Letter: ENA NS 2.16

Letter ENA NS 2.16

Input date

In PGP since 2017

Description

Letter sent by Abu l-Barakat Shelomo b. Eliyyahu to Binyamin the Jewish physician (al-ḥakīm al-isrāʾīlī). The writer sends the recipient good wishes on Hanukka, congratulates him on his wife's deliverance (meaning that she did not die nor was she harmed in childbirth) and wishes him that God may give him a male descendant. (Information from Mediterranean Society, III, pp. 226, 227: V, p.603)

Images and transcription

Transcription

  • עבד עבדיו מעשה ידיו מודה חסדיו שלמה ברבי אליה הדיין נמשול
  • אהני מולאי וסיידי ותאג ראסי ועזי וסנדי וגאיה אמלי אלמולא
  • אלאגל אלסייד אלאציל אלפאצל אלמתיל אלנביל אלעאלם אלגליל אלחכים
  • אלפהים אלחלים הדרת מעלת תפארת אהובנו חשובנו יקירנו נכבדנו גבירנו
  • חכמנו נבוננו אשר אהבתו קשורה בלבנו בנימין השר האביר החכם
  • והנבון המלא כרמון הירא אלהיו מנעוריו החסיד בדרכיו המשכיל
  • בתהליכיו ישמרו צורו וינצרו יוצרו רעה לא תבוא אליו ונגע ומחלה
  • אל יקרבו באוהליו יגזיעו גזע לחי ולקיימה בזכות מי שלקח בידו תורה תמימה
  • . . . . . .]מימה אמן נצח סלה באלעיד אלקאבל והו עיד אלחנוכה אללה תעאלי
  • יזכו . . . . שנים רבות רבות נעימות וטובות ובמא מנחה אללה תבארך ותעאלי
  • מן אלמסראת ואפתקדה ברחמתה באלצורה אלגדידה אלמבארכה לאנהא
  • סי[. . . . .]ניס פאללה יגעלהא עליה וגה מוופק מבארך ויגעלהא אבתדא
  • אל[. . . .] ואלכיר ויעווצה ויעווץ מן ענדה בפצלה ורחמתה לאנה . . . לחכמה
  • תעאלי ואנמא הו תעאלי ממתחן אלצאלחין מתלכם חביבין יסורין ואלאן קד א[. . .
  • אללה בהדה אלצגיירה יכון אן שא אללה עקבאהא בן זכר לחי ולקיים [. . .]א יתכל .
  • פהו תעאלי יעלם קדר מא חצל לנא מן אלפרח ואלמסרה [. . . . . .] וראה
  • מן כלאץ אלכשרה וולאדהא וכאן ענדנא יום ערס וקלנא גמיע זה היום
  • עשה השם נגילה ונשמחה בו וליס כאן ענדי פי אלוקת אלחאצר לא ורקה ולא
  • דואה לאנני כנת מחפוט במא אנא משתגל פיה אלא אן אלאהבה אלתי
  • גהרתני עלי הדה אלורקה ואנת הו מן אחתמל ולדה או גלאמה
  • ואמא מא נחן עליה מן אלשוק אליך ואלי אלואלדה ואלי אהלנא גמיע
  • פאללה עאלם פהו תע כמא שתתנא פי סאיר אלבלאד כדאך יגמענא
  • פי ביתה אלשריף שנ והביאותים אל הר קדשי ושמחתים בבית תפלתי
  • עולותיהם וזבחיהם לרצון על מזבחי כי ביתי בית תפלה יקרא לכל העמ
  • ומולאי ואכי ואלגבירה ואנא נקבלו ידיך ושלומך יגדל

right margin, straight line at 90 degrees to main text

  • תדינני לכף זכות בחסדך ושלום

verso above

  • الى الثغر المحروس يسلم للشيخ الاجل الحكيم بنيمين الاسرايلي من مصر من عند ابو البركات
  • ابن الرئيس بارك الله من وصله لصاحبه امس امس

below, at 180 degrees to main text

  • יצל אלי אלתגר אלמחרוס יסלם לאלשיך אלחכים אלאגל ב. . . . אללה נעמתה
  • מן מצר מן ענד ממלוכה אבו אלברכאת בן אלרייס שמ צו ברוך מווצלה לצאחבה
Image Permissions Statement
  • ENA NS 2.16: Images provided by the Jewish Theological Seminary Library (JTSL) CC-Zero / Public Domain