Scholarship on Letter: T-S 10J12.24
Letter T-S 10J12.24- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
T-S 10J12.24 1r
S. D. Goitein, unpublished editions.
Recto
- בש רח
- כי ייי יהיה בכסלך ו[שמר רגלך מלכד
- והסיר ייי ממך כל חלי וג [
- ואתה שלום וביתך שלום וג [
- תרדדת כתבי אלי חצרה אלולד אלעזי[ז . . . . . . . . . . . . . . . . . . . .
- התלמיד המבין הכהן שצ אדכר מא [ . . . . . . . . . . . . . . . . . . . .
- ובורא עולם יודע מא עלי קלבי מן . [ . . . . . . . . . . . יגמע אללה ביננא
- עלי אסר אלאחואל ויחסן אלעאקבה למען שמ[ו . . . . . . . . אנקטעת
- כתבהא עני לם אעלם לה סבב ואשתגל קל[בי . . . . . . . . . . .
- כתבת עדה כתב ולם יצלני לואחד מנהם גואב [ . . . . . . . . . .
- אעלם הל הדא גצב מנה והדא שי מא אע . . . [ . . . . . . . . .
- אלגפא אלעטים וסוי עלם מני ליס לי פי אל[גמלה?] . . . . . . [ . . . . .
- //ולא אחד// אעתמד עליה אלא אלכאלק תע ואנת פאשתגל קלבי . . . . . . . .
- וכשית אן כון אלחאל בסבב מרץ עיניך לאני נפדת כתאב מע עבד אל
- רחמאן בן חידרה ולם יעטיני לך כבר פחאשא מרותך מן הדא אלאמר
- לאן אלגאיב מא יחסב כיר ואלמסתעאן באללה פאלעיון ואמקה אלי כתאב
- אבל בה שוקי ואערף אכבאר אלצגאר ואמא צאחבה אלבית פליתהא
- כאנת ענדכם פאנהא פי אצעב אלאחואל צאימה באכיה ליל ונהאר
- יתברך מן לא יהדי לי עיש לא פי אלגיבה ולא פי אלחצור ותמאם אלצעובה
- אנקטאע אכבארכם המבה יגעלה לכיר אמא חאלי פמצי[ת אלי אל . .
- ולם אכן אמלך סוי עשרה דנא אנתפק אכתרה אלי אלגאר[יה?] לא . . . . .
- מא תם וקמח לם יחצל אלי אלאן ומא ידרי אל . [ . . . . . . . ] וכנת קד
- כתבת אליהא פי מעני הדא אלטביב אלנצראני [לאנ]ה קטע רזקי לאנה
- יבדו עלי אלנאס ויקאול עלי אלאמראץ ויאכד שי . . וגמאל אלדי לה
- יעני בה ויקול מן ידאוי באטל מא ינצח ויעמל באלבלא שגל אלטרקיה
- וגהל לא יכון פי אלוגוד וקד בלית בה וגם זו לטובה פתנעם תגתמע
- לי מן כל בד באלשיך אלסדיד אלטביב ותערפה הדא אלחאל אלצעב
- לעלה יקדר אן יעלם בה מולאנא עלם אלדין אבקאה אללה פהו מא
Recto - right margin
- יסתחסן הדא והו צד
- מקצודהם אדא סמ[עת
- נפס אלמולא עלם אלד[ין
- תעלמני בה פי כתאב | וכאן קד וצל //אלקאצי// גלאל | אלדין צאחב אלדיואן | וקד באשר אלחאל | בנפסה וערפתה | חאלה ואגתמע בה | אלפקיה אלמדרס פי דלך | אלאמר
T-S 10J12.24 1v
Verso.
- וכאן אראד יטלק אלקמח פגא ספרה בגתה המבה יחסן אלעאקבה
- ואלדין אלדי עלי פהו יצל בעזרת הבורא ואמא אלחריר אלדי כאנת
- אכדתה צאחבה אלבית פיוכד מן דכאן בן אלגדול ואלעשרין דרהם אלדי
- ענד סת מסך תדפע לצגירה אלקראיה חק גזל וה[ו] בתסעה דראהם
- אלרבעה וכתמאן לא תבטל בל ידפע להא חק רי[ . ] . ן . . דכאן בן . . . .
- מן כל בד ואלמצחף פקד אעאן אלבארי עלי ה[ . . . . ] פי עלם אלואלד
- בעד אכצאצה באתם סלאם תכץ נפסך בא[תם] סלאם ואם סלימאן
- תכצך באלסלאם והיא עתבאנה עליך לכונך לם תרסל להא כתאב
- ואדא ארסלת כתאב פיכון אכבארכם כלהא פיה . . . . . . . . . . . .
- וכבר ר מנחם ואן כאן וצל מנה כתאב תרסלה מע . . . . . . . . . .
- ותסלם עלי סת מסך ותערפני אכבארהא מע אלצגירה אלתי ענדהא
- אלחצרה מכצוצה באלסלאם ומן ענדהא [כ]תיר ושלומה יגדל
Bottom margin, straight lines written upside down. Address.
. . . و البقا . . . لولده الشيخ ابو عمران
امانة موداة
