
- בנצף ורבע אלוקיה ואלדאלה חמלתני עלי דאלך
- וענד וצולי אקום להא בתמן דאלך ולא תוכר דאלך
- עלי פאן אל[חאגה] אליה מאסה וקד תקלת עלי וסן
- וטלבת מנה פי . . כתאב קליל . . . . . . . . אלמכאן
- לאלא אכון קד תקלת עליה וקד אוצית [ . . . . . . . . .
- כתיר אלשירג ואלסמסם אלמקשור ענדהא [. . . . .
- אנא אכצהא באפצל סלאם ועלי עוני ע . . . . . פי
- וולד עביר(?) אפצל סל[אם פאן] כאן להא מן חאגה
- תשרפני בקצ[אהא] ואנעם אמצי קבל רגל אלשיך
- אבו אלרצא עני [בא]פצל סלאם וסמעת אנה בידכם
- מע מן ואכר(?) ולאיה מצר ווצל לה לקד סרני
Verso - right margin
- אללה ירדה אלי אפצל מא ענדה ושלם וכתב תאריך אלתאני עשר מן מחרם
