Legal document: Bodl. MS heb. d 66/77

Legal document Bodl. MS heb. d 66/77

Input date

In PGP since 1989

Description

Legal record, likely from a court ledger. Location: Fustat. Dated: 8 Heshvan 1473 Seleucid = 30 October 1161 CE, under the authority of Netanʾel ha-Levi. Containing a detailed record about an oath given by Abū Manṣūr Elʿazar b. Natan ha-Kohen concerning many claims dropped by Sitt al-Ḥasab bt. Abū l-Faḍl ha-Sar ha-Levi Ibn al-Baṣrī against one of her agents who happened to be a tenant in one of her houses. Written and signed by Mevorakh b. Natan he-Ḥaver; also signed by Yaʿaqov b. Yosef ha-Kohen. (Information from Mediterranean Society, IV, p. 326, and from Goitein's index cards)

Bodl. MS heb. d 66/77 77 recto

77 recto

Transcription

S. D. Goitein, unpublished editions.
  1. למא כאן פי יום אלא[ אל]תאמן מחדש מרחשון
  2. דשנת אלפא וארב[ע מא]ה ושבעים ותלתה שנין
  3. לשטרות בפסטאט מצרים דעל נילוס נהרא
  4. מותבה רשותיה דהדרת יקרת צפירת תפארת
  5. כבוד גדולת קדושת מרנו ורבנו הוד דורנו
  6. נסיכנו ונשיא אלהים בתוכנו אדוננו נתנאל הלוי
  7. רכב ישראל ופרשיו יהי שמו לעולם וצל אמר
  8. הדרת אדוננו יחיד דורנו באסתחלאף אלשיך אבו
  9. מנצור אלכהן מ ור אלעזר הכהן הזקן שצ בן מ נתן הזקן נע
  10. לכצמתה סת אלחסב אבנה אלשיך אבו אלפצל השר הנכ
  11. הלוי הידוע בן אלבצרי נע שבועת היסת עלי גמיע מא
  12. אדעת עליה בה במושב הדרת אדוננו יחיד דורנו
  13. ובית דינה ונצדלך(!) אלדי חלף עליה מ אלעזר הכהן שצ
  14. אנה לם יסתרהן יום קט אלחלה אלזרקא אלדי וקעת עליהא
  15. אלמחאכמה והי מערקה זרקא ומעגר ומכלף באלוחד
  16. מן הדה אלג קטע מרקום מג אעלאם וצפין ואנה לם
  17. יביעהא באזיד עלי מא אגאבתה פי אלסוק פי אלנדא והו
  18. דינאר ואחד ו עליה אלסטל ואלמאורד ואלתסעין
  19. דרהם אלכרא אלדי דכר אנה אוצלהא אליהא ואלתלאתה
  20. דנא אלדי דכר אנה לם יאכדהא ען חואלה אבו אלכיר אל
  21. אסכנדראני מן יהודה אכו אבו אלכיר אלמדכור אנה
  22. מא קבץ מנה שי בסבבהא אלבתה ואן אלקנטאר אל
  23. מאורד מע אלסטל מא להא קבלה מנה שי וגלגלנא
  24. עליה פי ימינה דלך אנה לם יכונהא פי ביע מא תצרף

Translation

Bodl. MS heb. d 66/77 77 verso

77 verso

verso

  1. להא פי[ה] מנד ערפהא [. . . . . .] פחצר אבו מנצור אל
  2. כהן אלמדכור פי אלתאר[יך אלמדכ]ור ואכרגנא ספר
  3. ה]תורה המקודש וחמל[ה . . . .] עלי ידי וגדדנא
  4. ב]אסמה ונ. .נא עליה גמיע דעאוי כצמתה אל
  5. מדכורה לעיל ואלגלגול ואחרמנא שבועת דינה
  6. עליה וקאל בחצרתנא אמן עלי גמיע דלך בעד
  7. אן חצרא שאהדין בין ידינא והמא אלחבר ר יחזקאל
  8. הכהן ביר עלי החבר נע ור שמריה השמש ושהדו
  9. ענדנא אנהמא אקנו מנהא אעני מן סת אלחסב דא
  10. קנין שלם בתר דאישתמודועוה אנהא קד אברת
  11. מ אלעזר הכהן מעכשיו בעד ימינה הדה מן גמיע אל
  12. דעא]וי ואלמטאלבאת ואלחקוק באסרה[א] סוי אלכה[.
  13. ע]שרין דינאר עלי מא זעמת ומא דה. .[. . . .
  14. כתבנא וחתמנא דליהוי לזכו וכתב הדא אל[. . . .
  15. נסכתין מרפקתין וכדלך כתבנא כטוטנא פי אלת[אריך
  16. אלמדכור יעקב הכהן בר יוסף נע מבורך בר נתן
  17. החבר סט
Image Permissions Statement