Legal document: Moss. VII,71
Legal document Moss. VII,71What's in the PGP
- Image
- 1 Transcription
Description
Berakhot b. Saadya receives in December 1126 from Abu Ishaq Avraham b. Sason al-Mahalli, the perfumer, a loan of 32 dinars to be paid back by Passover 1127, which constitutes a term of 3.5 months. (Information in part from Mediterranean Society, I, p. 258, and from Goitein's index cards). Written by Halfon b. Menashshe ha-Levi. ENA 2558.1 + ENA 4011.46 (PGPID 6621) and Moss. VII,71 (PGPID 2751) are two copies of the same document.
Tags
Image
Transcription
Translation
Editor: Goitein, S. D.
Moss. VII,71 1r
S. D. Goitein, unpublished editions.
- שהדותא דהות באנפנא אנן חתומי מטה כן הוה חצר אלינא מר ור ברכות
- בר מר ור סעדיה הזקן נע ואשהדנא עלי נפסה אן ללשיך אבו אסחק אלמחלי
- אלעטאר מר ור אברהם הזקן הנכבד יש צו בר מר ור ששון הזקן הנכבד סט
- ענדה ופי קבלה ופי גהתה ודרכה ודמתה וכאלץ מאלה אתנין ותלאתין דינאר
- דהבא עינא מתאקילא ואזנה מצריה גיאדא צחאחא דינא ואגבא וחקא
- לאזמא חוב גמור ומלוה זקופה לאזמא לה ולוראתה בעדה ואנה יקום
- לה בגמיע דלך פי אלפסח מן סנתנא הדה אלתי הי סנה אתלח לשטרות
- פי נקדה ואחדה ווזן ואחד בלא מדאפעה ולא ממאנעה ולא חגה ולא
- אחתגאג כל עיקר ולא ימין עלי אסתיפא //שי// מן דלך מן סאיר צנוף אלאימאן
- עלי אכתלאף אגנאסהא ואנואעהא תקילהא וכפיפהא ואפילו על ידי גלגול ואפילו
- חרם סתם ואן אחריות דלך לאזמא לה ולוראתה בעדה באוכד מעאני אלאחריות
- ואתקנה וכתיקון חכמים ואקנינא מנה עלי דלך ללשיך אבו אסחק אברהם דנן
- מן גיר קהר ולא גבר ולא אכראה ולא סהו ולא גלט ולא עלה בה מן מרץ ולא גיר
- דלך מן גמיע מפסדאת אלשהאדה בקנין גמור חמור בכלי הכשר לקנות בו
- מעכשו בביטול כל מודעין ותנאין דלא כאסמכאתא ודלא כטופסי דשטרי
- ושהדותא דא כתבנא וחתמנא ויהבנא ללשיך אבו אסחק דנן דליהוי בידיה
- לזכו ולראיה וכאן דלך פי אלעשר אלאכיר מן חדש כסליו מן אלסנה אלמורכה לעילא
- שנת אלפא וארבע מאה ותלתין ותמניה שנין למניינא דרגיליננא ביה בפסטאט
- מצרים דעל נילוס נהרא מותבה ותאכרת כתאמתנא אלי אלעשר אלאול מן חדש
- טבת אלתאלי לה מן אלסנה אלמדכורה שריר ובריר וקיים תלי ביני שיטי שי:
וקיים ודין קיומיה:
Moss. VII,71 1v
