Letter: T-S 10J12.1
Letter T-S 10J12.1Tags
Input date
In PGP since 2004Description
Letter from a physician to his uncle. Tells the writer's sad story, which involved the death of his beloved wife, an unfortunate second marriage, and his eventual flight. The writer asks his uncle to give his son the family bible. (Edited, translated, and analyzed at length in Oded Zinger's dissertation, chapter 5 and document #10.)
Edition: Goitein, S. D.
T-S 10J12.1 1r
Transcription
S. D. Goitein, unpublished editions.Recto:
- בשמ רחמ
- כתאבי אלי ואלדי ואעז אלכלק עלי והו ענדי אלואלד עוץ אלואלד //חתי//
- אן מא מנהא וקת מן אלאוקאת יבלגני מנך תדכאר אלא וכאני
- ראית וגהך פאללה יגמע בך אלשמל קבל מפארקתנא הדה אלדניא
- ואמא סבב כוני לם אכתב לך פי כל וקת אקצאד לסבבין אחדהם
- תראדף אמור אלזמאן ותגייראתה חתי לא יגתם קלבך פצלה
- עלי חאלך ואלודה במא דא יכוך תוריתי פי חקך ומן גמלתה אן
- ממלוכך צח פי מא קאלה אללה לנביה בן אדם הנני לוקח ממך
- את מחמד עיניך במגפה ויהי דבר ייי אלי בבוקר ותמת אשתי
- בערב פלמא חכם עלי כדא תחירת לאנהא כאנת לי מעיר ל
- לעזור וכלפת לי הדא אלצגיר בן ג סנין פאחתגת פיה ללנאס
- בעד //ת//דלל וגמע שמל פמא כרגת בעד יח יום מנכרצה(!) ואנא
- וארבעה מן אלטב ענדי אכראם לי אלי אן נאבני נפקה וכסוה
- כפן וגנאיה וקבול וכאנת עזיזה אהלהא ואלבלד יב דינאר
- ובין מא קצינא חקהא ורגענא וגדנא כל מא פי אלבית חמל
- פדרית דא גמיעה עלי נפסי בעד אקאמתי עזב סנה וג סנין
- מריץ פאפתקרת מן גמיע מא אמלה פקדר אללה אנני דכלת
- אלי אלמחלה אגתמעת בבן סברא אלדי הם אליום אצהארי ליאכד
- ראיה פי מרצי פתחדתנא פי אמר הדא אלמרה וכאן אלרזק
- מקדר עלי פדכלת בהא לוגוה אן שתא אחדהא כונהם אצחאב
- סתרה וג/ה/אה ועלם טב ואלאכרא אמלת אן יתרבא ולדי ולא
- אחתאג ללנאס ואלאכרי כוני קראת עליה מא כאן אקדר עליה
- מן גירה לאנה צעב עלי הדא אלעלם עלי כבר ועול בית ומלכות
- וכאן אלקום קד אעתקדו אן בקי מעי בקיה וכאן אלזמאן אכלאני ומא
- כאן בידי פלחקהא נדם פאכדת אן תרפע מן אלבית קטעה בעד
- אכרי אלי אן אכלת אלבית וכאן מקדארה מאיה וכמסין דינאר
- פלמא אסתרדתה פקלת להא אנזלי ען מוכרך פאבת והי
- פ דינאר פגצבת ואכרגת ולדי מן ענדהם אעדתה אלי אהלה
- והגרתהם מדה סנתין פי מניה גמר ואסכנדריה ואלבחירה
- פקצי אן רכבני ואחד אלי אביאר וכאן אלשיך קד אכרג אלי
- בו אלהיגא אלסמין בלקרב
T-S 10J12.1 1v
Recto, margin:
מני אבעת דכלו בי וכאן בידי אנא פתוא מן אלריס רבי משה אנהא חי בעלת המרדות לא ילזמני להא שי ופי גיבתי ולדת לי טפלה וכברת ופטמתהא ואנא גאיב פדכלת אלי אלמחלה ואח ואחתכמנא וטאל אלשרח אלי אן אעאדת גמיע אלקמאש ורדית ולדי ובין דא ודא כרג פי אלחאל
מו
ידי מא כאן חצלי דינאר יה פפעלו דלך ענדה לקלבי איאם יסירה ורגעו יפרגו קטעה קטעה
יביעוהא
Verso:
- פתנכר עישי אכתר ואסתטאלת עלי בלולד אלדי לי ואלטפלה
- אלדי רזקתהא מע כון אלדי חצל לי כרג וקלד מעאיש פי אלמחלה
- וצאק צדי(!) כיף תעכסת פי נסאיה יכון אבצר בית מן לא יסוא
- מגמל וביתי עלי הדה אלצורה לא יצלח לא לצדיק ולא לעדו וכאן
- קד דכלת בלצגיר אלכתאב לאן עמרה אליום ז סנין ולם יכון ענדי
- מצחף פלאגל הדא אלדי כלמתך אן יכון ענדך שי בין פצלה ענך
- מן איאם אלמרחום זל תהדיה לבואלחסן לאנה ולדך חתי אנה
- יטלבך מ.. פי כל רקת יקול לי יא מולאי אוריני עמי ולם אעלם אנא
- עדרך איש הו חתי אגתמע בי בואלסרור ואחכא לי מא גרי
- עליך מן אלשיך יחיי יזכר במעשיו הרעים פי חק אלשרע אלדי
- נעלם קדרה לקד גמי עלי כיף יכוך מנא ואחד יצהר מנה דא
- ובלכאץ פי חקך פללה תעאלי יענשה ולא יכגלנא בסמעתה
- מצאף אלי מא גרי ולקד מא גרי עליך מנה עגז בל כנת תדכל
- מעה אלי צאחב אלחרב ישעף בה גירה ואלאן יא עמי אנא מא
- כאן לי חרקה תשתהי אן תראה מצאף אלי הדא אלפעל ואנא
- מע הולי אלקום עלי וגל לאני אריד אן ארבה וכיף יעינני אללה
- עלי אלכלאץ מנהם לאנהם שיכוני קבל חיני וכיף כוני רמית
- רוחי מתל אלרכאב ומא נהצת אלי מצר לאנאל פיהא מא אריד
