Letter: T-S 10J10.13
Letter T-S 10J10.13Tags
Input date
In PGP since 2004Description
Letter from Nahum b. Mansur, in Malij, to the parnas Abu Kathir, in Cairo. The letter discusses the happy outcome of Nahum b. Mansur's daughter's marital dispute . Written around 1092, as indicated by a calendar for that year written on the free space of the verso. (Information from Mediterranean Society, II, p. 568; III, pp. 213, 471)
Edition: Goitein, S. D.
T-S 10J10.13 1r
Transcription
S. D. Goitein, unpublished editions.- בשמך רחמנא
- שלום שלום מאדון השלום ומעושה במרומיו שלום קד עלם בורא הכל במא
- ענדי מן אלשוק אלי מולאי וסידי אלפרנאס אלגליל שיכי ועזי וגאהי ואלדי
- הוה(!) לי ענד אלשדאיד פאסל בורא הכל אן יחייך ויחפצך ואן יגעל אכרתך
- צאלחה ולא עדמת כטאך במא פעלת מע אלמרה מן אלגמיל ויחפץ ולדך
- אבו כתיר ויפרחך מנה ואני דאעי לך ליל ונהאר ואנך אלדי לי פי כל
- שדה ומא לי מן אעתז בה סואך אלדי כל מן כלמני אקול מולאי אלפרנאס
- הוה(!) יאכד חכמי וממא אעלם מולאי וסידי באן גת אלמרה מן ענדכם
- פוגת מעהא כתאב ואכדה אלחזאן ואלדין מנשה שצ ואבן מחבוב מולאי
- אלשיך אב לפרג ואלחזאן אלעסקלאני וכאנו גמאעה מגתמעין (!)
- פי אלכניס וקריו אלכתאב ואבצרו מא פיה ועמלו במתלה ואסתקרו
- אלצבי אלדי הוה זוג בנתי באן לא יכון להא מתנויה אלא ויזן מוכרהא
- ואנכסר אלצבי ובאס ראסי וראס אמהא ואצלחו ביננא ואנכסרנא גמיע
- פאעלמת מולאי אלפרנאס שצ במא גרי פלא עדמת פצלך וגעלת
- פדאך קראת עליך אפצל ואתם אלסלאם ועלי ולדך אלסלאם ועלי עיאש
- אלסלאם ותשכרה עני לא עדמתך ולא עדמתה במא פעל מע אלמרה
- וכאתב האדה אלאחרף עבדך וולדך אלצבי אלחזאן אבן אלגאזפיני אלדי טלע
- וצלי ענדך יקבל ידך ויקריך אפצל ואתם אלסלאם ואנה ידעו לך בספר
- תורה אנא ועמי פי כניסת מליג פאסל בורא הכל אן יחייך יא מולאי אלפרנאס
- ויקיים עליך קרא דכתיב ייי שומריך ייי צילך על יד ימיניך ושלומך
- יגדל ואל ידל לעד אמן נצח סלה
- ואנא אלחזאן אבן אלגאזפיני אשתהי מולאי אלפרנאס באן יקרי לי אלסלאם
- למנצור אבן די נון הוה מן אהל בלדנא והוה סאכן
- ישע רב
- פי חארת כניסת אלשאמין פי דרב אלפרן
Right margin, diagonal lines written upside down.
- ואשכר לי | אבן מחבוב | ואדעו לה | ושלום וכתבתה ½ פי וקת | עגלה | מסר | ואלא | פאשתהית | אן אדעו | אן כתיר | למולאי | אלפרנאס | שצ
T-S 10J10.13 1v
Verso. Address.
- יצל אלי מולאי וסידי וגאהי אלפרנאס אלגליל מן מחבה נאכום בן [[הבה]]
- אלשיך אבו כתיר חפצה אללהמנצור נע
- אלי מצר אליד אלפרנאס
- ישע רב
- שנת רתתנב
- ליצירה אתג [לשטרות
- אכד לחרבן ה[בית
- אלז מן רנו פשוטה
- וכסדרן מולד תשרי
- לגח קביעתו ג
- תקו לילה אלה עלי
- ג שעות אלי מן תש. . .
