Letter: Bodl. MS heb. d 66/52
Letter Bodl. MS heb. d 66/52Tags
Input date
In PGP since 2017Description
Business letter sent from Alexandria by Abu al-Ḥasan b. Khulaif to Abu Sa'id al-'Afsi in Cairo about business done for him in Spain. (Information from Mediterranean Society, I, p. 166, and from Goitein's index cards.) See also DK 232.2 (alt: VIII), a letter sent to the same addressee from the Binyām mentioned in r8–10.
Edition: Goitein, S. D.
Bodl. MS heb. d 66/52 52 recto
Transcription
S. D. Goitein, unpublished editions.- בשמ רחמ
- אצדרת הדה אלאסטר אלי מולאי אלשיך אלגליל
- אטאל אללה בקאה ואדאם סמווה ועלאה ודלך
- אן אנפד אלי חצרתה אלכהן אלפאסי קטיעה דהב
- דכר אנה באע לך בהא זבאד בז מתאקל(!) ונצף ותמן
- אנדלסיה וארסלהא לי [[ל]]מן פאס וסאלני אן אביעהא
- פי אלמרייה ונשתרי לך בתמנהא חריר פלם
- יכון דלך צואב ענדי וראית מן אלראי אן תבקא
- עלי אלצורה אלדי אנפדהא וקד מן אללה באלסלאמה
- ברחמתה עלינא ואנפדתהא אליך צחבה בניאם
- אלרשידי אלעטאר פתטמן קלבי בוצולהא אליך
- וכתאבך אן שא אללה יצל צחבתי וקד כלפני בעץ
- אצדקא אלכהן אלמדכור בקליל ענבר אנפדה מעי
- וסאלני אן ינבאע לי ידיך ותשתרי לי בתמנה
- כמאסיאת מסך טייבה לא עדמת בקאך ולא ולית מנך
right margin, diagonal lines at 180 degrees to main text
ווזנהא קק כה | דרהם באלכרקה | ואלכישה אדא | מן אללה ת | בוצולהא אליך |
צחבה אכי | אבו אלברכאת | תתסלמהא מנה | ותביעהא סאעה | וצולהא במא | טעם אללה |
ורזק
top margin, diagonal lines at 180 degrees to main text
בלא תאכיר | ולא תואני | תכתץ עני באתם | אלסלם(!) ושלום אדוני | יגדל לעד |
וכדלך איצא אדא אנבאע | אלענבר תשתרי | בתמנה מסך | כמאסיאת | טייב
Bodl. MS heb. d 66/52 52 verso
verso
- ומא כאן למולאי מן חאגה ישרפני בקצאהא ולא יאכד עלי
- לאן כתבת הדה אלסטרין ערב שבת ואנא מטהר בפיבסט מולאי
- אעזה אללה אלעדר פי דלך וידהב עני אלאנתקאד ושלום
- ומא נחתאג נוכד עלי חצרה מולאי
- אן שא אללה אדא וצל אלענבר יביעה סאעה
- וצולה ולא יוכר פיה אלביע ויערפני כם
- צח פי וזנה צאפי נקי מן אלצרף
bottom marginof the page, straight lines at 180 degrees to main text. Address.
יצל אלי מצר חמאהא אללה אלי אלעפצי אטאל אללה
מולאי אלשיך אלאגל אבו סעיד בקאה ואדאם עזה ונעמאה
שאכרה אבו אלחסן בן כליף אלאסכנדראני ננ
