Scholarship on Letter: ENA 1822a.49
Letter ENA 1822a.49- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
ENA 1822a.49 1
S. D. Goitein, unpublished editions.
- אלי חצרה אלולד אלעזיז אלשיך מוסי ופקה אללה תע
- ועווצה כיר ורדה לאפצל מא עוודה מן עואידה
- אלגמילה וינהי כתרה שוקה אליה ואלי גמיע מן ענדה
- גמע אללה אלשמל בהם קריב וסמע אנה יטלע אלי
- מצר פלם יצח דלך ועז עלי פי חקה ופי חק אהלה
- ופי חק אלצגירה אלמגבונה בינכם אלדי מא חצלת
- לכם ולא להא ולא לנא ראחה ויא אבן אכתי אנת
- ואלכלק עלמוא קצדי אנה ללה ולמחבתכם ואלאן
- קד עמלת אעמאל כתיר לחית יגי אלאמר גייד
- וגא בפצל אללה תע כיף ארדתם ואנצלח אלצב[י
- ללה ולכם וללצביה ופרח כל מן פיה ללה שי אל[י
- חית חצל לה אלמרץ פטלב מא לא ענדה מן גהה
- אלגואלי ופעל אללה תע לאגל אסמה ואכד כטוט
- ארבאב אלדולה וכט אלסלטאן וכט אלצאחב באלאעתפא
- וברד וצולאתה אליה פחצר קאצי קליוב אל[י] מצר וואליהא
- ואלזמוה באלגלוס פיהא והו פי כיר בעד אן טלב יתגה
- אלי אלשאם פמא מכן ומא דכל הרב רבנו יצחק שצ
- . . . . .] אלדכל ינייה אן יסאלוך אן תחמל זוגתה
- . . .] נגם ויכלי להא דאר ויושתרי להא ק[מאש] וגמיע
- מא] תחתאג וכאנת אלכירה לכם ולהא ולה ורבמא
- לא אחד] אשפק ואחן עליהא מנכם ולקד וצל כתאב
- אחד גיר] אנהא אן עאקתהא ליס מנהא והי מע הדא
right margin, straight lines at 90 degrees to main text
מגבונה ומצלומה ולולא אקסם באימאן עצימה מא יס[. . . . . . . .
להא שי ונקעד פי אלבלאד למא
top margin, diagonal lines at 180 degrees to main text
באן ענדי | קלה אלת[. .]ל אלי | אלחד ואלאן יא אבני |
תצוור פי דהן אלצבי | מא סבב לה הדא . . | אלא . . . .הוד ולא ול. | עליה פי חדית אלגאליה | אלא הם וקד . . . . . . |
לל[. .]ו. ומ.ם | . . . . . . . . . .] | . . באסם
ENA 1822a.49 2
verso
ו]אן כאן באלצד פכאן כדאך פאתפצל
. . . .]אדכרו אלתרביה ואלאהליה ואלמחבה ווצלו
. . . .]מא פי קלובכם מן אלגש ואתבעו אלחקאיק
