Letter: Bodl. MS heb. d 66/85
Letter Bodl. MS heb. d 66/85Tags
Description
Calligraphic letter by a community leader who found out that the son of a scholar had married four couples, writing their marriage contracts and performing the weddings. The writer asks the chief judge to send him a letter explaining whether or not the action of the scholar's son was permissible. The letter contains no address and was probably never sent. (Information from Mediterranean Society, II, pp. 74, 538)
Edition: Goitein, S. D.
Translation:
Bodl. MS heb. d 66/85 85 recto
Transcription
S. D. Goitein, unpublished editions.- ממלוך הדרת כקג מרינו ורבינו אור עינינו
- ומחמד נפשינו נשיא אלהים בתוכנו יהי אלהיו
- בעזרו ינהי אלי ולאלהא מא ענדה מן אלאסף עלי
- מפארקתהא ובעדה מן מלאחצתהא ויסאל אללה
- תע אלאנעאם עליה בקרבה מנהא ותמליה
- בנטרהא וקד כאן עבדהא לילה הם באלספר
- גא אליהא לתקביל ידיהא פלם תק חאצרה
- אקרן אללה מגארי אמורהא באלסעאדה ואלתופיק
- אבדא כמא אן קצרהא אבדא פי גמיע
- תצרפהא שום שמים לא גיר ולמא אן וצל
- אלי אלבלד וגד[[ת]] ולד אלחבר קד אזוג ארבעה
- אנאס וכתב כתבאתהם ותולא תקדיסהם
- והו עלי מא תעלמה מן אל עלם בדלך חתי אני סמעת
- אנאס כתיר יאכדו עליה כיף כאן מקאמה ויהזו
- בחדיתה כיף כאן אלקדוס וכיף גרי אלאמר ואלממלוך
- אלאן יסל[ה] גלאלהא אן תכתב לעבדהא אן כאן
- פעלה אן יפעלה מן דלך גאיז אולא וכדלך מא
- יכון גמיע אלצלאה ליכון לעבדהא מא ירגע אליה
- ויעתמר עליה פאנה אלדי יתולא אכתר אלצלאה
- וממלוכהא ליס טייב אלנפס בדלך ולכן ליס אעלם
- חגה אגייר עליה בהא רסם עלי אן רבמא כאן
- פי הדא עלי אלגמאעה צעובה מא ולכן אלחק
- אולא מתבע ממלוכהא יסאלהא אלא תוכר אנה
- מא ענדהא פי דלך והי אלמנעמה אלמתפצלה
- אלנאטקה במא ילהמהא אללה תע אליה ואשדהא
- אלי צואב אלקול לעלמה גמיל קצדא ותחקיק
- אעתמאדהא ממלוכהא יקבל ידיהא אלכראם
- לא אכלאני אללה מן אחסאנהא אבדא
Translation
Bodl. MS heb. d 66/85 85 verso
